Gujarati News

Gujarati News

News of Saturday, 26th May 2018

છોકરીના ફોટો સાથે છેડછાડ કરી બ્લેક મેઇલ કરનાર દાહોદના ધનપુરમાં રહેતા દેવેન્દ્ર ચામઠાની ધરપકડ ડમી ફેસબુક એકાઉન્ટ બનાવી છોકરી સાથે ચેટ કરીને ફોટા શેર કરાવી છેડછાડ કરતો હતો

વડોદરાઃસોશ્યલ મીડિયા સાઈટના દુરુપયોગ થતા હોવાના કિસ્સા અવારનવાર બહાર આવતા હોય છે જેમાં યુવતીને ફસાવી તેને બ્લેક મેલ કરવા ઉપરાંત વાયરલ કરવાની ધમકી આપી કેટલીક મનોવિકૃતિ પણ કરી રહ્યા છે. સાયબર સેલ દ્વારા આવા જ એક શખ્સની ધરપકડ કરી લેવામાં આવી છે જેણે બે મહિના પહેલાં પૂજા ગુપ્તાના નામે ડમી ફેસબુક પ્રોફાઈલ બનાવીને એક છોકરીને ફ્રેન્ડ રિક્વેસ્ટ મોકલી હતી સાયરબર સેલે દાહોદના ધનપુરમાં રહેતા દેવેન્દ્ર ચામઠાની ધરપકડ કરી તેનો મોબાઈલ ફોન જપ્ત કરી લીધો છે.

  પીએસઆઈ અજયસિંહ ગોહિલના જણાવ્યા મુજબ, આરોપીએ ડમી પ્રોફાઈલ બનાવીને ફ્રેન્ડ રિક્વેસ્ટ મોકલી હતી. બાદમાં બંને ચેટ કરવા લાગ્યાં હતાં અને વાતો વાતોમાં બંનેએ એકબીજાના ફોટા શેર કર્યા હતા. ફરિયાદીએ પોતાનો ઓરિજનલ ફોટો આપ્યો હતો જ્યારે આોપીએ અન્ય કોઈ છોકરીનો ફોટો મોકલ્યો હતો. બાદમાં આરોપી દેવેન્દ્રએ છોકરીના ફોટા સાથે છેડછાડ કરી તેના ચેહરાને અશ્લિલ ફોટા પર ચીપકાવી દીધો હતો.આવા ગંદા ફોટા છોકરીને મોકલી તસવીરો ઈન્ટરનેટ પર વાયરલ કરી દેવાની ધમકી આપીને છોકરીને બ્લેક મેઇલ કરી હતી.

  દેવેન્દ્રએ છોકરીને કહ્યું હતું કે તે જે કહે તેમ નહીં કરે તો ફોટા વાયરલ કરી દેશે. ઘટનાને પગલે છોકરીએ સાયબર સેલનો સંપર્ક સાધ્યો હતો. છોકરીની ફરિયાદના આધારે પોલીસે તપાસ હાથ ધરી હતી. ફેસબુક અકાઉન્ટ આઈડી દ્વારા દેવેન્દ્રનો ફોટ ટ્રેક કરી તેની ધરપકડ કરી લેવામાં આવી છે. પોલીસે જણાવ્યા મુજબ 25 વર્ષીય દેવેન્દ્ર કોલેજનો વિદ્યાર્થી છે. આ મામલે વધુ કાર્યવાહી હાથ ધરવામાં આવી છે.

(3:40 pm IST)
  • નોટબંધીનું પુરજોર સમર્થન કરનારા બિહારનાં મુખ્યમંત્રી નીતીશ કુમારે યૂ ટર્ન લેતા તેનાં પર સવાલો ઉભા કર્યા છે. એક નિવેદનમાં તેમણે કહ્યું કે, નોટબંધીનો લાભ જેટલો મળવો જોઇએ તેટલો નથી મળ્યો. લાભ કેમ નથી મળ્યો તેનું કારણ તેમણે જણાવ્યુ હતું. નોટબંધીની નિષ્ફળતા માટે તેમણે બેંકોને જવાબદાર ઠેરવી હતી. તેમણે કહ્યું કે દેશની પ્રગતીમાં બેંકોની ઘણી મોટી ભુમિકા છે. મુખ્યમંત્રીએ કહ્યું કે, બેંકોને જમા અને પૈસા ઉપાડવા તથા લોન આપવાનું જ કામ નથી કરવાનું, પરંતુ દરેકે દરેક સરકારી યોજનામાં પણ બેંકોની ઘણી મોટી ભુમિકા હોય છે. access_time 1:22 am IST

  • પાટીદાર પંચાયતમાં વિવાદ : દિનેશ બાંભણીયાએ હાર્દિકને લખ્યો પત્ર : હાર્દિકે ફકત પબ્લીસીટી મેળવવા રાજકીય પાર્ટીઓને પત્ર લખ્યાનો આક્ષેપ : ધાર્મિક સંસ્થા અને શહીદ પરિવારને આમંત્રણ નહિં અપાતા પાટીદાર પંચાયતમાં થયો વિવાદ : પંચાયતમાં નહિં જવાનો નિર્ણય જાહેર કરતા બાંભણીયા access_time 7:09 pm IST

  • આગામી 24 કલાકમાં ગોવા અને મહારાષ્ટ્ર્ના કિનારે મેનુકુ વાવાઝોડાની ચેતવણી :મહારાષ્ટ્રં અને ગોવાના દરિયાકાંઠે ચક્રવાત ટકરાશે :હવામાન વિભાગે આગાહી કરતા કહ્યું કે તા; 27થી 29 દરમિયાન ભારે વરસાદની શકયતા છે access_time 1:26 am IST