Gujarati News

Gujarati News

News of Saturday, 26th May 2018

ડાકોરમાં નજીવી બાબતે કર્મચારી પર હુમલો કરનાર મહંત વિરુદ્ધ ગુનો દાખલ

ડાકોર: ખાતે આવેલ વીજકંપનીના કર્મચારી સત્યનારાયણ મંદિર સામે આવેલા મહંતના મકાનમાં બિલ બનાવી રહ્યાં હતાં. તે વખતે અન્ય એક મહંતે પોતાના મકાનનું વીજબિલ બનાવવા દબાણ કરી માર માર્યો હોવાની ફરિયાદ ડાકોર પોલીસમાં નોંધાઈ છે.

મળતી માહિતી મુજબ નડિયાદ ખાતે રહેતા અને ડાકોર ખાતે જીઈબીમાં ફરજ બજાવતા જૈનમભાઈ વિનોદભાઈ શાહ ગુરુવારે સવારે સત્યનારાયણ મંદિરની સામે આવેલ મહંતના મકાનનું બિલ બનાવી અન્ય મકાનોના વીજબિલ બનાવી રહ્યાં હતાં. તે સમયે મંદિરના ઉમેશભાઈ મહંત આવ્યા હતાં અને જૈનમભાઈને મારૂ બીજુ મકાન છે તેનું બિલ બનાવી આપો તેમ કહેતા જૈનમભાઈએ નિયમ મુજબ ક્રમવાર બિલ બનાવવામાં આવશે. તેમ કહેતા ઉમેશભાઈ ઉશ્કેરાઈ ગયા હતા. અને અપશબ્દો બોલવા લાગતા જૈનમભાઈએ અપશબ્દો બોલવાની ના પાડતાં ઉમેશ મહંતે ઉશ્કેરાઈ જઈને જૈનમભાઈની ફેંટ પકડી, શર્ટ ફાડી નાંખી, હાથમાંથી મીટર રેડિંગ બિલ બુક પણ ખેંચી લીધી હતી. ઉમેશભાઈએ જૈનમભાઈ ઉપર હુમલો કરતાં લોકો દોડી આવ્યાં હતાં. અને જૈનમભાઈને વધુ મારથી છોડાવી સારવાર અર્થે ખસેડ્યાં હતાં.

(5:33 pm IST)
  • સુરતની લેડી ડૉન અસ્મિતા ગોહિલ ઉર્ફે ભૂરીએ પોતાનો ગુનો કબૂલ્યો છે અને હવે સુધરવાની વાત કરી છે. ભૂરીએ કહ્યું કે મારા પર જે આરોપ લાગ્યા છે તે સાચા છે. વાઈરલ થયેલો વીડિયો પણ મારો છે. ભૂરીએ પોતાની ભૂલ પણ સ્વીકારી અને કહ્યું કે જેલમાંથી બહાર આવીને હું મારી ભૂલ સુધારવા માગું છું. ભૂરીએ કહ્યું કે હવે મને લાગે છે કે મારે સુધરી જવું જોઈએ. ભૂરીએ આ નિવેદન કોર્ટ બહાર આપ્યું હતું. access_time 1:23 am IST

  • દિલ્હીના મુખ્ય સચિવ અંશુ પ્રકાશ સાથે કથિત મારપીટ મામલે નાયબ મુખ્યમંત્રી મનીષ સિસોદીયાની ત્રણ કલાક પૂછપરછ :એડિશનલ ડીસીપી હરેન્દ્રસિંહના નેતૃત્વમાં એક ટીમે સિસોદીયાના મથુરા રોડ પરના ઘરે 165 મિનિટ પૂછપરછ કરી અને અંદાજે 125 સવાલ કર્યા :પોલીસે કહ્યું જવાબથી સંતુષ્ટ access_time 1:18 am IST

  • કેન્દ્રમાં એનડીએ સરકારનાં ચાર વર્ષ પુર્ણ થવા પ્રસંગે કોંગ્રેસ સહિત મોટા ભાગનાં વિપક્ષી દળો મોદી સરકાર પર હૂમલા કરી રહી છે. બીજી તરફ કર્ણાટકનાં હાલમાં જ મુખ્યમંત્રી બનેલા એચ.ડી કુમાર સ્વામીએ કેન્દ્રની એનડીએ સરકારને શુભકામના પાઠવી છે. જેડીએસ નેતાએ જો કે મોદી સરકારને લોકોની અપેક્ષાઓ પર ખરા ઉતરવા અંગેનાં સવાલ પર કોઇ સ્પષ્ટ જવાબ આપવાનું ટાળ્યું હતું. કુમાર સ્વામીએ કહ્યું કે આ અંગે લોકોએ નક્કી કરવાનું છે. access_time 1:23 am IST