Gujarati News

Gujarati News

News of Wednesday, 27th January 2021

સુરતમાં ફાર્મ હાઉસ ઉપર જુગાર રમતાં ૪ મહિલા સહિત ૭ જબ્બે

સુરતના કામરેજ તાલુકાના ગામ પર પોલીસ ત્રાટકી : પોલીસે રોકડ રકમ, મોબાઈલ ફોન મળી કુલ ૬૯,૮૮૦ રૂ. નો મુદ્દામાલ કબજે કરી ગુનો નોંધી કાર્યવાહી હાથ ધરી

બારડોલી, તા. ૨૭ : સુરત જિલ્લાના કામરેજ તાલુકાનાં આસ્તા ગામની સીમમાં આવેલ ફાઇવસ્ટાર ફાર્મ હાઉસના રૂમમાં બેસી તીન પત્તીનો જુગાર રમી રહેલ ૪ મહિલા સહિત સાત વ્યક્તિને કામરેજ પોલીસે ઝડપી પાડી તેમની પાસેથી કુલ ૬૯,૮૮૦ રૂ. નો મુદ્દામાલ કબ્જે કર્યો હતો.

પ્રાપ્ત માહિતી અનુસાર સુરત જિલ્લાની કામરેજ પોલીસની ટીમે બાતમીના આધારે ગતરોજ આસ્તા ગામની સીમમાં આવેલ ફાઈવસ્ટાર ફાર્મહાઉસમાં રેડ કરી હતી. તે દરમ્યાન ફાર્મહાઉસના મકાનમાં બેસી જુગાર રમી રહેલ ચાર મહિલા સહિત સાત વ્યક્તિને તીનપત્તીનો જુગાર રમતા ઝડપી પાડ્યા હતા. પોલીસે જુગાર રમી રહેલ ઘનશ્યામભાઇ જીવાભાઇ કોડીયા (રહે, ઓપેરાપામ ખોલવગામ તા.કામરેજ જી.સુરત મુળ રહે. સેડુભા તા.જી.અમરેલી), શૈલેશભાઇ ધનજીભાઇ માયાણી (રહે.રાજસેલી સોસાયટી ઘર નં. ૧૦૩, મોટા વરાછા, સુરત શહેર મુળ રહે. વડાલગામ તા.ભેંસાણ જી.જુનાગઢ), રમેશભાઇ ધીરૂભાઇ ખુંટ (હાલ રહે. સૌરાષ્ટ્ર દર્શન સોસાયટી, ઘર નં.૨૩, તા.કામરેજ જી.સુરત મુળ રહે.માનવીલાસ તા.ગારીયાધાર જી.ભાવનગર),  ગીતાબેન ભાવેશભાઇ જીવાભાઇ ભીલ (રહે.અયોધ્યા સોસાયટી ઘર નં. બી-૩૧ પુણા સુરત શહેર મુળ રહે. વેળાકોટ તા.ગીરગઢડા જી.સોમનાથ), જશુબેન રણજીતસિંહ નાથુસિંહ દેવડા (રહે. ઇશ્વરકૃપા સોસાયટી ઘર નં. ૫૭, કુબેર નગર રોડ વરાછા સુરત મુળ રહે.સ્વરૂપગંજ તા.પીડવાળા જી.સિરોઇ (રાજસ્થાન), નીતાબેન વજુભાઇ કેશુભાઇ ઢઢાણીયા (રહે. ઓમટાઉનશીપ ઘર નં. ૨૦૪ વિભાગ ૧, પાસોદરા તા.કામરેજ જી.સુરત મુળ રહે. કેશોદ તા.કેશોદ જી.જુનાગઢ), આરતીબેન ભુપતભાઇ લાભશંકરભાઇ ઠાકોર (રહે. એચ.આર.પી. સોસાયટી ઘર નં.૨૭, કઠોદરાગામ તા.કામરેજ જી.સુરત મુળ રહે. મોટામુજીયાસરગામ તા.જી.અમરેલી) ને ઝડપી પાડ્યા હતા. પકડાયેલ શખ્સો પાસેથી પોલીસે રોકડ રકમ તેમજ મોબાઈલ ફોન મળી કુલ ૬૯,૮૮૦ રૂ. નો મુદ્દામાલ કબ્જે કરી ગુનો નોંધી આગળની કાર્યવાહી હાથ ધરી છે.

(7:53 pm IST)
  • ફેસબુક વાપરતા ૬૦ લાખ ભારતીયોના ફોન નંબર વેચવા મુકાયા મોટો ખળભળાટ: ફેસબુકનો ઉપયોગ કરી રહેલા ૬૦ લાખ જેટલા ભારતીય લોકોના ફોન નંબર ટેલિગ્રામ ઉપર વેચવા માટે મૂકવામાં આવ્યા છે access_time 8:07 pm IST

  • દેશમાં કોરોના થાક્યો :નવા કેસ કરતા સ્વસ્થ થનારની સંખ્યામાં વધારો:એક્ટિવ કેસના આંકમાં સતત ઘટાડો : રાત્રે 11 વાગ્યા સુધીમાં કોરોનાના નવા 11,146 કેસ નોંધાયા :કુલ કેસની સંખ્યા 1,07,01,427 થઇ :એક્ટિવ કેસ 1,70,835 થયા: વધુ 13,930 દર્દીઓ સ્વસ્થ થતા કુલ 1,03,72,258 થયા :વધુ 111 લોકોના મોત સાથે કુલ મૃત્યુઆંક 1,53,862 થયા access_time 1:05 am IST

  • લખનૌના દારુલ ઉલુમ ફિરંગી મહેલમાં 72 મો પ્રજાસત્તાક દિવસ ઉજવાયો : ભારતના રાષ્ટ્રગીત સાથે ત્રિરંગો લહેરાયો : મુસ્લિમ ધર્મગુરુ મૌલાના ખાલિદ રસીદ ફિરંગીએ ધ્વજ વંદન કરાવ્યું : દેશના વિકાસમાં મદ્રેસાઓનું મહત્વનું યોગદાન હોવાનું જણાવ્યું access_time 6:59 pm IST