Gujarati News

(ભરત શાહ દ્વારા) રાજપીપળા : આરોગ્ય વિભાગના એપેડમિક અધિકારી ડો. આર. એસ. કશ્યપ પાસેથી મળતી માહિતી મુજબ નર્મદા જિલ્લામાં શુક્રવારે 7 કોરોના પોઝિટિવ કેસ નોંધાયા છે જેમાં રાજપીપળા વિસાવાગામાં-2,પંચોલી વાડી-2,અંબિકાનગર સોસાયટી-1, સ્ટેશન રોડ-1 અને નાંદોદ તાલુકાના વરખડ ગામમાં-1 મળી જિલ્લામાં 7 દર્દી પોજેટિવ નોંધાયો છે.

રાજપીપળા કોવિડ હોસ્પિટલમાં 8 દર્દીઓ સારવાર હેઠળ છે,કોવિડ કેર સેન્ટરમાં 4 દર્દી દાખલ છે. જ્યારે હોમ આઇસોલેશનમાં 24 દર્દી દાખલ છે.આજે 1 દર્દી સાજો થતા રજા આપવામાં આવી છે જ્યારે આજદિન સુધી જિલ્લામાં કુલ 1687 દર્દી સાજા થતા તેમને રજા આપવામા આવી છે.જિલ્લામાં કોરોના પોઝિટિવનો કુલ આંક 1736 પર પહોચ્યો છે.આજે વધુ 237 સેમ્પલ ચકાસણી હેઠળ છે.