Gujarati News

Gujarati News

News of Saturday, 26th May 2018

ડીસામાં સગાઈ થઇ ગયેલ દીકરીને પિતાએ એક લાખમાં બીજે પરણાવવાની વાત કરી

રાધનપુર: ડીસાની એક યુવતીની સગાઇ બે વર્ષ પહેલાં પાટણના રાધનપુરમાં વલ્લભનગરમાં રહેતા યુવક સાથે કરાઇ હતી. પરંતુ પરિવાર એક લાખ રૂપિયા લઈ આબુના કોઈ યુવક સાથે લગ્ન કરાવી દેવા માગતા હતા. પરિવારના સદસ્યોની આ વાત યુવતી કાનોકાન સાંભળી જતાં તે ડીસાથી રાધનપુર જેની સાથે સગાઇ થઇ હતી તે યુવકના ઘરે પહોંચી સાસુ-સસરા તેમજ પરિવારની સંમતીથી વિધિસર નોટરી કરાવીને લગ્ન કરી લીધી હતા. જેને લઇ દીકરીને પૈસા લઈને બીજે પરણાવી દેવાના પિતાના મનસૂબા ઉપર પાણી ફરી વળ્યું હતું.

ડીસામાં રહેતા એક પરિવારની 21 વર્ષિય દીકરીની સગાઇ આજથી બે વર્ષ પહેલાં રાધનપુરમાં વલ્લભનગરમાં રહેતા રામકુમાર (નામ બદલેલ છે) સાથે કરાઇ હતી અને 23 જૂને બંનેનાં લગ્ન થવાનાં હતાં. પરંતુ આજથી બે દિવસ પહેલાં સંબંધીએ આવીને યુવતીના પિતાને વાત કરી કે, દીકરીને આબુમાં રહેતા એક યુવક સાથે એક લાખ રૂપિયા લઈને પરણાવી દઈએ. વાત યુવતીએ સાંભળી લેતાં બીજા દિવસે સવારે ડીસાથી રાધનપુર તેના મંગેતરના ઘરે પહોંચી હતી અને વાતથી સાસરિયાંને માહિતગાર કર્યા હતા. જેથી સાસરિયાંએ હૈયાધારણ આપી યુવક અને યુવતી બંને રાજી હોઈ પહેલાં સમીના વરાણા ખાતે ખોડિયાર માતાજીના મંદિરે સાસરિયાં સાથે જઈને લગ્ન કર્યા બાદ વલ્લભનગરમાં આવી સમાજના અગ્રણીઓની હાજરીમાં ફેરા લીધા હતા અને કાયદેસર નોટરી પણ કરાવી હતી.

(5:36 pm IST)
  • અમરેલી જિલ્લાના ઢાઢાનેશ વિસ્તારમાં વન કર્મચારી ઉપર સિંહનો હુમલોઃ ચાંચઇપાણીયા રેન્જ વિસ્તારમાં બિમાર સિંહની તપાસ કરવા જતાં સિંહ હુમલો કરીને નાસી છુટ્યોઃ ઇજાગ્રસ્ત વન કર્મચારી સારવારમાં access_time 2:32 pm IST

  • દિલ્હીના મુખ્ય સચિવ અંશુ પ્રકાશ સાથે કથિત મારપીટ મામલે નાયબ મુખ્યમંત્રી મનીષ સિસોદીયાની ત્રણ કલાક પૂછપરછ :એડિશનલ ડીસીપી હરેન્દ્રસિંહના નેતૃત્વમાં એક ટીમે સિસોદીયાના મથુરા રોડ પરના ઘરે 165 મિનિટ પૂછપરછ કરી અને અંદાજે 125 સવાલ કર્યા :પોલીસે કહ્યું જવાબથી સંતુષ્ટ access_time 1:18 am IST

  • મુંબઈની તરતી રેસ્ટોરન્ટ સમુદ્રમાં ડૂબી : મુંબઈના માહિમ ખાતે બાંદરા-વરલી સી લિંક પાસે સમુદ્રમાં તરતી રેસ્ટોરન્ટ ડૂબી જતા 15 લોકો ડૂબ્યા હતા. જો કે સદનસીબે આ તમામ લોકોને બચાવી લેવાયા હતા. એક મોટી શિપને તરતી રેસ્ટોરન્ટમાં ફેરવવામાં આવી હતી. આ આર્ક ડેક બાર રેસ્ટોરન્ટ સમુદ્રના કિનારાથી લગભગ દોઢ કિલોમીટર અંદર હતી. જહાજમાં પાણી ભરાવાથી દુર્ઘટના સર્જાય હતી. પોલીસ દ્વારા આ ઘટનાની વધુ તપાસ હાથ ધરાય છે. access_time 2:09 pm IST