Gujarati News

સંઘપ્રદેશ દમણની સબજેલમાં બળાત્કાર અને હત્યા કેસના આરોપીએ રિવોલ્વર લમણે મુકી ગોળી મારી આપઘાત કરી લેતા સનસનાટી મચી ગઈ હતી..

  આ અંગે મળતી વિગત મુજબ દમણ દલવાડા ગામે એક ચાલીમાં રહેતા પરપ્રાંતીય પરિવારની ૪ વર્ષીય માસુમને લલચાવી ફોસલાવીને ઉપાડી લઇ જઇ ધનંજય ચતુર્વેદીએ બળાત્કાર કર્યો હતો અને ત્યારબાદ તે માસુમની હત્યા પણ કરી હતી. આજથી એક વર્ષ પહેલા બનેલી આ ઘટનામાં આરોપી ધનંજય શ્યામકરણ ચતુર્વેદી (ઉ.વ.૨૫)ની ધરપકડ કરાઈ હતી. છેલ્લાં ઘણાં સમયથી તે દમણની જેલમાં હતો. સબજેલની બેરેકમાં ધનંજય ચતુર્વેદીએ પોતાના લમણે રિવોલ્વર તાકી ચાંપ દબાવી આત્મહત્યા કરી લીધી હતી.

આ કસ્ટોડીયલ ડેથની ઘટનાને પગલે સબજેલ પ્રશાસનમાં ભારે ભાગદોડ મચી ગઈ હતી. આપઘાત કરનાર ધનંજય ચતુર્વેદીએ સ્યુસાઇડ નોટ લખી આપઘાત કર્યો હોવાનું બહાર આવ્યુ છે