Gujarati News

Gujarati News

News of Saturday, 26th May 2018

ભાવનગરના હીરાના વેપારીએ ૩પ.૯૮ લાખના હીરા મંગાવ્યા બાદ રૂપિયા ન આપતા સુરતમાં પોલીસ ફરિયાદ

સુરતઃ સુરતના વેપારીએ ભાવનગરના હીરાના વેપારી સામે છેતરપિંડીની ફરિયાદ કરી છે અને હીરા પેટેના રૂપિયા ૩પ.૯૮ લાખ ન ચૂકવતા તેની સામે ગુનો નોંધવા પોલીસે તપાસ હાથ ધરી છે.

શહેરના કતારગામ ગોટાલાવાડીના હીરા વેપારી પાસેથી વેચાણ કરવાને બહાને ભાવનગરના હીરા વેપારીએ રૂપિયા ૩૫.૯૮ લાખની હીરા મંગાવ્યા બાદ હીરા કે પેમેન્ટ નહી ચૂકવી ઠગાઈ કરી હોવાની ફરિયાદ કતારગામ પોલીસ મથકમાં નોંધાઈ છે.

કતારગામ દેસાઈ ખડકી ગજાનંદ કોમ્પ્લેક્ષમાં રહેતા ભાઈલાલ ચુનીલાલ દોશી હીરાના ધંધા સાથે સંકળાયેલા છે અને ગોટાલાવાડી ઠાકોરદ્વારમાં ઓફિસ ધરાવે છે. ભાઈલાલ પાસેથી ગત તારીખ ૨૪મીના રોજ ભાવનગરના ખોપાળા ગામે રહેતા ઘનશ્યામ બચુ ગાબાણીએ રૂપિયા ૩૫,૯૮,૬૫૦ની કિંમતના અલગ અલગ ચાર હીરાના પેકેટ વેચાણ કરવાના બહાને લઈ ગયો હતો અને ત્યારબાદ હીરા કે પેમેન્ટ નહી ચૂકવી ઠગાઈ કરી હતી.

સામાન્ય સંજોગોમાં હીરાનો વેપાર માત્ર વિશ્વાસ પર જ ચાલતો હોવાથી પુરતા પુરાવા હોતા નથી. જેના કારણે સંખ્યાબંધ ઘટનામાં ભોગ બનનારી વ્યક્તિ પોલીસ સુધી પહોંચી શકતી નથી. કારણ કે પોલીસ પાસે જવાનું થાય તો પોલીસ સૌથી પહેલા પુરાવા માગે છે. જેના કારણે હીરાના વ્યવસાયમાં થતાં કરોડોના છેતરપિંડીના કિસ્સા પોલીસ સુધી પહોંચતા જ નથી.

(6:43 pm IST)
  • કેન્દ્રમાં એનડીએ સરકારનાં ચાર વર્ષ પુર્ણ થવા પ્રસંગે કોંગ્રેસ સહિત મોટા ભાગનાં વિપક્ષી દળો મોદી સરકાર પર હૂમલા કરી રહી છે. બીજી તરફ કર્ણાટકનાં હાલમાં જ મુખ્યમંત્રી બનેલા એચ.ડી કુમાર સ્વામીએ કેન્દ્રની એનડીએ સરકારને શુભકામના પાઠવી છે. જેડીએસ નેતાએ જો કે મોદી સરકારને લોકોની અપેક્ષાઓ પર ખરા ઉતરવા અંગેનાં સવાલ પર કોઇ સ્પષ્ટ જવાબ આપવાનું ટાળ્યું હતું. કુમાર સ્વામીએ કહ્યું કે આ અંગે લોકોએ નક્કી કરવાનું છે. access_time 1:23 am IST

  • આજે CBSE બોર્ડ ધોરણ 12નું પરિણામ જાહેર થશે : પરિણામ સરળતાથી જોઇ શકાય તે માટે ગુગલ સાથે કર્યું CBSEએ જોડાણ : ગુગલ પરથી વિદ્યાર્થીઓ જોઇ શકશે પોતાનું પરિણામ : cbse.examresults.net, cbseresults.nic.in, results.nic.in and results.gov.in વેબસાઈટસ પરથી પરિણામ જાણી શકાશે access_time 6:56 pm IST

  • સુરતની લેડી ડૉન અસ્મિતા ગોહિલ ઉર્ફે ભૂરીએ પોતાનો ગુનો કબૂલ્યો છે અને હવે સુધરવાની વાત કરી છે. ભૂરીએ કહ્યું કે મારા પર જે આરોપ લાગ્યા છે તે સાચા છે. વાઈરલ થયેલો વીડિયો પણ મારો છે. ભૂરીએ પોતાની ભૂલ પણ સ્વીકારી અને કહ્યું કે જેલમાંથી બહાર આવીને હું મારી ભૂલ સુધારવા માગું છું. ભૂરીએ કહ્યું કે હવે મને લાગે છે કે મારે સુધરી જવું જોઈએ. ભૂરીએ આ નિવેદન કોર્ટ બહાર આપ્યું હતું. access_time 1:23 am IST