Gujarati News

Gujarati News

News of Saturday, 26th May 2018

વડનગરમાં વ્યાજખોરના ત્રાસથી ઝેરી દવા પી આપઘાત : ત્રણ હજારની ઉઘરાણી બાબતે ધમકીની સ્યુસાઇડ નોટ

વડનગરમાં રહેતા કિરણ હિરાભાઈ લવારીયાએ માત્ર ત્રણ હજાર રૂપિયા રબારી કનુભાઈ નાથુભાઈ (રહે. અમરથોળ દરવાજો, વડનગર )પાસેથી લીધેલા હતા તે રૂપિયા ન આપી શકતાં રબારી કનુભાઈએ મારી નાંખવાની ધમકી આપતાં ઝેરી દવા પી ને જીંદગી ટુંકાવી દીધી હતી.

  મળતી માહિતિ પ્રમાણે વડનગર ખાતે રહેતા કિરણ હિરાભાઈ લવારીયાએ ત્રણ દિવસ પહેલાં ઝેરી દવા પી લીધી હતી. લવારીયાના પરિવારે કિરણભાઈને મહેસાણાની લાયન્સ હોસ્પિટલમાં દાખલ કરતાં સારવાર દરમ્યાન તેનું મોત નિપજ્યું હતુ. મરનાર કિરણના ભાઈ પનાભાઈ હિરાભાઈ લવારીયાએ વડનગર પોલીસ સ્ટેશનમાં મૃતક કિરણે લખેલી સ્યુસાઈડ નોટ પોલીસને આપી હતી.  
  ફરીયાદમાં લખાવ્યું હતું કે, કિરણ હીરાભાઈ લવારીયાએ રૂપિયા ત્રણ હજાર રબારી કનુભાઈ નાથુભાઈ રહે. અમરથોળ દરવાજો, વડનગર પાસેથી લીધેલા હતા. તે રૂપિયા માટે વાંરવાર ઉઘરાણી કરી ધમકી આપતો હતો. કિરણ ઉપર મોટી રકમનો ચેક બનાવી કોર્ટમાં કેસ કર્યો હતો. રબારી કનુભાઈ નાથુભાઈ અને રબારી રમણભાઈ નાથુભાઈ બંન્ને ભાઈઓ પોલીસ કેસ કરી જાનથી મારી નાંખવાની ધમકી આપી હતી. જેના કારણે કિરણે કંટાળીને ઝેરી દવા પી ને આપઘાત કર્યો હતો. પનાભાઈની ફરીયાદના આધારે વડનગર પોલીસે આગળની તપાસ હાથ ધરી હતી.

(8:56 am IST)
  • સુરતની લેડી ડૉન અસ્મિતા ગોહિલ ઉર્ફે ભૂરીએ પોતાનો ગુનો કબૂલ્યો છે અને હવે સુધરવાની વાત કરી છે. ભૂરીએ કહ્યું કે મારા પર જે આરોપ લાગ્યા છે તે સાચા છે. વાઈરલ થયેલો વીડિયો પણ મારો છે. ભૂરીએ પોતાની ભૂલ પણ સ્વીકારી અને કહ્યું કે જેલમાંથી બહાર આવીને હું મારી ભૂલ સુધારવા માગું છું. ભૂરીએ કહ્યું કે હવે મને લાગે છે કે મારે સુધરી જવું જોઈએ. ભૂરીએ આ નિવેદન કોર્ટ બહાર આપ્યું હતું. access_time 1:23 am IST

  • ભાવનગર જિલ્લાના મહુવામાં ૪૪ સીસીટીવી કેમેરા ગોઠવાશેઃ શહેર ઉપર બાજનઝર રખાશેઃ ૫મી જૂને પૂ. મોરારીબાપુના હસ્તે લોકાર્પણ access_time 2:32 pm IST

  • દિલ્હીના મુખ્ય સચિવ અંશુ પ્રકાશ સાથે કથિત મારપીટ મામલે નાયબ મુખ્યમંત્રી મનીષ સિસોદીયાની ત્રણ કલાક પૂછપરછ :એડિશનલ ડીસીપી હરેન્દ્રસિંહના નેતૃત્વમાં એક ટીમે સિસોદીયાના મથુરા રોડ પરના ઘરે 165 મિનિટ પૂછપરછ કરી અને અંદાજે 125 સવાલ કર્યા :પોલીસે કહ્યું જવાબથી સંતુષ્ટ access_time 1:18 am IST