Gujarati News

Gujarati News

News of Thursday, 26th November 2020

ગાંધીનગર : એમ્બ્યુલન્સમાં પ મૃતદેહ લઈ જતાં હોબાળો

રાજ્યમાં કોરોનાના કહેરમાં પણ તંત્રની બેદરકારી : કોરોનામાં મૃતક લોકોના આંકડામાં થતી ગોલમાલની પોલ ઉઘાડી પડી, નાયબ મુખ્યમંત્રી દ્વારા તપાસનું આશ્વાસન

ગાંધીનગર, તા. ૨૬ : રાજ્યમાં કોરોનાના કેસમાં સતત વધારો થઇ રહ્યો છે ત્યારે અમદાવાદમાં કોરોના કેસના આંકડામાં વધારો થતા તંત્ર સફાળું જાગ્યું છે. આ વચ્ચે તંત્ર દ્વારા કરવામાં આવેલા દાવા પોકળ સાબિત થતા હોય એવું લાગી રહ્યું છે. ગાંધીનગરમાં કોરોનામાં મૃત્યુ પામેલા લોકોને લઇને તંત્રની બેદકારી સામે આવી છે. જેમા તંત્ર કોરોનામાં મૃત્યુ પામેલા લોકોનો મલાજો પણ જાળવી શક્યું નથી. એક જ એમ્બ્યુલન્સમાં ૪થી ૫ મૃતદેહ ભરવામાં આવ્યા છે.

એક જ એમ્બ્યુલન્સમાં ઉપરાઉપરી ૪થી ૫ મૃતદેહો ખડકીને લાવવામાં આવતા હોવાની ઘટનાએ ભારે હોબાળો મચાવ્યો છે. આ મામલે નાયબ મુખ્યમંત્રી નીતિન પેટલે તત્કાળ તપાસના આદેશ આપ્યા છે અને કહ્યું છે કે પ્રોટોકોલ પ્રમાણે કામગીરી થશે. આ ઘટના મારી જાણમાં નથી. આ ઘટનાને લઇને તપાસના આદેશ આપવામાં આવ્યાં છે.

સમગ્ર મામલે મળતી માહિતી અનુસાર ગાંધીનગરમાં કોરોનામાં મૃત્યુ પામેલા લોકોને લઇને આંકડામાં થતી ગોલમાલની પોલ ઉઘાડી પડી છે. કોરોનાથી મૃત્યુ પામેલા લોકોને એક જ એમ્બ્યુલન્સમાં ભરવામાં આવે છે. હાલ સોશિયલ મીડિયામાં તસવીરો વાયરલ થઇ રહી છે જેમા એક જ એમ્બ્યુલન્સમાં ૪થી ૫ મૃતદેહ જોવા મળી રહ્યા છે. આ જોતા અનેક સવાલો ઉભા થઇ રહ્યા છે કે શું તંત્ર મૃત્યુ પામેલા લોકોનો મલાજો પણ જાળવી શક્યું નહીં.

ઉલ્લેખનીય છે કે કોરોના કેસમાં સતત વધારો થઇ રહ્યો છે તો સામે મૃત્યુઆંકના આંકડામાં સામે આવી રહ્યા છે. સરકારના આંકડા અને એમ્બ્યુલન્સમાં દેખાતા મૃતદેહો સરકારની પોલ ખોલી રહ્યા છે. કોરોનાની કપરી સ્થિતિમાં ટપોટપ મરતા લોકો સરકારના આંકડા માત્ર વાહવાહી પૂરતા સિમિતિ રહ્યા છે. જ્યારે પરિસ્થિતિ સરકારના આંકડાથી વિપરીત જોવા મળી રહી છે.

(9:14 pm IST)
  • દેશમાં કોરોના કેસનો આંકડો 93 લાખને પાર પહોંચ્યો :એક્ટિવ કેસ ફરી વધ્યા : રાત્રે 11 વાગ્યા સુધીમાં કોરોનાના નવા 42 054 કેસ નોંધાયા:કુલ કેસનો આંકડો 93, 08,751 થયો :એક્ટીવ કેસ 4, 54,323 થયા: વધુ 38,580 દર્દીઓ સ્વસ્થ થતા કુલ 87,16,556 રિકવર થયા :વધુ 473 લોકોના મોત સાથે કુલ મૃત્યુઆંક 1,35, 734 થયો access_time 12:14 am IST

  • તેલંગણામાં યોજાનારી મ્યુ.કોર્પોરેશનની ચૂંટણીઓ પહેલા અસદુદીન ઓવેસીની વડાપ્રધાન શ્રી મોદીને ચેલેન્જ : જો તમે બીજેપીને જનતાનું સમર્થન છે તેવું માનતા હો તો મારા સંસદીય મત વિસ્તારમાં આવીને તમારી પાર્ટીનો પ્રચાર કરો : હૈદરાબાદમાં પ્રચાર કરવાથી તમારી પાર્ટી કેટલી સીટ જીતે છે અને મારી પાર્ટીને કેટલી સીટ મળે છે તે જોઈ લેજો : બીજેપીના પ્રચારકો જુઠાણું ફેલાવવા સિવાય બીજું કશું જ કરતા નથી : AIMIM પાર્ટી લીડર તથા હૈદરાબાદના સાંસદ અસદુદીનનો હુંકાર access_time 7:52 pm IST

  • વાવાઝોડા નિવારે તામિલનાડુમાં ભારે અફરા તફરી મચાવી છે. ચેન્નઇમાં વરસાદી પાણીથી ભરાયેલ રસ્તા ઉપર યુગલ જઇ રહ્યાની તસવીર વાયરલ થઇ છે. તામિલનાડુમાં તંત્રએ નિચાણવાળા વિસ્તારમાં રહેતા લોકોને સુરક્ષીત જગ્યાએ ખસેડયા છે. access_time 11:28 am IST