Gujarati News

સુરતના વેસુ ચોકી પાસે આગમ આર્કેડમાં ત્રીજા માળે ભીષણ આગ લાગતા પાંચ વર્ષના બાળકનું મોત નીપજ્યું છે ચાલુ શોપીંગ સેન્ટરમાં લાગેલી આગની ઘટના બાદ 15 જેટલા ફાયર ફાઇટર્સનો મોટો કાફલો આગને બુઝાવાની કામગીરીમાં લાગ્યો હતો. આગમાં 5 વર્ષીય બાળકનું મોત નિપજ્યું છે.

 આગમાંથી રેસ્ક્યુ કરાયા બાદ કુલ 5 બાળકોને વેણુ સ્થિત સંજીવની હોસ્પિટલમાં ખસેડવામાં આવ્યા હતા. જે પૈકી મંથન જાધવ નામના બાળકનું મોત નિપજતા પરિવારજનો શોકમગ્ન બન્યા છે. આગમાં ગુંગણામણને કારણે મંથનનું મોત થયું હોવાનું અનુમાન છે. તો પાંચ પૈકી અન્ય 2 બાળકોની હાલત ગંભીર બતાવાઇ રહી છે. જ્યારે કે આગમાં ફસાયેલા અન્ય 2 બાળકોને નજીકમાં આવેલી ખાનગી હોસ્પિટલમાં ખસેડવામાં આવ્યા છે.