Gujarati News

Gujarati News

News of Monday, 27th May 2019

પાલનપુરમાં લગ્નપ્રસંગમાં બે જૂથોની વચ્ચે અથડામણ

પટેલ સમાજના યુવકના વરઘોડા વેળા હિંસા : અંગત અદાવતને લઇ બે જૂથો આમને સામને આવી ગયા

પાલનપુર, તા.૨૭ : પાલનપુર તાલુકાના સલ્લા ગામે શનિવારે રાત્રે પટેલ સમાજના યુવકનો વરઘોડા નીકળ્યો હતો. તે સમયે અંગત અદાવતને લઈ ઠાકોર સમાજના જૂથ અને પટેલ સમાજના જૂથ વચ્ચે પથ્થરમારો થતાં ભારે અફરાતફરી મચી જવા પામી હતી. જેમાં બે વ્યક્તિઓને ઇજા થવા પામી હતી. ઘટનાને પગલે ગામમાં દોડી ગયેલી પોલીસે સ્થિતિ ઉપર કાબુ મેળવી ચુસ્ત બંદોબસ્ત ગોઠવી દીધો હતો. ગામમાં ભારે તંગદિલી પ્રસરી જવા પામી હતી.પાલનપુરપંથકમાં ચકચારી બનેલી ઘટનાની વિગતો એવી છે કે, પાલનપુર તાલુકાના સલ્લા ગામે શનિવારે રાત્રે પટેલ સમાજના યુવકનો વરઘોડા નીકળતા અંગત અદાવતને લઈ ઠાકોર સમાજના જૂથ અને પટેલ સમાજના જૂથ વચ્ચે બબાલ થઈ હતી. દરમિયાન વાતાવરણ તંગ બનતાં બન્ને પક્ષે પથ્થરમારો થતાં ભારે અફરાતફરી મચી જવા પામી હતી. જેમાં બે વ્યક્તિઓને ઇજા થવા પામી હતી. ઘટનાને પગલે ગામમાં દોડી ગયેલી પોલીસે સ્થિતિ ઉપર કાબુ મેળવી ચુસ્ત બંદોબસ્ત ગોઠવી દીધો હતો. ગામમાં ભારે તંગદિલી પ્રસરી જવા પામી હતી. પાલનપુરમાં જૂથ અથડામણની ઘટનાથી ક્ષણિક તંગદિલી ફેલાઈ ગઈ હતી. જો કે, પોલીસે તરત જ મોરચા સંભાળી લઇને સ્થિતિને કાબૂમાં લીધી હતી.કેટલાકની અટકાયત પણ કરવામાં આવી હોવાના અહેવાલ મળ્યા છે.

(9:29 pm IST)
  • મધ્યપ્રદેશની કોંગ્રેસ સરકાર પોતાનો પાંચ વર્ષનો કાર્યકાળ પૂરો કરશે :વિપક્ષ ખોટો ભ્રમ ઉભો કરવાની કોશિશ કરે છે :મધ્યપ્રદેશની સતારૂઢ કોંગ્રેસ પાર્ટીના મીડિયા વિભાગની અધ્યક્ષા શ્રીમતી શોભા ઓઝાએ કહ્યું કે લોકસભા ચૂંટણી પરિણામો બાદ ઉદભવેલી સ્થિતિમાં પણ કોંગ્રેસ સરકાર સ્થિર રહેશે અને પોતાનો પાંચ વર્ષ પુરા કરશે access_time 1:09 am IST

  • દેખાવો સર્જાતા કાશ્મીરના નૌહટ્ટામાં પ્રતિબંધો લદાયા : શ્રીનગર : આતંકી કમાન્ડર ઝાકીર મુસા ઠાર મરાયા પછી બે દિવસ અશાંતિ રહેલ. આ પછી પ્રતિબંધો ઉઠાવી લેવાયેલ. દરમિયાન ફરી મોટાપાયે દેખાવો શરૂ થતાં શ્રીનગરના જૂના વિસ્તાર નૌહટ્ટામાં પ્રતિબંધો લદાયા છે. હાઈ સ્પીડ મોબાઈલ - ઈન્ટરનેટ સેવા સતત બંધ છે access_time 11:44 am IST

  • સ્ટેચ્યુ ઓફ યુનિટી જોવા પ્રવાસીઓનો ધસારો ખૂબ વધી જતા હેલીકોપ્ટર સેવા બંધ કરવી પડી છે access_time 4:15 pm IST