Gujarati News

Gujarati News

News of Saturday, 26th September 2020

સુરતના ભટાર વિસ્તારમાં કારખાનામાંથી ગુટખા ખાવા નીકળવું કારીગરને ભારે પડ્યું: તીક્ષણ હથિયારના ઘા જીકી કરપીણ હત્યા થતા પોલીસે તપાસ હાથ ધરી

સુરત: શહેરના ભટાર રવિતેજ ઇન્ડસ્ટ્રીયલ સોસાયટીમાં મળસ્કે ગુટખા ખાવા કારખાનામાંથી બહાર ગયેલા કારીગરની હત્યા કરેલી લાશ કારખાના નજીક જ મળી આવી હતી. નાઈટ શિફ્ટમાં કામ કરતા અન્ય બે કારીગરો સાથે ચા પીધા બાદ નીકળેલા કારીગરને કારખાના નજીક જ કોઈકે પડખામાં તિક્ષ્ણ હથિયાર મારી પતાવી દીધો હતો. ખટોદરા પોલીસે કેટલાક શકમંદોની અટકાયત કરી પૂછપરછ હાથ ધરી છે.

પોલીસ સૂત્રો દ્વારા પ્રાપ્ત થતી વિગતો મૂળ ઉત્તરપ્રદેશનો વતની અને સુરતમાં બે મોટા ભાઈ અને તેમના પરિવાર સાથે ભટાર આઝાદનગર રોડ રસુલાબાદ ગલી નં.13 ઘર નં.34 માં રહેતો 24 વર્ષીય આશિષ રામસાગર કનોજીયા ભટાર રવિતેજ ઇન્ડસ્ટ્રીયલ સોસાયટી ખાતા નં.23 માં મુકેશભાઈના એમ્બ્રોઇડરીના કારખાનામાં કામ કરતો હતો. ગતરાત્રે નાઈટ શિફ્ટમાં નોકરીએ ગયેલો આશિષ આજે મળસ્કે 4.45 વાગ્યે સાથી કારીગર અમિત દુબેએ લાવેલી ચા તેની સાથે અને અન્ય કારીગર રોહિતકુમાર પાંડે સાથે પીધા બાદ ગુટખા ખાવા માટે કારખાનામાંથી નીચે ઉતર્યો હતો. જોકે, આશિષ ઘણા સમય સુધી પરત આવ્યો ન હતો અને બાદમાં બાજુના કારખાનામાં કામ કરતા કારીગરે કોઈક મજુર તમારા ખાતાની બહાર પડેલો છે તેમ કહેતા ખાતાની આગળ ગલીમાં જઈ જોયું તો આશિષ લોહીલુહાણ હાલતમાં મૃત પડેલો હતો. આ અંગે આશિષના મોટાભાઈ લલનને જાણ કરતા તે દોડી આવ્યો હતો અને તેણે ખટોદરા પોલીસને જાણ કરી હતી.

(5:39 pm IST)
  • દિલ્હીના 2 કરોડ નાગરિકોને કેજરીવાલ સરકારની મોટી ભેટ : હવેથી 24 કલાક પાણી મળશે : પાણી વિતરણ માટે બાબા આદમના વખતની ટેક્નોલોજીના સ્થાને અદ્યતન ટેક્નોલોજી અમલી બનાવાશે : પાણીની પાઈપ લાઈન ખોલવા માટે હેન્ડલ ઘુમાવવાને બદલે સેન્ટ્રલાઈઝડ સિસ્ટમ લાગુ કરાશે : કર્મચારી ઓફિસમાં બેઠા બેઠા રિમોટ કંટ્રોલથી કામગીરી સંભાળશે access_time 12:35 pm IST

  • ચીનની હુઆવે રિસર્ચ લેબોરેટરીમાં ભીષણ આગ : લેબોરેટરી બિલ્ડિંગમાંથી નીકળતા ધુમાડાના ગોટાઓ આકાશને આંબ્યાં : અનેક ફાયર બ્રિગેડ આગ બુઝાવવાની કામગીરીમાં : 3 મોત : આગના કારણ અંગે હજુ સુધી સરકાર દ્વારા કોઈ સ્પષ્ટતા કરાઈ નથી access_time 1:08 pm IST

  • ભાજપની રાષ્ટ્રીય ટીમમાં ૪૫% નવા ચહેરાઓ : નવી ટીમની જાહેરાત કરી રહેલા ભાજપના રાષ્ટ્રીય પ્રમુખ જે.પી. નડ્ડા : ભાજપના રાષ્ટ્રીય પ્રમુખ જે.પી. નડ્ડા રાષ્ટ્રીય ભાજપની નવી ટીમની અત્યારે બપોરે ૩:૧૫ પછી જાહેરાત કરી રહ્યા છે જેમાં ૪૫ ટકા નવા ચહેરાઓ છે : જે.પી. નડ્ડાએ સમગ્ર ટીમમાં આમુલ ફેરફારો કર્યા છે : વિગતો જાહેર થઈ રહી છે (ન્યુઝફર્સ્ટ) access_time 3:11 pm IST