Gujarati News

Gujarati News

News of Saturday, 26th May 2018

હિંમતનગરમાં ગેરકાયદે ગર્ભ પરિક્ષણ કરનાર ખુશ્બુ હોસ્‍પિટલમાં દરોડોઃ અડધો લાખ લઇને જાતિ પરીક્ષણ થતુ હતુઃ તબીબ ફરારઃ ૩ની અટકાયત

હિંમતનગરઃ હિંમતનગરના ન્યાયમંદિરમાં આવેલ ખુશ્બુ હોસ્પિટલમાં ભૃણનુ લીંગ પરીક્ષણ થતુ હોવાની માહીતી મળતાં રાજસ્થાનના સ્વાસ્થ્ય અને પરીવાર કલ્યાણ વિભાગ દ્વારા બનાવવામાં આવેલ પીસીએન્ડ પીએનડીટી એક્ટ પ્રકોષ્ડ દ્વારા વોચ રાખવામાં આવી રહી હતી. સ્પેશ્યલ સેલના અધિકારી દલચંદ ચૌધરીએ વિગત આપતા જણાવ્યુ કે, બાતમી બાદ રાજસ્થાનના બે દલાલો અને હિંમતનગરના એક દલાલનો સંપર્ક કરીને સગર્ભા મહિલાના ભૃણનુ લીંગ પરીક્ષણ રૂ. ૫૦ હજારમાં કરાવવાનુ નક્કી કરવામાં આવ્યું હતું.

ત્યારબાદ શુક્રવારે સગર્ભા મહિલાને હોસ્પિટલમાં મોકલી હતી અને તબીબ દ્વારા રૂ. ૫૦ હજાર સ્વીકારી સગર્ભા મહિલાના ભૃણનુ લીંગ પરીક્ષણ કર્યા બાદ તબીબે ગર્ભ મેલ હોવાનુ જણાવ્યા બાદ ડીકોય ટીમને ઇશારો મળતા ટીમ અંદર ધસી આવી હતી. પરંતુ રેડ થયાની જાણ થતા ર્ડા.મહેન્દ્ર પરમાર રૂ.૨૫ હજાર લઇને ફરાર થઇ ગયા હતા. આ કાર્યવાહી દરમિયાન ઉપયોગમાં લેવાયેલ રૂ. ૫૦ હજાર પૈકી બાકી રહેલ રૂ. ૨૫ હજાર અને સોનોગ્રાફી મશીન સીલ કરીને જપ્ત કરી ત્રણ દલાલને લઇને રવાના થઇ જતાં ખળભળાટ મચી જવા પામ્યો હતો.

મહમદ સાબીર ઉર્ફે સેઠીયા ( હાથીપોલ ઉદયપુર), સમીન વા/ઓ મહમદ શકીશ શેખ (હાથીપોલ ઉદયપુર) અને ફારુકજાન મહમદ ( મેમણ કોલોની હસનનગર હિંમતનગર)ની અટકાયત કરવામાં આવી છે અને ર્ડા. એ.એ.મેમણ તથા પૈસા લઇ ફરાર થઇ ગયેલ ર્ડા.મહેન્દ્ર પરમાર મળી કુલ પાંચ જણા વિરુદ્ધ પીસીપીએનડીટી એક્ટના પ્રાવધાન અંતર્ગત ગુનો નોંધી કાર્યવાહી હાથ ધરવામાં આવી છે.

(6:36 pm IST)
  • સુરતની લેડી ડૉન અસ્મિતા ગોહિલ ઉર્ફે ભૂરીએ પોતાનો ગુનો કબૂલ્યો છે અને હવે સુધરવાની વાત કરી છે. ભૂરીએ કહ્યું કે મારા પર જે આરોપ લાગ્યા છે તે સાચા છે. વાઈરલ થયેલો વીડિયો પણ મારો છે. ભૂરીએ પોતાની ભૂલ પણ સ્વીકારી અને કહ્યું કે જેલમાંથી બહાર આવીને હું મારી ભૂલ સુધારવા માગું છું. ભૂરીએ કહ્યું કે હવે મને લાગે છે કે મારે સુધરી જવું જોઈએ. ભૂરીએ આ નિવેદન કોર્ટ બહાર આપ્યું હતું. access_time 1:23 am IST

  • સુરતમાં કતલખાને લઈ જવાતા ગાય-વાછરડાને બચાવાયાઃ ગૌરક્ષકો ઉપર હુમલો : માંડવીમાં ગૌરક્ષકોએ એક વાનમાં લઈ જવાતા ગાય વાછરડાઓને છોડાવ્યા : તાપીના વલોડની ગાય વાછરડાને લઈ જવાતા હતા ત્યારે ઝડપી લેતા કસાઈઓએ ગૌરક્ષકો ઉપર હુમલો કર્યો access_time 7:07 pm IST

  • નોટબંધીનું પુરજોર સમર્થન કરનારા બિહારનાં મુખ્યમંત્રી નીતીશ કુમારે યૂ ટર્ન લેતા તેનાં પર સવાલો ઉભા કર્યા છે. એક નિવેદનમાં તેમણે કહ્યું કે, નોટબંધીનો લાભ જેટલો મળવો જોઇએ તેટલો નથી મળ્યો. લાભ કેમ નથી મળ્યો તેનું કારણ તેમણે જણાવ્યુ હતું. નોટબંધીની નિષ્ફળતા માટે તેમણે બેંકોને જવાબદાર ઠેરવી હતી. તેમણે કહ્યું કે દેશની પ્રગતીમાં બેંકોની ઘણી મોટી ભુમિકા છે. મુખ્યમંત્રીએ કહ્યું કે, બેંકોને જમા અને પૈસા ઉપાડવા તથા લોન આપવાનું જ કામ નથી કરવાનું, પરંતુ દરેકે દરેક સરકારી યોજનામાં પણ બેંકોની ઘણી મોટી ભુમિકા હોય છે. access_time 1:22 am IST