Gujarati News

અમદાવાદ :રાજયમાં હેરીટેજ સીટી, હેરીટેજ મોન્યુમેન્ટ તેમ જ હેરીટેજ બિલ્ડીંગ જાહેર કરવામાં આવે છે. તે જ રીતે રાજયમાં 52 વુક્ષોને પણ હેરીટેજ વૃક્ષો તરીકે જાહેર કરવામાં આવ્યા છે. જો કે જિલ્લાવાર કોઇ વુક્ષોને હેરીટેજ જાહેર કરવામાં આવ્યા નથી. પરંતુ વૃક્ષોને હેરીટેજ જાહેર કરાયા છે.

પેટલાદના ધારાસભ્ય નિરંજન પટેલ તરફથી વિધાનસભામાં અતાંરાકિત પ્રશ્નોત્તરીમાં પ્રશ્ન કરવામાં આવ્યો હતો કે, રાજયમાં જિલ્લાવાર કયાં કયાં વુક્ષોને હેરીટેજ વૃક્ષ તરીકે જારેર કરવામાં આવ્યા છે. આ વૃક્ષોનું સંરક્ષણ માટે રાજય સરકારે શું પગલાં લીધાં છે. આ પ્રશ્નોનો વનમંત્રીએ જવાબ આપતાં જણાવ્યું છે કે, ગુજરાતમાં વન વિભાગની સામાજિક વનીકરણ પાંખ દ્વારા 52 ( બાવ્વન ) વુક્ષોને હેરીટેજ વૃક્ષ તરીકે ઓળખવામાં આવ્યા છે. આ વુક્ષોનું સંરક્ષણ માટે સ્ટાફ દ્વારા સતત ધ્યાન રાખવામાં આવે છે. લોકોનો સહાકર મેળવવા જનજાગૃતિ અભિયાન માટે શિબિર યોજવામાં આવે છે. ગ્રામ પંચાયત અને સ્થાનિક ગ્રામજનોનો સંપર્ક કરી વૃક્ષોનુ મહત્વ સમજાવી તેના સંરક્ષણ માટે માહિતગાર કરવામાં આવે છે.

આ 52 ( બાવ્વન ) હેરીટેજ વૃક્ષો પૈકી ભરૂચમાં 1, ગાંધીનગર-2, તાપીમાં 3, સાબરકાંઠામાં 3, વડોદરા જિલ્લામાં 6, નવસારીમાં 3, સુરતમાં 1, જૂનાગઢમાં 6, ભાવનગરમાં -1, નર્મદામાં 4, વલસાડમાં 2, દાહોદમાં પણ 2, નડીયાદમમાં, 3, મહેસાણામાં 3, સુરેન્દ્નનગરમાં 1, ડાંગમાં 6 અને પંચમહાલમાં 2, તથા અમદાવાદ, બનાસકાંઠા અને પાટણમાં એક એક હેરીટેજ વૃક્ષ છે