Gujarati News

Gujarati News

News of Thursday, 26th November 2020

રાજપીપળા નગરપાલિકા સહિત ગુજરાતની નગરપાલિકાઓના 4 ચીફ ઓફિસરની બદલી

(ભરત શાહ દ્વારા) રાજપીપળા : રાજપીપળા નગર પાલિકાના મુખ્ય અધિકારી જયેશ પટેલ સહિત ગુજરાત રાજ્યની ચારનગરપાલિકાના ચીફ ઓફિસરની બદલી થઈ છે જેમાં ઉનાના પાર્થિવ પટેલની કેશોદ, કાલાવડના જયદેવ ચૌહાણ ઉના, રાજપીપળાના જયેશ પટેલને વિરમગામ અને વિરમ ગામના પરાક્રમસિંહન મકવાણાની રાજપીપળા બદલી કરાઈ છે. જયારે નિમણૂકની રાહમાં રહેલા ચીફ ઓફિસર તરીકે મયુર જોશીની કાલાવડમાં નિમણુંક કરાઈ હોવાનું જાણવા મળ્યું છે.
   અત્રે ઉલ્લેખનીય છે કે રાજપીપળા  નગરપાલિકાના મુખ્ય અધિકારી જયેશ પટેલ એ જ્યારે રાજપીપળા ખાતે ચાર્જ સંભાળ્યો ત્યારે વેરો વધારો અને ઘણા હંગામી કર્મચારીઓને ફરજ પરથી છુટા કરતા લોકો ભારે નારાજ હતા.તેમજ પ્રધાનમંત્રી આવાસ યોજનાના કામોમાં પણ જરૂરી સહીઓ કરવા બાબતે ઢીલી નીતિ અપનાવતા આવાસ યોજનાના લાભરથીઓનું કામ ટલ્લે ચઢ્યું હતું સાથે સાથે શહેરમાં સફાઈ મુદ્દે પણ ભારે બુમો ઉઠી હોય હાલ તેમની બદલી બાદ નવા આવનારા મુખ્ય અધિકારી આ બાબતે યોગ્ય કરે તેવી લોકો આશા સેવી રહ્યા છે.

(10:24 pm IST)
  • તેલંગણામાં યોજાનારી મ્યુ.કોર્પોરેશનની ચૂંટણીઓ પહેલા અસદુદીન ઓવેસીની વડાપ્રધાન શ્રી મોદીને ચેલેન્જ : જો તમે બીજેપીને જનતાનું સમર્થન છે તેવું માનતા હો તો મારા સંસદીય મત વિસ્તારમાં આવીને તમારી પાર્ટીનો પ્રચાર કરો : હૈદરાબાદમાં પ્રચાર કરવાથી તમારી પાર્ટી કેટલી સીટ જીતે છે અને મારી પાર્ટીને કેટલી સીટ મળે છે તે જોઈ લેજો : બીજેપીના પ્રચારકો જુઠાણું ફેલાવવા સિવાય બીજું કશું જ કરતા નથી : AIMIM પાર્ટી લીડર તથા હૈદરાબાદના સાંસદ અસદુદીનનો હુંકાર access_time 7:52 pm IST

  • એસટી તંત્રનો મોટો નિર્ણંય : રાજ્યના ચાર મહાનગરોમાં રાત્રી કર્ફ્યૂને લઇને S.T વિભાગે તમામ રિઝર્વેશન ટિકિટ રદ્દ કરી: હવે મુસાફરોને બસની અંદર જ ટિકિટ લેવી પડશે access_time 11:59 pm IST

  • દેશમાં કોરોનાથી મૃત્યુઆંક 1.35 લાખને પાર પહોંચ્યો : રાત્રે 11-30 વાગ્યા સુધીમાં કોરોનાના નવા 42,822 કેસ નોંધાયા:કુલ કેસનો આંકડો 92,64,820 થયો :એક્ટીવ કેસ 4,49,490 થયા: વધુ 36,582 દર્દીઓ સ્વસ્થ થતા કુલ 86,77,986 રિકવર થયા :વધુ 502 લોકોના મોત સાથે કુલ મૃત્યુઆંક 1,35,245 થયો access_time 12:04 am IST