Gujarati News

Gujarati News

News of Saturday, 26th May 2018

બાવળાના હાસન નગરમાં માટી લેવા મામલે બે જૂથ વચ્ચે અથડામણ :હથિયારોથી હુમલો :15 લોકો ઘાયલ

તળાવની માટી લેવા બાબતે બે જૂથ આમને સામને :પોલીસ કાફલો દોડ્યો

 

અમદાવાદઃ જિલ્લાનાં બાવળામાં માટી લેવાના મામલે બે જૂથ વચ્ચે અથડામણ થતા કુલ 15 લોકો ઘાયલ થયા છે મળતી માહિતી મુજબ હાસનનગરમાં માટી લેવાના મામલે બે જૂથો આમને-સામને આવી ગયાં હતાં અને ઘાતક હથિયારો વડે એકબીજા પર ઘાતક હુમલો કર્યો હતો.જેમાં 6 જેટલાં લોકોને ગંભીર ઈજા પહોંચતા તેમને સારવાર અર્થે હોસ્પિટલ ખસેડવામાં આવ્યાં છે

  ઘટના અંગે જાણ થતાં પોલીસ કાફલો તુરંત ઘટના સ્થળે દોડી આવ્યો હતો. તેમજ બંને જૂથને વિખેરી ઉગ્રભર્યા માહોલને શાંત પડાયો હતો.

  અત્રે ઉલ્લેખનીય છે કે ગામમાં માત્ર તળાવની માટી લેવા બાબતે બે જૂથ વચ્ચે માથાકૂટ થઇ હતી. જૂથ અથડામણમાં બંને જૂથનાં કુલ 15 લોકો ઘાયલ થયાં હતાં. જો કે ઘાયલ લોકોને અમદાવાદની સિવિલ હોસ્પિટલ ખાતે દાખલ કરવામાં આવ્યાં હતાં.

(10:22 pm IST)
  • ગઈ કાલની મહત્વની મેચમાં કોલકાતાની ટીમ સાથે શાહુરૂખ જોવા મળ્યો નહોતો. હૈદરાબાદ સાથેની મેચ હાર્યા બાદ પણ શાહુરૂખે સોશિયલ મીડિયા પર કેકેઆર ને પ્રેરણાત્મક મેસજ આપતા લખ્યુ હતુ કે, તમે શાનદાર પ્રદર્શન કર્યુ. તમને પોતાના પર ગર્વ હોવો જોઈએ. તમે લોકોએ સૌથી બહેતર રમત બતાવી, આપ સૌની સાથે મારો પ્રેમ યથાવત છે અને હું ખુશ છું, અમારા સૌના મનોરંજન માટે તમારો ધન્યવાદ. access_time 2:16 pm IST

  • પાટીદાર પંચાયતમાં વિવાદ : દિનેશ બાંભણીયાએ હાર્દિકને લખ્યો પત્ર : હાર્દિકે ફકત પબ્લીસીટી મેળવવા રાજકીય પાર્ટીઓને પત્ર લખ્યાનો આક્ષેપ : ધાર્મિક સંસ્થા અને શહીદ પરિવારને આમંત્રણ નહિં અપાતા પાટીદાર પંચાયતમાં થયો વિવાદ : પંચાયતમાં નહિં જવાનો નિર્ણય જાહેર કરતા બાંભણીયા access_time 7:09 pm IST

  • મુંબઈની તરતી રેસ્ટોરન્ટ સમુદ્રમાં ડૂબી : મુંબઈના માહિમ ખાતે બાંદરા-વરલી સી લિંક પાસે સમુદ્રમાં તરતી રેસ્ટોરન્ટ ડૂબી જતા 15 લોકો ડૂબ્યા હતા. જો કે સદનસીબે આ તમામ લોકોને બચાવી લેવાયા હતા. એક મોટી શિપને તરતી રેસ્ટોરન્ટમાં ફેરવવામાં આવી હતી. આ આર્ક ડેક બાર રેસ્ટોરન્ટ સમુદ્રના કિનારાથી લગભગ દોઢ કિલોમીટર અંદર હતી. જહાજમાં પાણી ભરાવાથી દુર્ઘટના સર્જાય હતી. પોલીસ દ્વારા આ ઘટનાની વધુ તપાસ હાથ ધરાય છે. access_time 2:09 pm IST