Gujarati News

Gujarati News

News of Friday, 27th November 2020

લોકો મૂળભૂત અધિકારોને યાદ રાખે છે પરંતુ ફરજને ભૂલી જાય છે. જસ્ટિસ એમ.આર શાહ

ગુજરાત હાઈકોર્ટની સ્ટેન્ડિંગ કમિટીએ બંધારણીય દિવસ વિડીયો કોંફરન્સના માધ્યમથી ઈ-મોડથી ઉજવણી કરી

અમદાવાદ : બંધારણીય દિવસ નિમિત્તે કોરોનાકાળમાં ગુજરાત હાઈકોર્ટની સ્ટેન્ડિંગ કમિટીએ બંધારણીય દિવસ વિડીયો કોંફરન્સના માધ્યમથી ઈ-મોડથી ઉજવણી કરી હતી સુપ્રીમ કોર્ટના ન્યાયાધીશ જસ્ટિસ એમ.આર શાહ પણ વીડિયો કોંફરન્સના માધ્યમથી બંધારણ દિવસની ઉજવણીમાં જોડાયા હતા. જસ્ટિસ એમ.આર શાહે જણાવ્યું હતું કે લોકો મૂળભૂત અધિકારોને યાદ રાખે છે પરંતુ ફરજને ભૂલી જાય છે.

કોરોના મહામારીમાં ગુજરાત હાઈકોર્ટે વિડીયો કોંફરેન્સથી જે કામગીરી કરી છે તેની જસ્ટિસ એમ.આર. શાહે આવકારી હતી ગુજરાત હાઈકોર્ટના વિડીયો કોંફરેન્સથી સુનાવણીનું લાઈવ સ્ટ્રીમિંગ કરવાના નિણર્યના પણ વખાણ કર્યા હતા

 અત્રે ઉલ્લેખનીય છે કે સુપ્રીમ કોર્ટમાં ન્યાયધીશની વરણી પહેલા જસ્ટિસ એમ.આર. શાહ ગુજરાત હાઈકોર્ટના ન્યાયાધીશ રહી ચૂક્યા છે.

ગુજરાત હાઈકોર્ટના કાર્યક્રમમાં તમામ ન્યાયધીશ, એડવોકેટ જનરલ અને અન્ય સરકારી વકીલ સહિત તમામ હોદ્દેદારોએ વિડીયો કોંફરન્સના માધ્યમથી હાજરી આપી હતી. ગુજરાત હાઈકોર્ટના ચીફ જસ્ટિસ વિક્રમનાથના નેજા હેઠળ બંધારણનીય દિવસ ઉજવવામાં આવ્યો હતો.

(10:39 pm IST)
  • મુંબઈમાં સંખ્યાબંધ સ્થળોએ એન્ફોર્સમેન્ટ ડાયરેકટોરેટે (ઈડી)એ મોટાપાયે દરોડા શરૂ કર્યાનું જાણવા મળે છે access_time 12:51 pm IST

  • જામનગરની જાણીતી હોટલ રોયલ સ્ટેના માલિક નરેન્દ્રસિંહ પરમારનું દુઃખદ નિધન access_time 10:29 pm IST

  • લાલુનો જેલવાસ ૧૧ ડિસેમ્બર સુધી લંબાયો : આરજેડી પક્ષના સુપ્રિમો લાલુપ્રસાદ યાદવને આજે ફરી જામીન મળ્યા નથી : ૧૧ ડિસેમ્બર સુધી જેલમાં રહેવુ પડશે : તેમની જામીન અરજીની સુનાવણી હવે ૧૧ ડિસેમ્બરે હાથ ધરાશે access_time 1:08 pm IST