Gujarati News

Gujarati News

News of Saturday, 26th May 2018

બારડોલીના છીત્રા ગામે તીક્ષ્ણ હથિયારના ઘા ઝીંકી ખેડૂતની હત્યા:કેરીની બબાલમાં મર્ડર થયાનું ખુલ્યું

સુરત:જિલ્લાના બારડોલીના છીત્રા ગામાએ તીક્ષ્ણ હથિયારના ઘા ઝીંકી ખેડૂતની હત્યા થઇ છે જેના પગલે ખેડૂત પરિવારમાં શોકનો માહોલ છવાય ગયો છે.આ અંગે જાણવા મળતી વિગત મુજબ  આંબા વાડી પેટે 8 મણ કેરી ન અપાતા છેલ્લા બે ત્રણ  દિવસથી માથાકુટ થઈ હતી. જેને લઈને ખેડૂતની હત્યા કરવામાં આવી હોવાનું સામે આવ્યું છે. આંબાની વાડી ભાડે રાખનાર શખ્સે આ હત્યા કરી હોવાની આશંકા સેવાઈ રહી છે.

   આ ખેડૂતની હત્યા ગઈકાલે બપોરબાદ કરવામાં આવી હોવાનું સામે આવી રહ્યું છે. ખેતરના શેઢા પર તીક્ષ્ણ હથિયારના ઘા ઝીંકી ખેડૂતની હત્યા કરવામાં આવી હતી. આ સમગ્ર ઘટના સુરત જિલ્લાના બારડોલીના છીત્રા ગામની છે. હાલ તો આ સમગ્ર મામલે પોલીસ ફરિયાદ કરવામાં આવી છે. જેથી પોલીસે સમગ્ર મામલે ગુનો નોંધીને આગળની તપાસ હાથ ધરી છે.

(2:34 pm IST)
  • નોટબંધીનું પુરજોર સમર્થન કરનારા બિહારનાં મુખ્યમંત્રી નીતીશ કુમારે યૂ ટર્ન લેતા તેનાં પર સવાલો ઉભા કર્યા છે. એક નિવેદનમાં તેમણે કહ્યું કે, નોટબંધીનો લાભ જેટલો મળવો જોઇએ તેટલો નથી મળ્યો. લાભ કેમ નથી મળ્યો તેનું કારણ તેમણે જણાવ્યુ હતું. નોટબંધીની નિષ્ફળતા માટે તેમણે બેંકોને જવાબદાર ઠેરવી હતી. તેમણે કહ્યું કે દેશની પ્રગતીમાં બેંકોની ઘણી મોટી ભુમિકા છે. મુખ્યમંત્રીએ કહ્યું કે, બેંકોને જમા અને પૈસા ઉપાડવા તથા લોન આપવાનું જ કામ નથી કરવાનું, પરંતુ દરેકે દરેક સરકારી યોજનામાં પણ બેંકોની ઘણી મોટી ભુમિકા હોય છે. access_time 1:22 am IST

  • પાટણમાં એમબીબીએસના વિદ્યાર્થીએ આપઘાત કર્યો : ધારાપુર મેડીકલ કોલેજની હોસ્ટેલના ૧૦મા માળે ગળાફાંસો ખાઈ વિદ્યાર્થીએ આપઘાત કરી લેતા અરેરાટી access_time 7:07 pm IST

  • ડોક્ટર્સ વિધાઉટ બોડર્સે શનિવારે જણાવ્યું હતું કે, માનવ તસ્કરો દ્વારા બંધક બનાવીને રાખવામાં આવેલા 100થી વધુ પ્રવાસીઓ અને શરણાર્થીઓને ઉત્તર પશ્ચિમ લીબિયાની ગુપ્ત જેલમાંથી ભાગવા દરમિયાન ગોળી મારવામાં આવી હતી. આ ઘટનામાં ઘણા લોકોને ઈજા પહોંચી છે. વિશ્વ સ્વાસ્થ્ય સંગઠ WHOને કહ્યું છે કે, બુધવારે (23 મે) રાત્રે થયેલી આ ઘટનામાં બચેલા લોકોએ જણાવ્યું હતું કે આ ઘટનામાં ઓછામાં ઓછા 15 લોકોના મોત થયા છે અને 40 લોકોને ઈજા પહોંચી છે. આ ઘટનામાં મહિલાઓ વધુ ભોગ બની છે. access_time 1:22 am IST