Gujarati News

Gujarati News

News of Sunday, 27th September 2020

રાજપીપળા સિવિલ હોસ્પિટલના ગાયનેક તબીબે પ્રસુતિના ગંભીર કેસને સફળતાપૂર્વક પાર પાડ્યો

રાત્રે લગભગ એક વાગ્યાના સુમારે અંતરીયાળ ગામડામાથી આવેલ સગર્ભાની સ્થિતિ ગંભીર હોવા છતાં વડોદરા રીફર કરવાને બદલે પોતેજ હેંડલ કરી લેવાની સમયસુચકતા વાપરી બે જીવ બચાવી લીધાં

(ભરત શાહ દ્વારા) રાજપીપળા : રાજપીપળા સિવિલ હોસ્પિટલમા ગત તા.23/09/2020ના રોજ નર્મદા જીલ્લાના અંતરીયાળ વિસ્તારમાથી એક ગર્ભવતી મહીલાને ગંભીર સ્થિતિમા લાવવામા આવી હતી, આ સગર્ભાની પરિસ્થિતિ જોતાં બાળક અને માતા બન્નેના જીવ જોખમમાં મુકાયેલા જણાયા હતાં. સામાન્ય રીતે આવા દર્દીને વધુ સારવાર માટે વડોદરા રીફર કરી દેવાતા હોય છે. પરંતુ ફરજ ઉપરના તબીબ ડો.હર્ષિલ અને તેમની ટીમએ સમય સુચકતા વાપરી સગર્ભાની સફળ ડીલીવરી કરાવી માતા અને બાળક બંન્ને સુરક્ષીત કરી લીધાં હતાં, જોકે નવજાત બાળકને વધુ મેડીકલ સપોર્ટની જરૂર જણાતા વડોદરા રીફર કરાયુ હતું, અને ત્યાં બાળક સ્વસ્થ હોવાનુ જાણવા મળ્યું છે, આમ તો રાજપીપળા સિવિલ હોસ્પિટલ અનેકવાર લાલીયાવાડી ના કારણે  વિવાદો મા રહી હોય છતાં હાલ આ ગાયનેક તબીબની એક ઉજળી અને પ્રશંસાપાત્ર કામગીરી સામે આવી છે જે બિરદાવવા લાયક છે.

(6:36 pm IST)
  • કોંગ્રેસ છોડી "આપ"માં ગયા અને હવે "આપ" છોડી કોંગ્રેસમાં પાછા ફર્યા : ઝારખંડના પ્રદેશ કોંગ્રેસ સમિતિના પૂર્વ પ્રમુખ અને પૂર્વ સાંસદ અજય કુમાર ફરી કોંગ્રેસમાં જોડાઈ ગયા છે. તેઓ કોંગ્રેસ છોડીને આપ પક્ષમાં સામેલ થયા હતા. access_time 5:05 pm IST

  • યેદુરપ્પાની ભાજપ સરકારને એક મતે જીવનદાન મળ્યું : કર્ણાટકમાં ભાજપના મુખ્યમંત્રી બી એસ યેદુરપ્પા અને ભાજપ સરકાર સામેની અવિશ્વાસની દરખાસ્તનો એક મતથી પરાજય થયો છે. access_time 3:11 pm IST

  • અમદાવાદની શાહીબાગ એસીબી કચેરી બની સાંસ્કૃતિક સમન્વયની પ્રતિક ગુજરાતની ધાર્મિક-સંસ્કૃતિની ઓળખ આપતા ચિત્રો - મંદિરો તેમજ હેરીટેજ સ્થળો દ્રશ્યોની ફ્રેમો મુકાઇ : આદિવાસી સંસ્કૃતિ-ગીરના સિંહોના તસ્વીરી ઝલકના દર્શન મુલાકાતીઓ કરી શકશો : કચેરીના નવા લુકથી કર્મચારીઓનો કામ કરવાનો જુસ્સો વધશે : પર્યટન સ્થળે આવ્યા હોય તેવો ભાવ મનમાં સર્જાશે access_time 3:05 pm IST