Gujarati News

Gujarati News

News of Friday, 27th November 2020

શહેરમાં ભદ્ર પાથરણા બજાર બંધ કરાવી દેવાયું

કોરોનાનો કહેર વધતા તંત્ર જાગ્યું

અમદાવાદ, તા. ૨૬ : દિવાળીના તહેવારો બાદ શહેરમાં કોરોનાના કેસોમાં સતત વધારો થઈ રહ્યો હોઈ બુધવારે શહેરના સૌથી મોટા બજાર ગણાતા ભદ્ર પાથરણા બજારને સંપૂર્ણ બંધ કરાવી દેવામાં આવ્યું છે. બુધવારે સવારે જ પોલીસ અને મ્યુનિ. કોર્પોરેશને એક પણ પાથરણાવાળાને બેસવા દીધા ન હતા. આગામી દિવસોમાં પણ આ જ સ્થિતિ રહેશે. દિવાળીના તહેવારોમાં ભદ્ર પાથરણા બજારમાં લોકોની ભારે ભીડ જોવા મળી હતી. હવે કેસો વધી રહ્યા છે ત્યારે વધુ સંક્રમણ ન ફેલાય તે માટે ત્રણ દરવાજાથી લઈને ભદ્ર કાળી મંદિર સુધીના તમામ પાથરણા બંધ કરાવી દેવાયા છે.

દિવાળીના તહેવારોમાં ભદ્ર પાથરણા બજારમાં લોકોની ભારે ભીડ જોવા મળી હતી. તહેવારો પૂર્ણ થયા બાદ શહેરમાં કોરોના વિસ્ફોટ થતાં સરકારને અમદાવાદમાં ૫૭ કલાકનો કરફ્યૂ લાદવાની ફરજ પડી હતી. આ કરફ્યૂ પૂર્ણ થયા બાદ ભદ્ર પાથરણા બજાર પણ રાબેતા મુજબ શરૂ થઈ ગયું હતું. બે દિવસ સુધી સતત પાથરણા બજાર ચાલુ રહ્યા બાદ બુધવારે આ પાથરણા બજાર બંધ કરાવી દેવામાં આવ્યું છે. બુધવારે સવારે જ પોલીસ અને મ્યુનિ. તંત્ર દ્વારા ત્રણ દરવાજાથી લઈને ભદ્ર સુધીમાં એક પણ પાથરણા લાગવા દીધા ન હતા.

(9:12 pm IST)
  • મહારાષ્ટ્ર સરકારનો મહત્વનો નિર્ણય : 30 હજાર સેક્સ વર્કર્સને દર મહિને 5 હજાર રૂપિયા આપશે : ઉપરાંત જેમના બાળકો સ્કૂલમાં અભ્યાસ કરે છે તેમને દર મહિને અઢી હજાર રૂપિયા વધુ અપાશે : રાજ્યના 32 જિલ્લાની 30 હજાર મહિલા સેક્સ વર્કર્સને આર્થિક સહાય માટે 51 કરોડ રૂપિયા ખર્ચવાનું આયોજન : મહિલા તથા બાળવિકાસ મંત્રી યશોમતી ઠાકુરની ઘોષણાં access_time 11:43 am IST

  • મહેબુબા મુફતી ફરી નજર કેદમાં : પુત્રી ઈલ્તીજાની જાહેરાત : કાશ્મીરના ભૂતપૂર્વ મુખ્યમંત્રી મહેબુબા મુફતીને આજે સવારે ફરીથી તેમના નિવાસસ્થાને નજર કેદ કરવામાં આવ્યા છે : મહેબુબા મુફતીની પુત્રી ઈલ્તીજાએ આ વાતની જાહેરાત કરી હતી : તેણે કહેલ કે શું આપણે આને લોકશાહી કહેશુ જયાં લોકોને વાણી સ્વતંત્રતા કે વિચારો વ્યકત કરવાનો પણ કોઈ અધિકાર નથી : જો કે સત્તાવાર હજુ સુધી આવી કોઈ જાહેરાત થઈ નથી access_time 1:08 pm IST

  • જામનગર જિલ્લાના લાલપુરમાં 2 જૂથ વચ્ચે અથડામણ: 3 લોકો ઘાયલ: મહિલાની છેડતી બાબતે અથડામણ થયાનું પ્રાથમિક તારણ: પોલીસ કાફલો ઘટનાસ્થળે પહોંચ્યો : ચાંપતો બંદોબસ્ત ગોઠવાયો access_time 11:48 pm IST