Gujarati News

Gujarati News

News of Wednesday, 27th January 2021

છેલ્લા 10 મહિનાથી શૈક્ષણિક કાર્ય બંધ હોવા છતાં આખા વર્ષની ઉઘરાવવા સામે કોંગ્રેસને વાંધો: ધરણાંની ચીમકી

ઉચ્ચ શિક્ષણ મેળવતા પાંચ લાખ વિદ્યાર્થી-વિદ્યાર્થીનીઓને તાત્કાલીક એક સત્ર ફી માફીની માંગ

ગાંધીનગર: કોરોના મહામારીની સૌથી વધુ અસર શિક્ષણ વ્યવસ્થા પર પડી છે. 10 મહિના જેટલા સમયથી કોલેજો- શૈક્ષણિક સંસ્થાઓમાં શિક્ષણ કાર્ય સંપૂર્ણ બંધ છે. સંચાલકોને વિજળી, વહીવટી કે મેઇન્ટેનન્સ, લેબોરેટરી સહિતના કોઇપણ પ્રકારના ખર્ચ થયા નથી, તેમ છતાં સમગ્ર વર્ષની ફી વસૂલવાના નિર્ણય સામે કોંગ્રેસે પ્રશ્ન ઉઠાવ્યો છે. મંદી, મોંઘવારી અને મહામારીના કપરા સમય વચ્ચે ફી વધારો સ્થગિત કરીને એક સત્રની ફી માફીનો નિર્ણય જાહેર કરવા મુખ્યમંત્રીને વિનંતી કરી છે. નહીં તો આ માટે કોંગ્રેસ પક્ષને આગામી દિવસોમાં ધરણાં કરવા પડશે તેવી ચીમકી આપી છે

ગુજરાત પ્રદેશ કોંગ્રેસના મુખ્ય પ્રવકતા ડો. મનીષ દોશીએ ગુજરાતના મુખ્યમંત્રીને લખેલા પત્રમાં જણાવ્યું છે કે, મંદી, મોંઘવારી અને મહામારી વચ્ચે રાજયની ખાનગી મેડિકલ કોલેજોએ આ વર્ષની ફીમાં 10 હજારથી 83 હજારનો વધારો ઝીંક્યો છે, તે કેટલાં અંશે વ્યાજબી છે. ફી ઘટાડાની જયારે અતિ જરૂરિયાત છે તેવા સમયે ફી વધારો ઝીંકીને સામાન્ય- મધ્યમવર્ગની મુશ્કેલીમાં ઉમેરો થયો છે. ત્યારે તાકીદે ફી વધારો સ્થગિત કરવામાં આવે તે જરૂરી છે. રાજય સરકાર શા માટે ખાનગી કોલેજોના સંચાલકોની વકીલાત- તરફેણ કરી રહી છે તેવો પણ પ્રશ્ન ઉઠાવ્યો છે.

આ અંગે મુખ્યમંત્રીને ત્રીજી વખત રિમાઇન્ડર કરતાં વધુમાં ડો. દોશીએ જણાવ્યું છે કે, રાજયમાં છ સરકારી, સોસાયટીની આઠ અને સેલ્ફ ફાઇનાન્સ 15 કોલેજમાં 5500 બેઠકો છે. સરકારી કોલેજમાં 25,000 વાર્ષિક ફી, સોસાયટીની કોલેજમાં 3.50થી 15 લાખ અને અને સેલ્ફ ફાઇનાન્સમાં 8 લાખથી 28 લાખ સુધીની ફી વસૂલવામાં આવી રહી છે. કોરોના મહામારીમાં 21 માર્ચથી શૈક્ષણિક સંસ્થાઓમાં શૈક્ષણિક કાર્ય સંપૂર્ણ બંધ છે. ડિસેમ્બર મહિનો પુર્ણ થયા પછી હજુ કયારે શિક્ષણ શરૂ થાય તે અંગે અનિશ્ચિતતા છે. આ સંજોગોમાં જયારે શિક્ષણ જ 10 મહિના જેટલા સમયથી સંપૂર્ણ બંધ છે, ત્યારે મેડિકલ કોલેજો સહિતની સંસ્થાઓમાં વહીવટી ખર્ચ સહિતના ખર્ચાઓ થયા નથી.

(10:10 pm IST)
  • લાલ કિલ્લા મેટ્રો સ્ટેશનને છોડીને બધા જ મેટ્રો સ્ટેશન ખૂલ્યા, પરિસ્થિતિ સામાન્ય : દિલ્હી મેટ્રો access_time 11:49 am IST

  • રાજસ્થાનના ભરતપુર જિલ્લામાં એકતરફી પ્રેમ સંબંધમાં એક 19 વર્ષની યુવતીને પાડોશીએ ગોળી મારીને હત્યા કરી access_time 7:58 pm IST

  • દ્વારકા જિલ્લામાં લેન્ડ ગ્રેબિંગનો પ્રથમ ગુનો નોંધાતા ચકચાર:ભાણવડની વારીયા બાલમંદિરની ટ્રસ્ટની જગ્યામાં કબજો કરી ખંડણી માગનાર બે મહિલા સહિતના સામે ફરિયાદ કરાઈ હતી: ભાણવડ પોલીસે ધરપકડની તજવીજ હાથ ધરી access_time 7:10 pm IST