Gujarati News

Gujarati News

News of Saturday, 26th May 2018

ગાંધીનગરમાં વિદેશી દારૂના કટિંગ પર પોલીસના દરોડા: એકની ધરપકડ

ગાંધીનગર:શહેર તેમજ જિલ્લામાં દેશી વિદેશી દારૃની હેરાફેરી અને વેચાણ અટકાવવા માટે પોલીસ દ્વારા દોડધામ કરવામાં આવી રહી છે ત્યારે ગાંધીનગર એલસીબીએ બાતમીના આધારે ચરેડીમાં દરોડો પાડીને વિદેશી દારૃનું કટીંગ ઝડપી પાડયું હતું. જો કે આ સ્થળેથી એક શખ્સને ઝડપી લેવાયો હતો જ્યારે બાકીના ભાગી જવામાં સફળ રહયા હતા. પોલીસે દારૃ અને વાહનો મળી ૧.૭ લાખનો મુદ્દામાલ કબ્જે કર્યો હતો અને આ સંદર્ભે સે-ર૧ પોલીસ સ્ટેશનમાં ગુનો નોંધાયો હતો. રાજયના પાટનગર ગાંધીનગરમાં હાલ પોલીસ દ્વારા દેશી વિદેશી દારૃની હેરાફેરી અને વેચાણ અટકાવા માટે દોડધામ કરવામાં આવી રહી છે ત્યારે ગાંધીનગર જિલ્લા પોલીસ વડા વિરેન્દ્રસિંહ યાદવે ગાંધીનગર ક્રાઈમ બ્રાંચના પીઆઈ ટી.આર.ભટ્ટને સૂચના આપીને વિદેશી દારૃનું વેચાણ કરતાં બુટલેગરો સામે કડક હાથે કામ લેવા તાકીદ કરી હતી. જે સંદર્ભે એલસીબીની ટીમ પેટ્રોલીંગમાં હતી ત્યારે પો.કો.ભવાનસિંહને બાતમી મળી હતી કે સે-ર૮ ચરેડી છાપરામાં અમુક શખ્સો વિદેશી દારૃનું કટીંગ કરી રહયા છે.
 

(5:35 pm IST)
  • પાટીદાર પંચાયતમાં વિવાદ : દિનેશ બાંભણીયાએ હાર્દિકને લખ્યો પત્ર : હાર્દિકે ફકત પબ્લીસીટી મેળવવા રાજકીય પાર્ટીઓને પત્ર લખ્યાનો આક્ષેપ : ધાર્મિક સંસ્થા અને શહીદ પરિવારને આમંત્રણ નહિં અપાતા પાટીદાર પંચાયતમાં થયો વિવાદ : પંચાયતમાં નહિં જવાનો નિર્ણય જાહેર કરતા બાંભણીયા access_time 7:09 pm IST

  • રમઝાનમાં યુધ્ધવિરામનું ઉલ્લંઘન સહન નહિ થાય :જમ્મુ-કાશ્મીરના મુખ્યમંત્રી મહેબુબા મુફ્તીની પાકિસ્તાનને ચેતવણી: પાકિસ્તાન રામઝાનથી જોડાયેલ ભાવનાઓનું સન્માન કરે અને સીમા પર સંઘર્ષ વિરામનું ઉલ્લંઘન અટકાવે તેમ સરહદી ક્ષેત્રોમાં પ્રભાવિત લોકોની મુલાકાત દરમિયાન મહેબુબા મુફ્તીએ કહ્યું હતું access_time 1:21 am IST

  • મુંબઈની તરતી રેસ્ટોરન્ટ સમુદ્રમાં ડૂબી : મુંબઈના માહિમ ખાતે બાંદરા-વરલી સી લિંક પાસે સમુદ્રમાં તરતી રેસ્ટોરન્ટ ડૂબી જતા 15 લોકો ડૂબ્યા હતા. જો કે સદનસીબે આ તમામ લોકોને બચાવી લેવાયા હતા. એક મોટી શિપને તરતી રેસ્ટોરન્ટમાં ફેરવવામાં આવી હતી. આ આર્ક ડેક બાર રેસ્ટોરન્ટ સમુદ્રના કિનારાથી લગભગ દોઢ કિલોમીટર અંદર હતી. જહાજમાં પાણી ભરાવાથી દુર્ઘટના સર્જાય હતી. પોલીસ દ્વારા આ ઘટનાની વધુ તપાસ હાથ ધરાય છે. access_time 2:09 pm IST