Gujarati News

સુરતમાં લેડી ડોનથી નામચિન અસ્મિતા મકવાણા ઉર્ફે ભૂરીનો આતંક મચાવતો વધુ એક વિડિઓ બહાર આવ્યોપ છે  એક દિવસ પહેલા જ એક વાયરલ વીડિયોના સંદર્ભમાં પોલીસ તેની અને તેના સાગરીતની ધરપકડ કરી છે. હવે ભૂરીનો વધુ એક વીડિયો સામે આવ્યો છે આ વીડિયોમાં તે પોતાના સાગરીત સાથે આતંક મચાવી રહી છે.

    લેડી ડોનનો જે વીડિયો સામે આવ્યો છે તે 21મી મેના રોજનો છે. વીડિયોમાં ભૂરી તેના સાગરીત સાથે નજરે પડી રહી છે. ભૂરીના સાગરીતે મોઢા પર રૂમાલ બાંધી રાખ્યો છે. વીડિયોમાં ભૂરીનો સાગરીત કારખાનામાં તોડફોડ કરતો નજરે પડી રહ્યો છે. તેના હાથમાં રહેલી તલવારથી તે કારખાનામાં તોડફોડ કરી રહ્યો છે. ભૂરી પણ તેનો સાથ આપતી નજરે પડી રહી છે.

  એવી વાત પણ સામે આવી છે કે ભૂરી અને તેના સાગરીતે કારખાનાના કારીગરોને પણ ધમકાવ્યા હતા. વીડિયોમાં ભૂરીનો સાગરીત એક કારીગર સાથે ગેરવર્તન કરતો પણ નજરે પડી રહ્યો છે.ભૂરી અને તેના સાગરીતે કારખાનમાં મચાવેલા આતંકની ઘટના સીસીટીવી કેમેરામાં કેદ થઈ ગઈ છે. આ ઘટના વહેલી સવારે બની હોય તેવું સીસીટીવી ફૂટેજમાં નોંધાયેલા સમય પરથી લાગી રહ્યું છે.

   અત્રે ઉલ્લેખનીય છે કે ગુરુવારે જ ખુલ્લી તલવાર સાથે પાનના ગલ્લાવાળાને ધમકાવવાના તેમજ લૂંટના ગુનામાં પોલીસે ભૂરીની ધરપકડ કરી છે.

 અસ્મિતા મકવાણા ઉર્ફે ભૂરી તરીકે નામચીન સુરતની લેડી ડોનના એક સાગરીત પર હુમલો કરવામાં આવ્યો છે. ભૂરીના સાગરીતનું નામ અલ્પેશ બીજલ ભાલીયાન છે. અલ્પેશે થોડા દિવસ પહેલા ભૂરી સાથે મળીને એક બાઇકની ચોરી કરી  હતી.વરાછા વિસ્તારમાંથી આ ચોરી કરવામાં આવી હતી. અલ્પેશ આ કેસમાં આરોપી છે. બુધવારે રાત્રે અલ્પેશ કડોદરા જવા માટે નીકળ્યો હતો. અલ્પેશ પુણા પાટિયા પાસે ઉભો હતો ત્યારે ચાર જેટલા અજાણ્યા શખ્સો બળજબરી પૂર્વક અપહરણ કરીને ઉપાડી ગયા હતા.અપહરણ બાદ અલ્પેશને ઢોર માર મારવામાં આવ્યો હતો. બાદમાં અપહરણકારોએ દેવધગામ નજીક તેને ફેંકી દીધો હતો. મારા મારવાને કારણે અલ્પેશને સારવાર માટે હોસ્પિટલમાં ખસેડવામાં આવ્યો છે.