Gujarati News

Gujarati News

News of Saturday, 26th May 2018

વૈષ્ણોદેવી સર્કલ નજીક એક કરોડથી વધુનો જથ્થો કબજે

કાશ્મીરથી લવાયેલો ચરસનો જથ્થો જપ્ત કરાયો : ચરસના જથ્થાની સાથે બેની ધરપકડ : કાશ્મીરથી આવેલી ટ્રકને આંતરી ચરસનો જથ્થો ઝડપી પાડયો : ઉંડી તપાસ

અમદાવાદ,તા. ૨૬ : એનસીબી(નાર્કોટીક્સ કંટ્રોલ બ્યુરો) દ્વારા શહેરના વૈષ્ણોદેવી સર્કલ પાસેથી ૧૦ કિલો ચરસના જથ્થા સાથે બે શખ્સની ધરપકડ કરવામાં આવતાં ભારે ચકચાર મચી ગઇ હતી. બંને આરોપીઓ પાસેથી પકડાયેલ ચરસના જથ્થાની કિંમત એક કરોડ રૂપિયાથી વધુની થવા જાય છે, તેથી એનસીબીના અધિકારીઓ પણ ચરસનો આટલો મોટો જથ્થો જોઇ ચોંકી ઉઠયા હતા. એનસીબીએ બંને આરોપીઓ સામે એનડીપીએસ એકટ હેઠળ જરૂરી ગુનો નોંધી સમગ્ર કેસમાં વધુ તપાસ હાથ ધરી છે. એનસીબીના અધિકારીઓએ અગાઉથી મળેલી ચોક્કસ બાતમીના આધારે, શહેરના વૈષ્ણોદેવી સર્કલ પાસેથી આજે જેકે-૧૩ ડી-૫૪૨૨ નંબરની ટ્રકને આંતરી તેની જડતી લીધી હતી. ટ્રકમાંથી એનસીબીના અધિકારીઓએ એક કરોડ રૂપિયાથી વધુની કિંમતનો ચરસનો મોટો જથ્થો ઝડપી પાડયો હતો. એનસીબીએ આરોપી  મુશ્તાક બટ અને સોહૈલ અહમદ ગની નામના આ બન્ને  આરોપીઓને ઝડપી લીધા હતા. પ્રાથમિક પૂછપરછમાં માહિતી જાણવા મળી હતી કે,  બંને શખ્સો ચરસનો આ જથ્થો કાશ્મીરથી લઇને આવ્યા હતા અને ગુજરાતમાં ચોક્કસ સ્થળોએ સપ્લાય કરવાના હતા. પકડાયેલા બંને શખ્સો જમ્મુ-કાશ્મીરના શોપીયાંના રહેવાસી છે. તેઓને ડિલીવરી કરવા માટે રૂ.૫૦ હજારની માતબર રકમ ચૂકવાઇ હતી. એનસીબીના અધિકારીઓએ આ સમગ્ર પ્રકરણમાં ચરસનો આટલો મોટો જથ્થો કોના કહેવાથી ગુજરાતમાં સપ્લાય કરાયો હતો, આ ચરસ કોને કોને ડિલીવરી કરવાનું હતુ અને ચરસની હેરાફેરીના સમગ્ર પ્રકરણમાં કોણ કોણ સંડોવાયેલું છે તે સહિતની બાબતોની ઝીણવટભરી તપાસ હાથ ધરી છે. આરોપી મુશ્તાક બટ્ આ પહેલા પણ ચરસની ડિલવરી કરવા માટે ગુજરાત આવી ચૂક્યો હોવાની આશંકા વ્યક્ત કરવામાં આવી રહી હોઇ એનસીબીના અધિકારીઓએ તે દિશામાં પણ તપાસના ચક્રો ગતિમાન કર્યા છે. જો કે, શહેરના વૈષ્ણોદેવી સર્કલ વિસ્તારમાં ચરસનો આટલો મોટો જથ્થો મળતાં સમગ્ર વિસ્તારમાં ભારે ચકચાર મચી ગઇ હતી.

(8:35 pm IST)
  • સુરતની લેડી ડૉન અસ્મિતા ગોહિલ ઉર્ફે ભૂરીએ પોતાનો ગુનો કબૂલ્યો છે અને હવે સુધરવાની વાત કરી છે. ભૂરીએ કહ્યું કે મારા પર જે આરોપ લાગ્યા છે તે સાચા છે. વાઈરલ થયેલો વીડિયો પણ મારો છે. ભૂરીએ પોતાની ભૂલ પણ સ્વીકારી અને કહ્યું કે જેલમાંથી બહાર આવીને હું મારી ભૂલ સુધારવા માગું છું. ભૂરીએ કહ્યું કે હવે મને લાગે છે કે મારે સુધરી જવું જોઈએ. ભૂરીએ આ નિવેદન કોર્ટ બહાર આપ્યું હતું. access_time 1:23 am IST

  • નોટબંધીનું પુરજોર સમર્થન કરનારા બિહારનાં મુખ્યમંત્રી નીતીશ કુમારે યૂ ટર્ન લેતા તેનાં પર સવાલો ઉભા કર્યા છે. એક નિવેદનમાં તેમણે કહ્યું કે, નોટબંધીનો લાભ જેટલો મળવો જોઇએ તેટલો નથી મળ્યો. લાભ કેમ નથી મળ્યો તેનું કારણ તેમણે જણાવ્યુ હતું. નોટબંધીની નિષ્ફળતા માટે તેમણે બેંકોને જવાબદાર ઠેરવી હતી. તેમણે કહ્યું કે દેશની પ્રગતીમાં બેંકોની ઘણી મોટી ભુમિકા છે. મુખ્યમંત્રીએ કહ્યું કે, બેંકોને જમા અને પૈસા ઉપાડવા તથા લોન આપવાનું જ કામ નથી કરવાનું, પરંતુ દરેકે દરેક સરકારી યોજનામાં પણ બેંકોની ઘણી મોટી ભુમિકા હોય છે. access_time 1:22 am IST

  • આજે CBSE બોર્ડ ધોરણ 12નું પરિણામ જાહેર થશે : પરિણામ સરળતાથી જોઇ શકાય તે માટે ગુગલ સાથે કર્યું CBSEએ જોડાણ : ગુગલ પરથી વિદ્યાર્થીઓ જોઇ શકશે પોતાનું પરિણામ : cbse.examresults.net, cbseresults.nic.in, results.nic.in and results.gov.in વેબસાઈટસ પરથી પરિણામ જાણી શકાશે access_time 6:56 pm IST