Gujarati News

Gujarati News

News of Saturday, 27th February 2021

ગાંધીનગરમાં સાસરિયાના ત્રાસથી કંટાળી બે સંતાનો સાથે કેનાલમાં કૂદવા જતી પરિણીતાને અભયમ મહિલા હેલ્પલાઇનદ્વારા બચાવી લેવામાં આવી

ગાંધીનગર:શહેરમાં રહેતી એક પરિણીતાને પતિ સાસરીમાંથી પિયર લઈ જવા માટે નહીં આવતાં પરિણીતા તેના બે સંતાનો સાથે કેનાલમાં કુદવા પહોંચી હતી જો કે અભ્યમ મહિલા હેલ્પલાઈન દ્વારા પરિણીતાને સમજાવીને બચાવી લેવામાં આવી હતી. પરીણીતા સાસરી કે પિયર જવા તૈયાર નહીં થતાં તેને આશ્રમગૃહ ખાતે મોકલી આપવામાં આવી છે અને તેનું કાઉન્સેલીંગ ચાલુ રાખવામાં આવ્યું છે.    

આ ઘટના અંગે મળતી વિગતો પ્રમાણે ગાંધીનગરમાં રહેતી એક પરીણીતા તેના બે સંતાનોને લઈ થોડા દિવસ અગાઉ પિયરમાં રહેવા માટે આવી હતી. ત્યારબાદ તેણે તેના પતિને ફોન કરીને લઈ જવા માટે કહયું હતું. જો કે પતિએ તેના પિતા કે ભાઈને મુકી જવાનો આગ્રહ રાખી તેડવા આવવાની ના પાડી હતી અને આ પરિણીતાએ પતિ જ તેને તેડવા આવે તેઓ આગ્રહ રાખ્યો હતો. પતિએ પણ જો તેનો ભાઈ ના મુકવા આવે તો હવે પછી સાસરીમાં નહીં આવે તેમ કહી દીધું હતું. જો કે આ પરિણીતા ઘરેથી સાસરીમાં જવા માટે નીકળી હતી પરંતુ સાસરીમાં જવાના બદલે તે તેના બે સંતાનોને લઈ નર્મદા કેનાલ ઉપર પહોંચી હતી અને જીવન ટુંકાવવાનું નક્કી કર્યું હતું. જો કે બે બાળકો સાથે કેનાલમાં કુદવાનું મન માન્યું નહોતું અને તેણીએ અભ્યમ મહિલા હેલ્પલાઈનને ફોન કરતાં ટીમ તુરંત જ કેનાલ ઉપર દોડી ગઈ હતી અને મહિલાનું કાઉન્સીલીંગ કર્યું હતું. જો કે મહિલા સાસરી કે પિયર જવા તૈયાર થઈ નહોતી જેથી તેને આશ્રમગૃહ ખાતે મોકલી આપવામાં આવી છે. હેલ્પલાઈન દ્વારા હવે તેના પતિનો સંપર્ક કરી તેને પણ સમજાવીને સમાધાનના પ્રયત્નો કરવામાં આવી રહયા છે.

(5:12 pm IST)
  • દેશમાં કોરોનાના સતત વધતા કેસ :એક્ટિવ કેસની સંખ્યામાં પણ વધારો : રાત્રે 11 વાગ્યા સુધીમાં કોરોનાના નવા 16,019 કેસ નોંધાયા :કુલ કેસની સંખ્યા 1,10,79,094 થઇ :એક્ટિવ કેસ 1,56,413 થયા: વધુ 12,361 દર્દીઓ સ્વસ્થ થતા કુલ 1,07,61,139 થયા :વધુ 109 લોકોના મોત સાથે કુલ મૃત્યુઆંક 1,56,970 થયા access_time 1:03 am IST

  • સવારે ૪ાા વાગે સુરત નજીક હળવો ભૂકંપ : વહેલી સવારે ૪.૩૫ વાગ્યે સુરત પાસે ૩.૧ની તીવ્રતાનો હળવો ભૂકંપનો આંચકો અનુભવાયો છે. ભૂકંપનું કેન્દ્ર બિંદુ સુરતથી ત્રીસેક કિ.મી. દૂર નોંધાયું હતું. હળવો ભૂકંપ હોય કેન્દ્ર બિંદુ આસપાસના વિસ્તારો સિવાય ખાસ અસર જોવા મળી ન હોવાનું ચર્ચાય છે. access_time 12:44 pm IST

  • માર્ચ મહિનાથી દેશમાં ચાર મોટા બદલાવ : 60 વર્ષથી વધુની વયના અને 45 વધુ ઉંમરના બીમારી સામે ઝઝૂમતા લોકોનું થશે રસીકરણ :વિવાદથી વિશ્વાસ યોજનાનો લાભ લેવાની મુદત 31મી માર્ચ સુધી વધારી દેવાઈ :બેન્ક ઓડ બરોડામાં વિલય થતા દેનાબેંક અને વિજ્યાબેન્કના ખાતેદારોના એકાઉન્ટ નંબર અને આઇએફએસસી કોડ નવા લાગશે :બિહાર અને ઉત્તર પ્રદેશમાં ધોરણ પાંચ સુધીના બાળકો સ્કૂલે જઈ શકશે access_time 12:24 am IST