Gujarati News

Gujarati News

News of Saturday, 26th May 2018

સોજીત્રા તાલુકાના ડભોઇમાં મગર ઘુસી જતા દોડધામ મચી જવા પામી

આણંદ: જિલ્લાના સોજિત્રા તાલુકાના ડભોઉ ગામે આજે વહેલી સવારના સુમારે એક ૭.૫ ફૂટ લાંબો મગર રહેણાંક વિસ્તારમાં ધસી આવતા નાનકડા ગામમાં ભારે નાસભાગ મચી જવા પામી હતી. આ ઘટનાની જાણ સોજિત્રા વનવિભાગ, નેચર હેલ્થ ફાઉન્ડેશન વિદ્યાનગર તથા સત્યમ ફાઉન્ડેશન કરમસદને થતાં તમામ ટીમો તુરત જ ડભોઉ ગામે દોડી ગઈ હતી અને ભારે જહેમત બાદ આ મગરને પાંજરે પુરી ડભોઉ ગામના તળાવમાં છોડી મુકવામાં આવ્યો હતો. સોજિત્રા તાલુકાના ડભોઉ ગામે નગરપંચાયત પાસે આવેલ દરબાર ફળીયામાં રહેતા ભુપેન્દ્રભાઈ સીસોદીયાના રહેણાંક મકાન પાસે આજે સવારના લગભગ ૩ઃ૦૦ કલાકની આસપાસના સુમારે એક ૭.૫ ફૂટ લાંબો મગર ધસી આવ્યો હતો. આ ઘટનાની જાણ વાયુવેગે ગામમાં થતા ગ્રામજનોના ટોળેટોળા દરબાર ફળીયા ખાતે ઉમટી પડયા હતા. દરમ્યાન આ ઘટનાની જાણ સોજિત્રા વનવિભાગ તથા નેચર હેલ્થ ફાઉન્ડેશન વિદ્યાનગર અને સત્યમ ફાઉન્ડેશન કરમસદને થતાં ત્રણ ટીમો ડભોઉ ખાતે દોડી આવી હતી અને રેસ્ક્યુ ઓપરેશન હાથ ધર્યું હતું. બે કલાકની ભારે જહેમતને બાદ સુરક્ષિત આ મગરને પાંજરામાં પુરવામાં આવ્યો હતો. જો કે ગ્રામજનોની માંગણીને લઈને અંતમાં આ મગરને ડભોઉ ખાતેના તળાવમાં મુક્ત કરી દેવાયો હતો. ઉલ્લેખનીય છે કે સોજિત્રા તાલુકાના ડભોઉ ગામે આવેલ તળાવમાં અનેક મગરો વસવાટ કરે છે. ખોરાકની શોધમાં આ મગર રાત્રિના સુમારે ફરતા-ફરતા રહેણાંક વિસ્તારમાં આવી ચઢ્યો હોવાનું અનુમાન નેચર હેલ્થ ફાઉન્ડેશનના સદસ્ય દ્વારા કરાયું હતુ.

(5:34 pm IST)
  • મુંબઈની તરતી રેસ્ટોરન્ટ સમુદ્રમાં ડૂબી : મુંબઈના માહિમ ખાતે બાંદરા-વરલી સી લિંક પાસે સમુદ્રમાં તરતી રેસ્ટોરન્ટ ડૂબી જતા 15 લોકો ડૂબ્યા હતા. જો કે સદનસીબે આ તમામ લોકોને બચાવી લેવાયા હતા. એક મોટી શિપને તરતી રેસ્ટોરન્ટમાં ફેરવવામાં આવી હતી. આ આર્ક ડેક બાર રેસ્ટોરન્ટ સમુદ્રના કિનારાથી લગભગ દોઢ કિલોમીટર અંદર હતી. જહાજમાં પાણી ભરાવાથી દુર્ઘટના સર્જાય હતી. પોલીસ દ્વારા આ ઘટનાની વધુ તપાસ હાથ ધરાય છે. access_time 2:09 pm IST

  • પાટણમાં એમબીબીએસના વિદ્યાર્થીએ આપઘાત કર્યો : ધારાપુર મેડીકલ કોલેજની હોસ્ટેલના ૧૦મા માળે ગળાફાંસો ખાઈ વિદ્યાર્થીએ આપઘાત કરી લેતા અરેરાટી access_time 7:07 pm IST

  • નોટબંધીનું પુરજોર સમર્થન કરનારા બિહારનાં મુખ્યમંત્રી નીતીશ કુમારે યૂ ટર્ન લેતા તેનાં પર સવાલો ઉભા કર્યા છે. એક નિવેદનમાં તેમણે કહ્યું કે, નોટબંધીનો લાભ જેટલો મળવો જોઇએ તેટલો નથી મળ્યો. લાભ કેમ નથી મળ્યો તેનું કારણ તેમણે જણાવ્યુ હતું. નોટબંધીની નિષ્ફળતા માટે તેમણે બેંકોને જવાબદાર ઠેરવી હતી. તેમણે કહ્યું કે દેશની પ્રગતીમાં બેંકોની ઘણી મોટી ભુમિકા છે. મુખ્યમંત્રીએ કહ્યું કે, બેંકોને જમા અને પૈસા ઉપાડવા તથા લોન આપવાનું જ કામ નથી કરવાનું, પરંતુ દરેકે દરેક સરકારી યોજનામાં પણ બેંકોની ઘણી મોટી ભુમિકા હોય છે. access_time 1:22 am IST