Gujarati News

Gujarati News

News of Saturday, 26th September 2020

વડોદરાના દાંડિયાબજાર વિસ્તારમાં પાર્ક કરેલ કારનું લોક તોડી ચોરીનો પ્રયાસ કરનાર શખ્સને કાર માલિકે રંગે હાથે ઝડપી પાડયો

વડોદરા: શહેરના દાંડિયાબજાર ફાયર બ્રિગેડ પાસે પાર્ક કરેલી કારનું લોક તોડી ચોરીનો પ્રયાસ કરનાર શખ્સને કાર માલિકે રંગેહાથ ઝડપી પાડી રાવપુરા પોલીસ મથકના હવાલે કર્યો હતો. રંગે હાથ ઝડપાઇ જતાં આરોપીએ પોલીસથી બચવા  કારચાલકના માથામાં કાતર ફટકારી જીવલેણ હમલો કર્યો હતો.

વડોદરાના સાવલી નજીક આવેલ ઈન્દ્રાડ ગામે રહેતા વિરેન્દ્ર સિંહ ચૌહાણ દરજી કામ કરે છે દરમિયાન ગઇકાલે તેઓ પોતાના મિત્રો સાથે કાર લઈને વડોદરા ખાતે નાની મોટી ચીજ વસ્તુઓની ખરીદી કરવા માટે આવ્યા હતા. 

આ દરમિયાન તેઓએ સુરસાગર તળાવ પાસે ફાયર બ્રિગેડની પાછળ પોતાની કાર પાર્ક કરી હતી અને ખરીદી કરવા માટે મારી માતા ના ખાંચામાં ગયા હતા, જ્યાંથી પરત આવતા એક અજાણ્યો ઈસમ કારનું લોક તોડીને કારમાં બેઠેલો હતો. આ દૃશ્ય જોતાં તેઓ ચોંકી ઊઠયા હતા. સમગ્ર મામલો રાવપુરા પોલીસ મથકે પહોંચતા પોલીસની પૂછતાછમાં કાર નું લોક તોડી ફરિયાદીના પાકીટ ની ચોરી કરતા રંગેહાથ ઝડપાયેલા શખ્સની પૂછતાછ દરમિયાન તેણે પોતાનું નામ શાકિબ સલીમમિયા શેખ ( રહેવાસી - કાગદીવાડ ,મચ્છીપીઠ, વડોદરા) હોવાનું જણાવ્યું હતું. રાવપુરા પોલીસે ફરિયાદના આધારે ચોરીના પ્રયાસ દરમિયાન જીવલેણ હુમલો કરવાના બનાવમાં આરોપી સાકીબ શેખની ધરપકડ કરી કાયદેસરની કાર્યવાહી હાથ ધરી હતી.

(5:31 pm IST)
  • દિલ્હીના મુખ્યમંત્રી અરવિંદ કેજરીવાલને અશ્લીલ ગીત ગાઈ રહેલા બતાવતો " ફેક " વિડિઓ વાઇરલ : 12 ફેબ્રુઆરીના રોજ દિલ્હી વિધાનસભાની ચૂંટણીમાં પોતાની પાર્ટી વિજેતા થતા અશ્લીલ ગીત ગાતા બતાવ્યા : દિલ્હી કોર્ટમાં દાવો દાખલ : મેટ્રોપોલિટન મેજિસ્ટ્રેટે પશ્ચિમ વિહાર પોલીસને એફ.આઈ .આર.દાખલ કરી રિપોર્ટ આપવાનો આદેશ કર્યો access_time 7:45 pm IST

  • દેશમાં કોરોનાના કહેર વચ્ચે નવા કેસ કરતા સ્વસ્થ થનારની સંખ્યા વધુ :એક્ટીવ કેસમાં સતત ઘટાડો : રાત્રે 12-30 વાગ્યા સુધીમાં દેશમાં 88,691 નવા કેસ નોંધાયા : કુલ કેસની સંખ્યા 59,90,513 થઇ : 9,56,491 એક્ટીવ કેસ : વધુ 92,312 દર્દીઓ સ્વસ્થ થતા કુલ 49,38,641 રિકવર થયા : વધુ 1123 લોકોના મોત સાથે મૃત્યુઆંક 94,533 થયો access_time 1:03 am IST

  • દેશમાં કોરોનાના કહેર વચ્ચે આજે નવા કેસ કરતા સ્વસ્થ થનારની સંખ્યામાં વધુ :કુલ કેસનો આંક 59 લાખને પાર પહોંચ્યો : રાત્રે 12-30 વાગ્યા સુધીમાં દેશમાં 85,465 નવા કેસ નોંધાયા : કુલ કેસની સંખ્યા 59,01.571 થઇ : 9,61,159 એક્ટીવ કેસ : વધુ 93,166 દર્દીઓ સ્વસ્થ થતા કુલ 48,46,168 રિકવર થયા : વધુ 1093 લોકોના મોત સાથે મૃત્યુઆંક 93,410 થયો access_time 12:51 am IST