Gujarati News

Gujarati News

News of Monday, 26th August 2019

હવામાન વિભાગની ભારે વરસાદની આગાહી વચ્‍ચે અરવલ્લી જિલ્લામાં આજે સવારથી વરસાદનું આગમનઃ ૬થી ૮ દરમિયાન ભિલોડા તાલુકામાં બે ઇંચ જેટલો વરસાદ વરસી ગયો

 

અમદાવાદઃ હવામાન વિભાગે ગુજરાતમાં ફરી ભારેથી અતિભારે વરસાદની આગાહી કરી છે. સોમવારથી રાજ્યમાં ત્રણ દિવસ અતિભારે વરસાદની આગાહી હવામાન વિભાગે કરી છે. ઉત્તર, દક્ષિણ, મધ્ય અને પૂર્વ ગુજરાતમાં વરસાદની આગાહી કરવામાં આવી છે. ત્યારે આગાહી પહેલાં રવિવારે ગુજરાતના અમુક ભાગોમાં ધોધમાર વરસાદ વરસ્યો હતો. હવામાન વિભાગે જણાવ્યું છે કે, 26 અને 27મીએ વરસાદનું જોર વધારે રહેશે. હવામાન વિભાગની ભારે વરસાદની આગાહી વચ્ચે અરવલ્લી જિલ્લામાં આજે વહેલી સવારથી વરસાદનું આગમન થયું છે. સવારે વાગ્યાથી આઠ વાગ્યા દરમિયાન જિલ્લાના ભિલોડા તાલુકામાં બે ઇંચ વરસાદ પડ્યો હતો.

ખેડબ્રહ્મામાં આજે દિવસભર ઉકળાટ બાદ ફરી મેઘરાજા ની આગમન થયું હતું. ખેડબ્રહ્મામાં આજુબાજુના તમામ ગામડાંઓમાં ધોધમાર વરસાદ થયો હતો. ત્યાં અરવલ્લી જિલ્લાના માલપુર તાલુકામાં આજે સવારે ધોધમાર વરસાદ પડ્યો હતો, જેમાં ઉભરાણ પંથકમાં અડધા કલાકમાં અડધો ઇંચ વરસાદ પડ્યો હતો. શામળાજી અને ભિલોડામાં વહેલી સવારે વાગ્યાથી વરસાદ શરૂ થયો હતો. વરસાદને કારણે શામળાજી દર્શન માટે આવતા લોકોને થોડી મુશ્કેલીનો સામનો કરવો પડ્યો હતો. બીજી તરફ બે કલાકમાં બે ઇંચ જેટલો વરસાદ પડી જતાં નિચાણવાળા વિસ્તારોમાં પાણી ભરાવાની શરૂઆત થઈ હતી.

જુલાઇ અને ઓગસ્ટમાં સારા વરસાદના કારણે ખેડૂતોમાં ખુશીની લાગણી છવાઈ ગઈ છે. પ્રાપ્ત માહિતી અનુસાર જિલ્લાના અનેક તળાવો હજુ સુધી પણ ખાલીખમ છે ત્યારે સારા વરસાદને કારણે તળાવોમાં પાણી ભરાશે તેવી આશા ખેડૂતો દ્વારા વ્યક્ત કરવામાં આવી રહી છે.

(10:51 am IST)
  • કેન્દ્ર સરકાર દ્વારા જીએસટી રિટર્ન ભરવાની અંતિમ તારીખ લંબાવવામાં આવી છે. નાણા મંત્રાલયે એક નિવેદન બહાર પાડીને કહ્યું કે, નણાકીય વર્ષ 2017-18 માટે ફોર્મ GSTR-9, GSTR-9A અને GSTR-9C માટે રિટર્ન ફાઇલ કરવાની અંતિમ તારીખ 31 ઓગસ્ટ, 2019 હતી પરંતુ હવે તેને લંબાવીને 30 નવેમ્બર, 2019 કરવામાં આવી છે. access_time 1:00 am IST

  • કર્ણાટકની યેદીયુરપ્પા સરકારમાં લક્ષ્મણ સાવદી, ડો અશ્વત નારાયણ અને દલિત નેતા ગોવિંદ કરજોલને નાયબ મુખ્યપ્રધાન બનાવવામાં આવ્યા : કર્ણાટકમાં એક અઠવાડિયા બાદ મંત્રીઓ વચ્ચે વિભાગોનું વિસ્તરણ કરવામાં આવ્યું હતું. આ વખતે મુખ્યમંત્રી યેદીયુરપ્પાને ત્રણ મુખ્યમંત્રી આપવામાં આવ્યા છે જેમાંથી એક લિંગાયતના એક વોકકાલીગગા અને એક દલિત છે access_time 11:40 pm IST

  • જમ્મુ કાશ્મીરના રાજ્યપાલ સત્યપાલ મલિકે રાહુલ ગાંધીને આપ્યો સણસણતો જવાબ - કહ્યું કે, "રાહુલ ગાંધી મારા નિમંત્રણને એક રાજકીય વ્યાપાર સમજી બેઠા છે. મે કહ્યું હતું કે, જો તમને અમારા પર વિશ્વાસ ન હોય તો આવો ખીણની મુલાકાત લો. તેનાં જવાબમાં તેમણે કહ્યું કે, નજરકેદ લોકો, નેતાઓ અને સેનાને મળીશ. આ અંગે મે કહ્યું કે, આનો સ્વિકાર અમે કરી શકીએ નહી અને તેનો નિર્ણય તંત્ર પર જ છોડી દઇશ." access_time 12:13 am IST