Gujarati News

Gujarati News

News of Wednesday, 27th January 2021

ભાજપમાં જોરદાર ભીડ, સેન્સ પ્રક્રિયામાં ૭૨૫૭ની દાવેદારી

સ્થાનિક સ્વરાજ્યની ચૂંટણીઓ માટેનો ધમધમાટ : અ'વાદ ૨૦૩૭, રાજકોટ ૬૮૧, વડોદરા ૧૪૫૧, સુરત ૧૯૪૯, જામનગર ૫૪૩ , ભાવનગરમાં ૫૯૬ દાવેદારી

ગાંધીનગર, તા. ૨૭ : સ્થાનિક સ્વરાજની ચૂંટણીનું કાઉન્ટ ડાઉન શરૂ થઈ ગયું છે. ગુજરાત કોંગ્રેસ અને ભાજપમાં દાવેદારોની હોડ જામી છે. હાલ ભાજપ દ્વારા સેન્શ લેવાની પ્રક્રિયા ચાલી રહી છે. જેમાં અત્યાર સુધી સેન્સ પ્રક્રિયામાં ૭,૨૫૭ દાવેદારોએ ઉમેદવારી નોંધાવી છે. જેમાં અમદાવાદ મનપામાં ભાજપના સૌથી વધુ ૨૦૩૭ દાવેદારો છે. ત્યારબાદ સુરત મનપામાં ૧૯૪૯, વડોદરા મનપામાં ૧૪૫૧ દાવેદાર, રાજકોટમાં ૬૮૧, જામનગર મનપામાં ભાજપના ૫૪૩ દાવેદાર અને ભાવનગર મનપામાં ભાજપના ૫૯૬ દાવેદારોની સેન્સ લેવા માટે દાવેદારી નોંધાવી છે.

આ વિશે મળતી માહિતી પ્રમાણે સ્થાનિક સ્વરાજ્યની ચૂંટણીમાં ઉમેદવારી માટે કુલ ૭,૨૫૭ ભાજપનાં ઉમેદવારો મેદાને પડ્યા છે. રાજયની ૬ મહાનગર પાલિકા માટે ભાજપની સેન્સ પ્રક્રિયા દરમિયાન કુલ ૭૨૫૭ ઉમેદવારોએ ઉમેદવારી નોંધાવી હોવાની માહિતી મળી રહી છે. જેમાં અમદાવાદ મહાનગર પાલિકામાં ઉમેદવારી માટે સૌથી વધુ ૨૦૩૭ ઉમેદવારોએ ઉમેદવારી નોંધાવી છે. ત્યારબાદ સુરત મહાનગર પાલિકા માટે ૧૯૪૯ ઉમેદવારોએ ઉમેદવારી કરી છે. રાજકોટ મહાનગર પાલિકા માટે ૬૮૧ ઉમેદવારોએ ઉમેદવારી નોંધાવી છે, તો જામનગર મહાનગર પાલિકા માટે ૫૪૩ ઉમેદવારોએ ઉમેદવારી નોંધાવી છે. વડોદરા મહાનગર પાલિકા માટે ૧૪૫૧ ઉમેદવારોએ ઉમેદવારી અને ભાવનગર મહાનગર પાલિકા માટે કુલ ૫૯૬ ઉમેદવારો એ ઉમેદવારી નોંધાવી છે. અત્રે નોંધનીય છે કે, ભાજપ સંગઠનમાં એક તરફ સેન્સ લેવાની કામગીરી ચાલી રહી છે ત્યારે બીજી બાજુ ભાજપના ઘણા કાઉન્સિલરોનો શહેરમાં વિરોધ થઇ રહ્યો છે. અમદાવાદના કૃષ્ણનગર વોર્ડમાં ભાજપના મહિલા કોર્પોરેટર વિરુદ્ધ વિરોધનો પવન ફૂંકાયો છે. મહિલા કોર્પોરેટરના મત વિસ્તારમાંજ તેમનો વિરોધ થઇ રહ્યો છે. તેમના મત વિસ્તારમાં વિરોધના પોસ્ટરો લાગ્યા છે. હાલ સોશિયલ મીડિયામાં તેમના વિરુદ્ધના પોસ્ટરો ફરતા થયા છે. અમદાવાદના કૃષ્ણનગરમાં ભાજપના મહિલા કોર્પોરેટર અરુણાબેન શાહનો લોકો વિરોધ કરી રહ્યા છે.

(7:52 pm IST)
  • દેશમાં કોરોના હાર્યો :નવા કેસ કરતા સ્વસ્થ થનારની સંખ્યામાં વધારો:એક્ટિવ કેસના આંકમાં સતત ઘટાડો : રાત્રે 11 -30 વાગ્યા સુધીમાં કોરોનાના નવા 11,526 કેસ નોંધાયા :કુલ કેસની સંખ્યા 1,06,89,267 થઇ :એક્ટિવ કેસ 1,74,193 થયા: વધુ 11,681 દર્દીઓ સ્વસ્થ થતા કુલ 1,03,56,888 થયા :વધુ 100 લોકોના મોત સાથે કુલ મૃત્યુઆંક 1,53,724 થયા access_time 12:48 am IST

  • દિલ્હી હિંસા બાદ કેન્દ્ર સરકાર એકશન મોડમાં: ગૃહમંત્રી અમિત શાહે ઉચ્ચસ્તરીય બેઠક બોલાવી, નરેન્દ્રભાઇ મોદી સાથે પણ કરી શકે છે મુલાકાત, કડક કાર્યવાહીના અપાઇ શકે છે નિર્દેશ access_time 11:50 am IST

  • કલેકટરે ખેડૂતોને ૪૧ પ્રશ્નો અંગે આચાર-સંહિતા સંદર્ભે મીટીંગની 'ના' પાડી દિધી : ભારતીય કિસાન સંઘ આજે ૪૧ પ્રશ્નો અંગે કલેકટર સમક્ષ દોડી આવ્યું હતું: મીટીંગ થનાર હતી પરંતુ કલેકટરે પ્રશ્નોનો કાગળ લઇ આચાર સંહિતા હોય મીટીંગ અને પ્રશ્નોના 'નિકાલ' અંગે હાલ ના પાડી દીધીઃ રાજય ચૂંટણી પંચનું માર્ગદર્શન લઇ બાદમાં મીટીંગ યોજાશે access_time 3:35 pm IST