Gujarati News

Gujarati News

News of Saturday, 26th September 2020

'હું ભાજપમાંથી ચૂંટણી લડીશ ' જ્યારે પણ પેટાચૂંટણી થાય સંપૂર્ણ તૈયારી કરી રાખી છે

કોંગ્રેસના ધારાસભ્યપદેથી રાજીનામું આપી ભાજપમાં જોડાનાર જીતુ ચૌધરીનો દાવો

 

  ગાંધીનગરઃ ટણીપંચ દ્વારા બિહાર વિધાનસભાની ચૂંટણીની જાહેરાત કરાઈ છે જોકે, ગુજરાતમાં પેટાચૂંટણી અંગે કોઈ જાહેરાત કરવામાં આવી નથી. આગામી 29મી સપ્ટેમ્બરે ખાલી પડેલી 8 બેઠકોની પેટાચૂંટણી માટે બેઠકનું આયોજન કરવામાં આવશે. ત્યારે બેઠકમાં પેટાચૂંટણીને લઈને કોઈ નિર્ણય થઈ શકે છે.હજુ પેટાચૂંટણીની જાહેરાત નથી થઈ, પરંતુ કપરાડામાં કોંગ્રેસના ધારાસભ્યપદેથી રાજીનામું આપી ભાજપમાં જોડાનાર જીતુ ચૌધરીએ ભાજપમાંથી ચૂંટણી લડવાનો દાવો કર્યો છે

 . તેમણે જણાવ્યું હતું કે, જ્યારે પણ પેટાચૂંટણી થાય તેઓએ સંપૂર્ણ તૈયારી કરી રાખી છે. હાલ ભાજપમાં કાર્યકર્તાઓ સાથે સતત સમ્પર્કમાં હોવાનું અને 'દૂધ માં સાકર ભળે એમ હું પણ ભાજપ માં ભળી જઈશ, તેમ તેમણે જણાવ્યું હતું. આજે ગુજરાત પ્રદેશ ભાજપ ઉપાધ્યક્ષ ગોરધન ઝડફિયાએ કોંગ્રેસને પડકાર ફેંક્યો છે. તેમણે પડકાર ફેંકતા જણાવ્યું હતું કે, કોંગ્રેસમાં તાકાત હોય તો મેદાનમાં આવે. કોંગ્રેસ દિવાલ પર લખી લે, અમે તમામ બેઠકો જીતવાના છીએ. ચૂંટણીના ઢોલ વાગે એટલે બધા જૂથ એક ભાજપ, એમ ગોરધન ઝડફિયાએ ઉમેર્યું હતું. અમે બુથ સુધીની વ્યવસ્થા કરી છે.

(12:26 am IST)
  • ગુગલનો આજે ૨૨ મો જન્મદિવસ ! ગૂગલે ૮ સપ્ટેમ્બર, 1998 ના રોજ સત્તાવાર રીતે ડેબ્યુ કર્યું હતું, પરંતુ કંપની તેનો જન્મદિવસ આજના દિવસે, ૨૭ સપ્ટેમ્બરના રોજ હંમેશ ઉજવી રહી છે. access_time 5:24 pm IST

  • બેંગલુરૃના ફોટોગ્રાફરે સાતરંગ બદલતા કાચિંડાનો વિડીયો બનાવી કર્યો વાયરલ વિડીયોમાં ખરેખર કાચિંડો રંગ બદલતો જોવા મળે છે access_time 1:21 pm IST

  • કોંગ્રેસ છોડી "આપ"માં ગયા અને હવે "આપ" છોડી કોંગ્રેસમાં પાછા ફર્યા : ઝારખંડના પ્રદેશ કોંગ્રેસ સમિતિના પૂર્વ પ્રમુખ અને પૂર્વ સાંસદ અજય કુમાર ફરી કોંગ્રેસમાં જોડાઈ ગયા છે. તેઓ કોંગ્રેસ છોડીને આપ પક્ષમાં સામેલ થયા હતા. access_time 5:05 pm IST