Gujarati News

Gujarati News

News of Wednesday, 27th March 2019

ભરૂચના ઇન્‍ડસ્‍ટ્રીયલ ઝોન દહેજની મેઘમણી કંપનીમાં ભયાનક આગ લાગતા દોડધામ

ભરૂચ :ઈન્ડસ્ટ્રીયલ ઝોન દહેજની મેઘમણી કંપનીમાં વહેલી સવારે આગ ફાટી નીકળી હતી. જેને પગલે 4થી વધુ ફાયર ફાયટરો ઘટના સ્થળે પહોંચીને આગ બૂઝવવાની કામગીરીમાં લાગ્યા હતા.

દહેજની મેઘમણી ઓર્ગેનીક લિમિટેડ-3માં અચાનક વહેલી સવારે આગ ફાટી નીકળી હતી. મેઘમણી કંપનીના એગ્રો ડિવિઝનમાં લાગેલી આગ એટલી ભીષણ હતી કે, દૂર સુધી ધુમાડાના ગોટેગોટા ઉડતા જોવા મળ્યા હતા. ધુમાડો ઊંચે આકાશમાં ઉડતો જોઈ આસપાસના ગામના લોકો પણ ગભરાઈ ગયા હતા. વહેલી સવારે ભારે અફરાતફરી મચી હતી.

આ આગમાં 4 લોકો દાઝ્યા હતા. જેમાં બે લોકોની હાલત ગંભીર હોવાનુ કહેવાઈ રહ્યું છે. ઈજાગ્રસ્તોને ભરૂચની હિલિંગ ટચ હોસ્પિટલમાં સારવાર માટે ખસેડાયા છે.

(4:28 pm IST)
  • રાહુલ ગાંધીની 'મીનીમમ ઈન્કમ સ્કીમ' ઉપર માયાવતીના પ્રહાર : જૂઠાણું છે !: નવી દિલ્હી : બસપા સુપ્રિમો માયાવતીએ કોંગ્રેસ પ્રમુખ રાહુલ ગાંધીની 'મીનીમમ ઈન્કમ સ્કીમ'ને સંપૂર્ણ જુઠાણું ગણાવેલ છેઃ ઉ.પ્ર.માં સપા - બસપા સાથે કોંગ્રેસે ગઠબંધન ફગાવી દેતા બહેન માયાવતી ભારે નારાજ છે : તેમણે કોંગ્રેસ ઉપર હવે ખુલ્લેઆમ પ્રહારો શરૂ કર્યા છે : તેમણે કહ્યું કે ગરીબોનો વિશ્વાસ કરવામાં, મજાક ઉડાવવામાં ભાજપ અને કોંગ્રેસ બંને એક જ ડાળીના બે ફુલ છે access_time 3:37 pm IST

  • દિલ્હીમાં 'આપ'પક્ષ સાથે જોડાણ માટે નવી ફોર્મ્યુલા તૈયારઃ દિલ્હીની લોકસભાની ૭ બેઠક માટે આપ-કોંગ્રેસ વચ્ચે મડાગાંઠ સર્જાઇ છે. કેજરીવાલનો આપ પક્ષ કોંગ્રેસને ૨ બેઠક અને પોતે ૫ બેઠક લડવાની ફોર્મ્યુલા પર મકકમ છે ત્યારે કોંગ્રેસ નવી ફોર્મ્યુલા ઉપર વિચારણા કરી રહી છે. દિલ્હીના પૂર્વ મુ.મંત્રી શીલા દિક્ષિતે આ અંગે મૌન ધારણ કર્યું છે. હવે રાહુલ ગાંધી ઉપર બધુ છોડી દેવાયું છે. access_time 11:34 am IST

  • અભિનેત્રી ઉર્મિલા માંતોડકર આજે કોંગ્રેસમાં જોડાશેઃ કોંગ્રેસ અધ્યક્ષ રાહુલ ગાંધી સાથે મુલાકાત બાદ નિર્ણય access_time 11:38 am IST