Gujarati News

News of Monday, 27th July 2020

વડોદરાના કાચા કામના કેદીઓ પેરોલ પૂર્ણ થયા બાદ પરત ફરતા ટેસ્ટીંગ દરમિયાન પોઝિટિવ

શિક્ષણ જગતમાં મહાનુભાવો સહિત ૧૮ આરોપીઓ કોરોનાની ઝપટે : રાજ્યભરની જેલોમાં ચુસ્ત અમલવારી છતાં કોરોનાના પોઝિટિવ કેસો નિકળ્યાનું રહસ્ય ખોલતા રાજ્યના જેલવડા ડો. કે.એલ.એન.રાવ

રાજકોટ તા. ૨૭ : ગુજરાતની તમામ જેલોમાં કોરોનાની એન્ટ્રી ન થાય તે માટે શરૂઆતથી જ અસરકારક માસ્ટર પ્લાન તૈયાર કરી તેની ચુસ્તાથી અમલવારી કરાવવા છતાં વડોદરાની સેન્ટ્રલ જેલના ૧૩ કેદીઓ કોરોનાની ઝપટે ચઢી જતા આવું શા માટે બન્યું ? તેની વ્યાપક તપાસ શરૂ થઇ છે. પ્રાથમિક તારણ મુજબ વડોદરા સેન્ટ્રલ જેલના જે ૧૮ કેદીઓ કોરોના મહામારીનો ભોગ બન્યા તે તમામ કાચા કામના કેદી હતા, તેઓને કોરોના મહામારી અંતર્ગત સુપ્રિમ કોર્ટ અને હાઇકોર્ટની હાઇપાવર કમિટિ દ્વારા થયેલ નિર્ણય મુજબ ટેમ્પરરી મુકત કરવામાં આવ્યા હતા. દરમિયાન તેઓને અલગ રાખી જેલની ગાઇડ લાઇન્સ મુજબ તેઓના કોરોના ટેસ્ટ કરાવતા તેઓ પોઝિટિવ હોવાનું જણાતા તાકીદે કાર્યવાહી કરવામાં આવી હતી તેમ રાજ્યના જેલ વડા ડો. કે.એલ.એન.રાવે 'અકિલા' સાથેની વાતચીતમાં જણાવ્યું હતું. રાજ્યની જેલોના વડા અને સિનિયર આઇપીએસ ડો. કે.એલ.એન.રાવે જણાવેલ કે, તકેદારીના પગલા તરીકે સમગ્ર જેલને ફરીથી સેનેટાઇઝ કરવામાં આવી છે. સૂત્રોમાંથી સાંપડતા નિર્દેશ મુજબ વડોદરા જેલમાં જે કેદીઓ કે જેને કાચાકામના આરોપી છે અને કોરોનાની અસર થઇ છે તેમાં શાસનાધિકારી કક્ષા તથા શિક્ષણ જગત સાથે સંકળાયેલા અન્ય મહાનુભાવો - પદાધિકારીઓનો પણ સમાવેશ છે.

(1:03 pm IST)

આ સમાચાર શેર કરો

Akilanews.com ને સોશ્યલ મીડિયા પર ફોલો કરો

છેલ્લા 8 દિવસમાં સૌથી લોકપ્રિય

Most Popular
Recent

સમાચાર ફટાફટ

દેશમાં કોરોનાનો કહેર : છેલ્લા 24 કલાકમાં નવા 46,484 કેસ નોંધાયા : રાત્રે 12 વાગ્યા સુધીમાં દેશમાં કોરોનાના કુલ 14,82,503 કેસ થયા :4.95,443 એક્ટિવ કેસ :કુલ 9,53,189 દર્દીઓ રિકવર :વધુ 636 લોકોના મોત :મૃત્યુઆંક 33,448 થયો : મહારાષ્ટ્રમાં સૌથી વધુ 7924 કેસ : તામિલનાડુમાં નવા 6993 કેસ :દિલ્હીમાં 613 કેસ : આંધ્રપ્રદેશમાં નવા 6051 કેસ: કર્ણાટકમાં નવા 5324 કેસ :ઉત્તર પ્રદેશમાં 3505 કેસ અને પશ્ચિમ બંગાળમાં વધુ 2112 કેસ :બિહારમાં 2192 નવા કેસ, તેલંગાણામાં 1473 કેસ,રાજસ્થાનમાં 1134 કેસ અને આસામમાં 1348 નવા કેસ અને ઓરિસ્સામાં 1503 કેસ નોંધાયા 1:09 am IST
ઓગસ્ટની પોલિસી બેઠકમાં રિઝર્વ બેન્ક વધુ ૨૫ bps રેટ કટ લાગુ કરવા જઈ રહી છે. 9:35 pm IST
રાજસ્થાનમાં રાજકીય ધમાસાણ વચ્ચે નવો વળાંક : બીએસપીએ પોતાના છ ધારાસભ્યોને આપ્યો વહીપ : અવિશ્વાસ પ્રસ્તાવ આવે તો તે કોંગ્રેસ સામે પોતાનો વોટ આપે. : અશોક ગેહલોટની વધશે મુશ્કેલી : બીએસપી એક રાષ્ટ્રીય પાર્ટી છે અને દસમી અનુસૂચીત અંતર્ગત કોઈ રાજ્યમાં આખી પાર્ટીનો વિલય અસંવૈધાનિક છે: ધારાસભ્યો વહિપનો અનાદર કરશે તો કાયદા હેઠળ કાર્યવાહીની ચીમકી 12:43 am IST