Gujarati News

Gujarati News

News of Saturday, 26th May 2018

૧૮ લાખની લૂંટના કેસમાં એક શખ્સને પકડી પડાયો

૭૭૫૬૦૦નો મુદ્દામાલ જપ્ત કરી પુછપરછઃ અન્ય આરોપીઓને શોધી કાઢવા અમદાવાદ શહેર ક્રાઈમ બ્રાંચની ઉંડી તપાસ જારી : ઝડપાયેલા શખ્સની પુછપરછ

અમદાવાદ,તા.૨૫: બનાસકાંઠા જિલ્લા વડગામ તાલુકાના ભાખરી ગામના પાટિયા પાસે દૂધની ડેરીના પગારના નાણાં લઇ જતાં કર્મચારીને હથિયાર બતાવીને ભયભીત કરવામાં આવ્યા બાદ ૧૮ લાખની લૂંટ કરી ટોળકી હાલમાં જ ફરાર થઇ ગઇ હતી. આ સંદર્ભમાં ફરિયાદ નોંધાવવામાં આવ્યા બાદ ક્રાઈમ બ્રાંચે તપાસ હાથ ધરતા આજે એક આરોપીને પકડી પાડવામાં સફળતા મેળવી હતી. તેની પાસેથી મુદ્દામાલ પણ જપ્ત કરવામાં આવ્યો છે જેમાં જુદા જુદા દરની ૭૨૫૬૦૦ રૂપિયાની રોકડ રકમ, લૂંટની રકમમાંથી ખરીદવામાં આવેલો મોબાઇલ ફોન, મોટરસાયકલ મળીને કુલ ૭૭૫૬૦૦નો મુદ્દામાલ જપ્ત કરવામાં આવ્યો છે. ઝડપાયેલા શખ્સની પુછપરછ કરવામાં આવતા આ શખ્સે કહ્યું હતું કે, હથિયાર બતાવીને લૂંટ કરવાના મામલામાં તેની સાથે અન્ય શખ્સો પણ છે જેમાં દિનેશગીરી પોપટગીરી ગોસ્વામી, અરવિંદસિંહ શેતાનસિંહ અને અન્ય બેનો સમાવેશ થાય છે જે અંગે હજુ માહિતી મળી નથી. પાંચથી વધુ લોકોની ટોળકીએ આ ગુનાને અંજામ આપ્યો હોવાની માહિતી મળી છે. મળતી માહિતી મુજબ ક્રાઈમ બ્રાંચની ટીમે બાતમીના આધારે બનાસકાંઠા જીલ્લાના વડગામ તાલુકાના ધનાલી ગામના જગદીશભાઈ હેમરાજભાઈ મોરીયાગામની દુધ ડેરીના કર્મચારીઓનો પગાર કરવા ધનાલી ગામની મધ્યસ્થ બેંકમાં પૈસા લેવા ગયા હતા અને બેંકમાંથી ૧૮ લાખ રૂપિયા લઈ પરત આવી રહ્યા હતા. રસ્તામાં ભાખરી ગામ પાટીયા નજીક કારમાં આવેલ ચાર શખ્સોએ જગદીશભાઈને રોકી આરોપીઓએ તેમની પાસે રહેલી હથિયારથી બે રાઉન્ડ ગોળીબાર કર્યો હતો. ગોળીબાર કરીને જગદીશભાઈને ભયભીત કરી દીધા હતા. જગદીશભાઈ હુમલો કરીને ૧૮ લાખ રૂપિયાની લૂંટ કરીને આ ટોળકી ફરાર થઇ ગઈ હતી. લૂંટની ઘટના બન્યા બાદ આ સંદર્ભમાં ફરિયાદ વડગામ પોલીસ સ્ટેશનમાં નોંધાવવામાં આવી હતી. ફરિયાદ બાદ ક્રાઈમ બ્રાંચે આ મામલામાં તપાસ હાથ ધરી હતી. તપાસ દરમિયાન બાતમી મળ્યા પછી જાળ બિછાવવામાં આવી હતી. જેના ભાગરુપે ૧૮ લાખની લૂંટ કરવાના ગુન્હામાં સંડોવાયેલા ઈસમો અમદાવાદ પહોંચ્યા હતા. ક્રાઈમ બ્રાંચની ટીમે એક આરોપીને પકડી પાડ્યો હતો. આરોપી નરેશભારથી ગણપતભારથી ગોસ્વામી પાસેથી જુદ્દા જુદ્દા દરની રોકડ રકમ ૭,૨૫,૬૦૦ તથા લૂંટની રકમમાંથી ખરીદેલો મોબાઈલ ફોન અને મોટર સાયકલ પણ આરોપીપાસેથી જપ્ત કરી લેવામાં આવી છે.

(10:04 pm IST)
  • આજે CBSE બોર્ડ ધોરણ 12નું પરિણામ જાહેર થશે : પરિણામ સરળતાથી જોઇ શકાય તે માટે ગુગલ સાથે કર્યું CBSEએ જોડાણ : ગુગલ પરથી વિદ્યાર્થીઓ જોઇ શકશે પોતાનું પરિણામ : cbse.examresults.net, cbseresults.nic.in, results.nic.in and results.gov.in વેબસાઈટસ પરથી પરિણામ જાણી શકાશે access_time 6:56 pm IST

  • મુંબઈની તરતી રેસ્ટોરન્ટ સમુદ્રમાં ડૂબી : મુંબઈના માહિમ ખાતે બાંદરા-વરલી સી લિંક પાસે સમુદ્રમાં તરતી રેસ્ટોરન્ટ ડૂબી જતા 15 લોકો ડૂબ્યા હતા. જો કે સદનસીબે આ તમામ લોકોને બચાવી લેવાયા હતા. એક મોટી શિપને તરતી રેસ્ટોરન્ટમાં ફેરવવામાં આવી હતી. આ આર્ક ડેક બાર રેસ્ટોરન્ટ સમુદ્રના કિનારાથી લગભગ દોઢ કિલોમીટર અંદર હતી. જહાજમાં પાણી ભરાવાથી દુર્ઘટના સર્જાય હતી. પોલીસ દ્વારા આ ઘટનાની વધુ તપાસ હાથ ધરાય છે. access_time 2:09 pm IST

  • ડોક્ટર્સ વિધાઉટ બોડર્સે શનિવારે જણાવ્યું હતું કે, માનવ તસ્કરો દ્વારા બંધક બનાવીને રાખવામાં આવેલા 100થી વધુ પ્રવાસીઓ અને શરણાર્થીઓને ઉત્તર પશ્ચિમ લીબિયાની ગુપ્ત જેલમાંથી ભાગવા દરમિયાન ગોળી મારવામાં આવી હતી. આ ઘટનામાં ઘણા લોકોને ઈજા પહોંચી છે. વિશ્વ સ્વાસ્થ્ય સંગઠ WHOને કહ્યું છે કે, બુધવારે (23 મે) રાત્રે થયેલી આ ઘટનામાં બચેલા લોકોએ જણાવ્યું હતું કે આ ઘટનામાં ઓછામાં ઓછા 15 લોકોના મોત થયા છે અને 40 લોકોને ઈજા પહોંચી છે. આ ઘટનામાં મહિલાઓ વધુ ભોગ બની છે. access_time 1:22 am IST