Gujarati News

Gujarati News

News of Saturday, 26th September 2020

આરોગ્ય ખાતામાં ભ્રષ્ટાચાર સરકારના રાજીનામાની માગ

કેગના અહેવાલના આધારે કોંગ્રેસના પ્રહાર : ગૃહમાં શુક્રવારે રજૂ કરાયેલા અહેવાલમાં સિવિલ હોસ્પિટલની ૧૨૦૦ બેડની ડિઝાઈનમાં ખામીનો ઉલ્લેખ

ગાંધીનગર,તા.૨૫ : ૧૨૦૦ બેડ અને દવાઓ મામલે આપેલા રિપોર્ટથી ગુજરાતની ભાજપ સરકાર અને આરોગ્ય વિભાગ ભ્રષ્ટાચારમાં ગળાડુબ છે. આરોગ્ય વિભાગે જવાબદારી સ્વીકારવી જોઈએ. કેગના રીપોર્ટનો આધાર લઈ કોંગ્રેસે આજે ભાજપ પર આકારા પ્રહાર કરતા આરોગ્ય મંત્રીના રાજીનામાની માંગણી કરી હતી. ગૃહના આજે કેગનો રિપોર્ટ રજુ કરાયો હતો. જેમાં સિવિલ હોસ્પિટલની ૧૨૦૦ બેડની હોસ્પિટલની ડિઝાઈનમાં રહેલી ખાલી હતી તે અંગે ટીપ્પણી કરાઈ હતી. એ જ રીતે સરકારી હોસ્પિટલોમાં દવાની ફાળવણી યોગ્ય રીતે કરવામાં આવતી નથી. તેમજ ૧૦૫માંથી ૩૩ દવાઓ સરકારી હોસ્પિટલોમાં મળતી નથી. તે ખામીઓ અંગે કેગમાં નોંધ મુકવામાં આવી હતી.

             કેગના રિપોર્ટના આધાર બનાવી સરકાર પર આકરા પ્રહાર કરતા કોંગ્રેસે આરોગ્યમાંથી નીતિન પટેલ રાજીનામાની માંગણી કરતા કોંગ્રેસના પ્રવક્તા મનીષ દોશીએ જણાવ્યું હતું કે, આરોગ્ય વિભાગમાં કરોડો રૂપિયાની ફાળવણીની જાહેરાત થાય છે. કેગના રીપોર્ટમાં થયેલ ખુલાસાનો સ્વીકાર કરી આરોગ્ય મંત્રીએ રાજીનામુ આપી દેવુ જોઈએ. પીપીઈ કીટ, ધમણ, સેનેટાઈઝર માસ્કમાં ભ્રષ્ટાચાર થયેલ છે. કોવિડ દરમિયાન સામે આવ્યું છે  કે ગુજરાત આરોગ્યની સેવા પાછળ છે દર્દીને બેડ ન મળે, દર્દીના સગાને પોતાના પ્રયિજનની જાણકારી ન હોય અને સમગ્ર વિભાગ ભ્રષ્ટાચારમાં ગળાડુબ ડુબેલો છે.

(9:24 pm IST)
  • ભાજપની રાષ્ટ્રીય ટીમમાં ૪૫% નવા ચહેરાઓ : નવી ટીમની જાહેરાત કરી રહેલા ભાજપના રાષ્ટ્રીય પ્રમુખ જે.પી. નડ્ડા : ભાજપના રાષ્ટ્રીય પ્રમુખ જે.પી. નડ્ડા રાષ્ટ્રીય ભાજપની નવી ટીમની અત્યારે બપોરે ૩:૧૫ પછી જાહેરાત કરી રહ્યા છે જેમાં ૪૫ ટકા નવા ચહેરાઓ છે : જે.પી. નડ્ડાએ સમગ્ર ટીમમાં આમુલ ફેરફારો કર્યા છે : વિગતો જાહેર થઈ રહી છે (ન્યુઝફર્સ્ટ) access_time 3:11 pm IST

  • ઉત્તર પ્રદેશના મુખ્યમંત્રી યોગી આદિત્યનાથને જાનથી મારી નાખવાની ધમકી : મુખ્તારને જેલમાંથી મુક્ત કરો નહીં તો 24 કલાકમાં ખતમ કરી નાખશું : ધમકીમાં અભદ્ર ભાષાનો ઉપયોગ : પોલીસ ચક્રો ગતિમાન : આરોપી હાથવેંતમાં હોવાનો દાવો access_time 12:44 pm IST

  • આતંકવાદ ,હથિયારોની ગેરકાયદે હેરાફેરી ,ડ્રગ્સ ,તથા મની લોન્ડરીંગ સહિતના મુદ્દે ભારત કાયમ અવાજ ઉઠાવશે : માનવતા, માનવ જાતિનું કલ્યાણ ,તથા માનવીય મૂલ્યોની હંમેશા રક્ષા કરીશું : વિશ્વના સૌથી મોટા વેક્સીન ઉત્પાદક દેશના પ્રાઈમ મિનિસ્ટરના નાતે હું જગતને આશ્વાસન આપવા માંગુ છું કે તમામ લોકોને આ વૈશ્વિક સંકટમાંથી બહાર કાઢવા માટે અમે સદાય તતપર રહીશું : ભારતની ફાર્મા ઇન્ડસ્ટ્રીઝે 150 થી વધુ દેશોમાં જીવન જરૂરી દવાઓ મોકલી છે : અમે" વસુધૈવ કુટુંબક્મ " ની ભાવનામાં માનીએ છીએ : સંયુક્ત રાષ્ટ્ર સંઘમાં ભારતના વડાપ્રધાન શ્રી નરેન્દ્ર મોદીનું ઉધબોધન access_time 7:11 pm IST