Gujarati News

રાજકોટ, તા.૨૬:  ક્રિકેટ રસિયાઓ અને બુકીઓમાં જેનો ખૂબ રોમાંચ છે તેવા આઈપીએલ પ્‍લે ઓફ અને ફાઇનલ મેચ અભૂતપૂર્વ કેપીસિટી ધરાવતા નરેન્‍દ્ર મોદી સ્‍ટેડિયમ અમદાવાદ ખાતે યોજવા સાથે ગૃહમંત્રી અમિતભાઈ શાહ મેચ નિહાળવા આવનાર હોવાથી પોલીસ દ્વારા પોલીસ કમિશનર સંજય શ્રીવાસ્‍તવના નેતળત્‍વ હેઠળ જડબેસલાક વ્‍યવસ્‍થા ગોઠવી છે. પોલીસ સ્‍ટાફની રજાઓ પણ રદ કરવામાં આવી છે.૪૦૦૦ થી વધુ પોલીસ કાફલા સાથે ૪૦૦ થી વધુ પ્રાઇવેટ સિકયોરિટી સ્‍ટાફ પણ ખડેપગે રહેનાર હોવાનું અમદાવાદના કન્‍ટ્રોલ નાયબ પોલિસ કમિશનર ડો.હર્ષદ પટેલ દ્વારા ‘અકિલા' સાથેની વાતચીતમાં જણાવ્‍યું હતું.              
 બોલીવુડ સેલિબ્રિટી સહિત રાજકોટ મહાનુભાવોનો જમાવડો થવાનો હોવાથી બન્ને ઇવેન્‍ટસ માટે ૯ નાયબ પોલીસ કમિશનર,૧૩  એસીપી, ૪૮ પીઆઈ, ૧૨૭ પીએસઆઈ, ૨૮૩૦ પોલીસ જવાનોની સાથે ૧૦૦૦ હોમ ગાર્ડ પણ મદદે રહશે તેમ નાયબ પોલિસ કમિશનર ડો.હર્ષદ પટેલ દ્વારા વિશેષમાં જણાવ્‍યું હતું.                    મેચના ખેલાડીઓ,અમ્‍પાયર, રેફરી માટે વિવિધ હોટલમાં પણ જડબેસલાક વ્‍યવસ્‍થા ગોઠવવામાં આવી છે. એરપોર્ટ સહિત તમામ સ્‍થળો પર બોમ્‍બ સ્‍કવોડ દ્વારા ચેકીંગ હાથ ધરવામાં આવશે.ટ્રાફિક મૂવમેન્‍ટ સરળ રહે તે માટે ડીસીપી લેવલના અધિકારીને ખાસ જવાબદારી સુપરત કરવામાં આવી છે.સમાપન સમયે પણ અક્ષયકુમાર, એ.આર.રહેમાન અને રણવીરસિંહ સહિતની સેલિબ્રિટીના સંભવિત આગમન સંદર્ભે લોખંડી સુરક્ષા વ્‍યવસ્‍થા પોલીસ કમિશનર સંજય શ્રીવાસ્‍તવ દ્વારા ગોઠવવામાં આવી છે, અભૂતપૂર્વ પ્રસંગ ધ્‍યાને રાખી રાજ્‍યના આઇબી વડા અનુપમસિંહ ગહેલોત દ્વારા તમામ આઇબી યુનિટ  એક્‍ટિવ કરવા સાથે આઈપીએલ બુકીઓ ર્પ પણ પોલીસ સાથે સંકલન કરી વ્‍યવસ્‍થા ગોઠવી હોવાનું સૂત્રો જણાવે છે.