Gujarati News

વડોદરા: શહેરમાં ઘરની બહાર રમતી ૭ વર્ષની બાળકીને ચોકલેટ બતાવી હવસખોર વિધૂર  દૂર પોતાના ઘરે લઈ ગયો હતો.  અને બાળકી સાથે શારીરિક અડપલા કરતો હતો. બાળકીની માતાએ પુત્રીને હવસખોરની ચૂંગલમાંથી છોડાવી હતી.  બનાવ અંગે સિટિ પોલીસે વધુ તપાસ હાથ ધરી છે.

આ અંગેની વિગત એવી છે કે શહેરના ફતેપુરા વિસ્તારમાં ઘરની થોડે દૂર અન્ય બાળકો સાથે ૭ વર્ષની બાળકી રમતી હતી. તે સમયે હવસખોર ચેતન જયરામદાસ ચેનાની (રહે. રાવતશેરી, ફતેપુરા)  બાળકીને ચોકલેટ બતાવીને લલચાવી પોતાના ઘરે લઈ ગયો હતો. ચેતનના આ  કૃત્યને જોઈ ગયેલી એક મહિલાએ બાળકીની માતાને આ અંગે જાણ કરી હતી. બનાવ અંગે   સિટિ પોલીસ મથકમાં ફરિયાદ નોંધાવતા પીઆઈ ડી.જે.સોસા. એ રાતે જ આરોપી ચેતનને ઝડપી પાડી જેલ હવાલે કર્યો હતો. આરોપી ૪૫ વર્ષની ઉંમરનો છે. અને તેની પત્નીનું અવસાન થયું છે.  તેહાલમાં ઘરે એકલો જ રહે છે.