Gujarati News

Gujarati News

News of Sunday, 26th May 2019

રાજયભરમાં ૫૪૦૦થી વધુ મિલ્કતોને નોટિસો ફટકારાઇ

સુરતના આગકાંડ બાદ સરકાર સફાળી જાગી : કોર્પોરેશન-નગરપાલિકાએ મળી કુલ ૭૧૩થી વધુ ટીમો બનાવી : ટેરેસ અને બેઝમેન્ટમાં ચાલતા ક્લાસીસો બંધ

અમદાવાદ,તા. ૨૬ : સુરતના ભયાવહ અગ્નિકાંડ અને તેમાં ૨૩ વિદ્યાર્થીઓના અકાળે મોતની ચકચારી અને હૃદયદ્રાવક દુર્ઘટના બાદ હવે રાજય સરકાર સફાળી જાગી છે અને તંત્ર દોડતુ થયુ છે. રાજય સરકારે રાજયના વિવિધ મ્યુનિસિપલ કોર્પોરેશનો અને નગરપાલિકા કક્ષાએ ૨૦૫૫થી વધુ અધિકારીઓની જુદી જુદી કુલ ૭૧૩થી વધુ ટીમો બનાવી તેના મારફતે અમદાવાદ, વડોદરા, સુરત, રાજકોટ, ભાવનગર, જામનગર સહિતના શહેરોમાં ફાયરસેફ્ટીની સુવિધા અને જોખમી પાસાઓની ચકાસણી માટેનું રાજયવ્યાપી અભિયાન શરૂ કર્યું છે. જે અંતર્ગત અત્યારસુધીમાં આ ટીમો દ્વારા અમદાવાદ, સુરત, રાજકોટ સહિતના શહેરોમાં મળી કુલ ૯૯૬૫ મિલ્કતોની તપાસ કરવામાં આવી છે, જેમાંથી ફાયરસેફ્ટી ના હોય કે અન્ય કોઇ ગંભીર જોખમી ખામી હોય તેવી ૫૪૦૦થી વધુ મિલકતોને નોટિસ અપાઇ છે તો, ફાયરસેફ્ટીની સુવિધા ના હોય તેવી મિલ્કતોને સીલ મારવાની કાર્યવાહી હાથ ધરાઇ રહી છે. ખાસ કરીને બેઝમેન્ટ કે ટેરેસમાં ચાલતાં કલાસીસ અને જોખમી એકમોને સીલ પણ કરવામાં આવ્યા છે. આ અંગે રાજયના મુખ્ય સચિવ જે.એન.સિંહે જણાવ્યું હતું કે, સુરત આગકાંડ પ્રકરણમાં સુરત ફાયરબ્રિગેડ વિભાગના બે અધિકારીઓને તાત્કાલિક અસરથી સસ્પેન્ડ કરવામાં આવ્યા છે અને સમગ્ર પ્રકરણમાં જે કોઇ કસૂરવારો હશે તેઓની સામે પણ પગલા લેવાશે. દોષિત અધિકારીઓને નોકરીમાંથી બરતરફ કરાશે. તેમણે ઉમેર્યું હતું કે, સુરત જેવી ઘટના ફરી રાજયમાં કોઇ શહેરમાં ના બને તે માટે હવે સરકાર સજાગ બની છે અને આ માટે જરૂરી પગલા અને કાર્યવાહી કરી રહી છે. રાજયમાં ફાયરસેફ્ટીની સુવિધા વિના ધમધમતા કલાસીસ કે કોમર્શીયલ એકમોને સીલ કરવાની કાર્યવાહી પણ કરવામાં આવી રહી છે. રાજય સરકારે આ સમગ્ર મામલાને ગંભીરતાથી લીધો છે અને હવે રાજયભરમાં તપાસનો ધમધમાટ શરૂ કરવામાં આવ્યો છે. આ માટે રાજયના વિવિધ મ્યુનિસિપલ કોર્પોરેશનો અને નગરપાલિકા કક્ષાએ ૨૦૫૫થી વધુ અધિકારીઓની જુદી જુદી કુલ ૭૧૩થી વધુ ટીમો બનાવવામાં આવી છે.

 

(9:40 pm IST)
  • દાભોલકર હત્યાકાંડ :સીબીઆઈ દ્વારા બચાવપક્ષના વકીલ સહીત અન્ય એક વ્યક્તિની ધરપકડ : સીબીઆઈએ નરેન્દ્ર દાભોલકર હત્યાકાંડના કેટલાક આરોપનો બચાવ કરતા વકીલની ધરપકડ કરી ; અન્ય એક શખ્શને પણ ઝડપી લીધો access_time 12:48 am IST

  • રાહુલ ગાંધી અધ્યક્ષ પદ છોડશે તો દક્ષિણમાં કાર્યકર્તાઓ આત્મહત્યા કરશે :કોંગ્રેસનાં સીનિયર નેતા પી.ચિદમ્બરમે રાહુલ ગાંધીને ભાવુક અપીલ કરી,:કોંગ્રેસના કારમાં પરાજય બાદ રાહુલ ગાંધીની રાજીનામાની ઓફરને અતાર્કિક ગણાવી :તેમણે કહ્યું કે, રાહુલ ગાંધી અધ્યક્ષ પદ છોડશે તો દક્ષિણમાં કાર્યકર્તાઓ આત્મહત્યા કરશે access_time 11:09 am IST

  • મમતા બેનર્જીની મુખ્યમંત્રી પદેથી રાજીનામુ આપવાની ઓફર માત્ર નાટક છે :ભાજપ નેતા મુકુલ રોયે કહ્યું કે મુખ્યમંત્રીપદ છોડવાની વાત માત્ર નાટકબાજી છે :મમતા બેનર્જી ક્યારેય મુખ્યમંત્રી પદ છોડશે નહીં :મુકુલ રોયે એમ પણ કહ્યું કે મમતા બેનર્જીને સતાનો આનંદ લેવાની લાલસા છે access_time 1:21 am IST