Gujarati News

Gujarati News

News of Saturday, 26th May 2018

મેડીકલના છાત્રોને ગ્રામ્ય કક્ષાએ સેવા અને પાંચ લાખના બોન્ડમાંથી મુકિત મળશે

ઓલ ઇન્ડીયા કવોટાના UG-PG છાત્રોને નિયમ લાગુઃ પરીપત્ર જાહેર કરતું આરોગ્ય વિભાગ

અમદાવાદ, તા., ૨૬: રાજય સરકારના આરોગ્ય વિભાગે ઓલ ઇન્ડીયા કવોટાના સ્નાતક અને અનુસ્નાતક છાત્રો માટે ગ્રામ્ય કક્ષાએ સેવા અને પાંચ લાખના બોન્ડમાંથી મુકિત આપી છે.

એમબીબીએસ અને પોસ્ટ ગ્રુજયેએટ મેડીકલ કોર્સમાં અભ્યાસ કરતા ઓલ ઇન્ડીયા કવોટા હેઠળ પ્રવેશ મેળવનાર વિદ્યાર્થીઓને ત્રણ વર્ષ સુધી ગામડામાં સેવા આપવામાંથી મુકિત આપવાનો નિર્ણય સરકારે કર્યો છે.  આરોગ્ય વિભાગે આ અંગેનો પરીપત્ર કરી દીધો છે. ગત વર્ષના ૧૬૩ અને આ વર્ષના ૧૯૦ જેટલો વિદ્યાર્થીઓને આ નવા સુધરાનો લાભ મળશે. જો કે સ્ટેટ કવોટાના વિદ્યાર્થીઓને આ નિયમ યથાવત લાગુ પડશે. સરકારની કોલેજના વિદ્યાર્થીઓને આ જોગવાઇ લાગુ પડશે.

આરોગ્ય વિભાગના તા.રર-પ-ર૦૧૮ના ઠરાવ મુજબ ઓલ ઇન્ડીયા ર૨-પ-ર૦૧૮ના ઠરાવ મુજબ ઓલ ઇન્ડીયા કવોટાના ૧પ ટકા તબીબી  વિદ્યાર્થીઓને તેમજ અનુસ્નાતક કોર્સમાં ઓલ ઇન્ડીયા કવોટાના પ૦ ટકા તબીબી વિદ્યાર્થીઓને ત્રણ વર્ષની ગ્રામ્ય સેવાઓની બાંધેધરી રૂપે બોન્ડ તેમજ ગ્રામ્ય સેવાની જોગવાઇઓ શૈક્ષણીક વર્ષ ર૦૧૩-૧૪ થી લાગુ પડશે નહી.

(12:41 pm IST)
  • ગઈ કાલની મહત્વની મેચમાં કોલકાતાની ટીમ સાથે શાહુરૂખ જોવા મળ્યો નહોતો. હૈદરાબાદ સાથેની મેચ હાર્યા બાદ પણ શાહુરૂખે સોશિયલ મીડિયા પર કેકેઆર ને પ્રેરણાત્મક મેસજ આપતા લખ્યુ હતુ કે, તમે શાનદાર પ્રદર્શન કર્યુ. તમને પોતાના પર ગર્વ હોવો જોઈએ. તમે લોકોએ સૌથી બહેતર રમત બતાવી, આપ સૌની સાથે મારો પ્રેમ યથાવત છે અને હું ખુશ છું, અમારા સૌના મનોરંજન માટે તમારો ધન્યવાદ. access_time 2:16 pm IST

  • રમઝાનમાં યુધ્ધવિરામનું ઉલ્લંઘન સહન નહિ થાય :જમ્મુ-કાશ્મીરના મુખ્યમંત્રી મહેબુબા મુફ્તીની પાકિસ્તાનને ચેતવણી: પાકિસ્તાન રામઝાનથી જોડાયેલ ભાવનાઓનું સન્માન કરે અને સીમા પર સંઘર્ષ વિરામનું ઉલ્લંઘન અટકાવે તેમ સરહદી ક્ષેત્રોમાં પ્રભાવિત લોકોની મુલાકાત દરમિયાન મહેબુબા મુફ્તીએ કહ્યું હતું access_time 1:21 am IST

  • નોટબંધીનું પુરજોર સમર્થન કરનારા બિહારનાં મુખ્યમંત્રી નીતીશ કુમારે યૂ ટર્ન લેતા તેનાં પર સવાલો ઉભા કર્યા છે. એક નિવેદનમાં તેમણે કહ્યું કે, નોટબંધીનો લાભ જેટલો મળવો જોઇએ તેટલો નથી મળ્યો. લાભ કેમ નથી મળ્યો તેનું કારણ તેમણે જણાવ્યુ હતું. નોટબંધીની નિષ્ફળતા માટે તેમણે બેંકોને જવાબદાર ઠેરવી હતી. તેમણે કહ્યું કે દેશની પ્રગતીમાં બેંકોની ઘણી મોટી ભુમિકા છે. મુખ્યમંત્રીએ કહ્યું કે, બેંકોને જમા અને પૈસા ઉપાડવા તથા લોન આપવાનું જ કામ નથી કરવાનું, પરંતુ દરેકે દરેક સરકારી યોજનામાં પણ બેંકોની ઘણી મોટી ભુમિકા હોય છે. access_time 1:22 am IST