Gujarati News

Gujarati News

News of Saturday, 26th September 2020

સુરત: પુણામાં પોલીસે મધ્યરાત્રીએ છાપો મારી મહિલા દ્વારા ચલાવાતું જુગારધામ ઝડપી બે મહિલા સહીત પાંચ પુરુષોને ઝડપી પાડયા

સુરત:પુણા પોલીસે સીતાનગર ચાર રસ્તા પાસેની નેતલદે પાર્ક સોસાયટીમાં ગત મોડીરાત્રે છાપો મારી મહિલા દ્વારા ચલાવાતું જુગારધામ ઝડપી પાડી ત્યાં જુગાર રમતી સંચાલક ઉપરાંત બે મહિલા અને પાંચ પુરુષને ઝડપી પાડી રોકડા રૂ.19,300 અને 6 મોબાઈલ ફોન મળી કુલ રૂ.39,800 નો મુદ્દામાલ કબ્જે કરી કાર્યવાહી હાથ ધરી હતી.

પોલીસ સૂત્રો દ્વારા પ્રાપ્ત થતી વિગતો મુજબ પુણા પોલીસે મળેલી બાતમીના આધારે ગતરાત્રે 10 વાગ્યાના અરસામાં સીતાનગર ચાર રસ્તા પાસેની નેતલદે પાર્ક સોસાયટી ઘર નં.190 માં ગ્રાઉન્ડ ફ્લોર ઉપર રહેતા અને શાકભાજી વેચતા ગાયત્રીબેન સંજયભાઈ બારૈયા ( ઉ.વ.29 ) ને ત્યાં છાપો માર્યો હતો. પોલીસે ગાયત્રીબેન દ્વારા ચલાવાતા જુગારધામમાંથી જુગાર રમતા ગાયત્રીબેન ઉપરાંત ત્યાં જ રહેતા અને શાકભાજીનો વેપાર કરતા દિનેશ બચુભાઈ મકવાણા ( ઉ.વ.32 ), રત્નકલાકારો યોગેશ ઠાકરસિંહભાઈ ઝાલા ( ઉ.વ.29, રહે.89, સપના સોસાયટી, મારુતીચોક, વરાછા, સુરત ), ભાણાભાઈ વાલાણી ( ઉ.વ.40, રહે.29, જવાહર સોસાયટી, પુણા ગામ, સુરત ), પ્રદીપ મોહનભાઇ કુસ્વાહ ( ઉ.વ.29, રહે.96, રામરાજ્ય સોસાયટી, કાપોદ્રા, સુરત ), મનસુખ ભગવાનભાઇ મકવાણા ( ઉ.વ.32, રહે.72, ભગીરથ સોસાયટી, કાપોદ્રા, સુરત ) અને સાડીનું કામ કરતી રેખા ભાવેશભાઈ વાઢેર ( ઉ.વ.40, રહે.103, પહેલો માળ, રાધેશ્યામ સોસાયટી, સીતાનગર, પુણા, સુરત ) અને જયશ્રી મુકેશભાઈ ખસીયા ( ઉ.વ.34, રહે. સંતોષીનગર, વરાછા, સુરત ) ને રંગેહાથ ઝડપી લીધા હતા. પોલીસે તેમની પાસેથી રોકડા રૂ.19,300 અને 6 મોબાઈલ ફોન મળી કુલ રૂ.39,800 નો મુદ્દામાલ કબ્જે કરી કાર્યવાહી હાથ ધરી હતી.

(5:40 pm IST)
  • ખાનગી શાળાઓનો ફીનો મુદ્દો હજુ અદ્ધરતાલ : વાલી મંડળે ૫૦%ની માંગણી કરી : શિક્ષણમંત્રીએ ૨૫%ની ફી માફીની દરખાસ્ત કરી : ફરી ૨૯મીએ શિક્ષણમંત્રી સાથે વાલીમંડળની બેઠક મળશે access_time 4:06 pm IST

  • યસ બેંકના રાણા કપૂરનો લંડન સ્થિત 127 કરોડ રૂપિયાનો ફ્લેટ ED દ્વારા જપ્ત : રાણા કપૂર આ ફ્લેટ વેચી નાખવાની તૈયારીમાં હોવાનું જાણવા મળતા તાત્કાલિક પગલું લીધું access_time 8:46 pm IST

  • દેશમાં કોરોનાના કહેર વચ્ચે નવા કેસ કરતા સ્વસ્થ થનારની સંખ્યા વધુ :એક્ટીવ કેસમાં સતત ઘટાડો : રાત્રે 12-30 વાગ્યા સુધીમાં દેશમાં 88,691 નવા કેસ નોંધાયા : કુલ કેસની સંખ્યા 59,90,513 થઇ : 9,56,491 એક્ટીવ કેસ : વધુ 92,312 દર્દીઓ સ્વસ્થ થતા કુલ 49,38,641 રિકવર થયા : વધુ 1123 લોકોના મોત સાથે મૃત્યુઆંક 94,533 થયો access_time 1:03 am IST