Gujarati News

Gujarati News

News of Friday, 27th November 2020

અમદાવાદની પરિણિતાનું ફેક ફેસબુક ID બનાવીને છેડતી

શહેરમાં સાયબર ક્રાઈમના ગુનામાં વધારો : બિભત્સ ફોટાઓ સોશિયલ મીડિયામાં અપલોડ કરાયા

અમદાવાદ, તા. ૨૬ : અમદાવાદ શહેરમાં સાઇબર ક્રાઇમના ગુનામાં વધારો થતો જોવા મળી રહ્યો છે. હાલમાં જ સોશિયલ મીડિયાથી પ્રભાવિત થયેલા મોટેભાગના યુવાનો દ્વારા સોશિયલ મીડિયાના ઉપયોગ કરવામાં આવે છે. પરંતુ કેટલાક લોકો આ સોશિયલ મીડિયા પર ફેક આઇડી બનાવી બીજાને બદનામ કરવા માટે પણ સોશિયલ મીડિયાનો ઉપયોગ કરે છે. આવો જ વધુ એક કિસ્સો અમદાવાદમાં પ્રકાશમાં આવ્યો છે. જેમાં સોશિયલ મીડિયા પર પરિણીતાના નામે એફબી એકાઉન્ટ બનાવી છેડતી કરવામાં આવી છે. જેમા યુવતીના બિભત્સ ફોટા સોશિયલ મીડિયામાં અપલોડ કરાવમાં આવ્યા છે. આ અંગે સાયબર ક્રાઇમે ગૂનો નોંધી આરોપીની તપાસ શરૂ કરી છે.

અમદાવાદમાં પરિણીતાના નામે બનાવટી ફેસબુક એકાઉન્ટ બનાવી કરી છેડતી કરી હોવાની ઘટના સામે આવી છે. જેમા યુવતીના બિભત્સ ફોટા સોશિયલ મીડિયામાં અપલોડ કર્યા છે. આરોપીએ પરિવારજનોને પણ યુવતીના ફોટો મોકલ્યા છે. આ અંગે સાયબર ક્રાઇમે ગૂનો નોંધી આરોપીની તપાસ શરૂ કરી છે. ઉલ્લેખનીય છે કે શહેરમાં અવાર નવાર છેડતીના બનાવ સામે આવતા રહે છે. સોશિયલ મીડિયાનું લોકોને એવું ઘેલુ લાગ્યું છે કે લોકો તેનાથી કોઇને બદનામ કરવાથી સુધીની હદે પહોંચી જાય છે. પરંતુ તે લોકો જાણતા નથી કે તેનું પાછળથી શું પરિણામ આવશે. જોકે, હવે જોવું રહ્યું કે પોલીસ આ અંગે કેવા પગલા લે છે અને આવા રોમિયોની રોમિયોગીરી બંધ કરાવવામાં સફળ રહેશે કે નહીં?

(9:18 pm IST)
  • પશ્ચિમ બંગાળના મુખ્ય મંત્રી મમતા બેનરજીને એક જ દિવસમાં બે ઝટકા : ટ્રાન્સપોર્ટ મિનિસ્ટર સુવેન્દુ અધિકારીએ રાજીનામુ આપ્યું : ધારાસભ્ય મિહિર ગોસ્વામીનું પણ રાજીનામુ : મિહિર ગોસ્વામી ભાજપમાં જોડાશે : રાજ્ય ભાજપ અધ્યક્ષ દિલીપ ઘોષની કોમેન્ટ ' તૃણમૂલના અંતનો આરંભ ' access_time 8:27 pm IST

  • પેટ્રોલ ડીઝલના ભાવમાં આજે આઠમા દિવસે પણ ભાવમાં વધારો ઝીંકાયો: પેટ્રોલમાં 24 પૈસા અને ડીઝલનાં ભાવમાં પ્રતિ લિટરે 31 પૈસાનો વઘારો થયો :આઠ દિવસમાં પેટ્રોલમાં 1.07 અને ડીઝલમાં 1.86 ૱ નો ભાવ વધારો થયો છે:ભાવ વધારો સવારે છ વાગ્યા થી લાગુ થશે access_time 11:44 pm IST

  • પશ્ચિમ બંગાળમાં આવી રહેલી વિધાનસભા ચૂંટણીઓ પહેલા મમતા બેનરજીની મહત્વની ઘોષણાં : રાજ્યના તમામ 10 કરોડ નાગરિકોને રૂપિયા 5 લાખ સુધીની કેશલેશ સુવિધા અપાશે : ભાજપના ' વિકાસ ' પ્રચાર સામે મમતાનું ' વિકાસ કાર્ડ ' access_time 1:15 pm IST