Gujarati News

Gujarati News

News of Friday, 25th May 2018

સુરતની લેડી ડોન 'ભૂરી'નો આતંક મચાવતો વધુ એક વીડિયો વાયરલ :સાગરીત કારખાનામાં કરે છે તોડફોડ

ભૂરી અને તેના સાગરીતે કારખાનાના કારીગરોને પણ ધમકાવ્યા હતા.

સુરતની લેડી ડોન 'ભૂરી'નો આતંક મચાવતો વધુ એક વીડિયો વાયરલ :સાગરીત કારખાનામાં કરે છે તોડફોડ

 

સુરતમાં લેડી ડોનથી નામચિન અસ્મિતા મકવાણા ઉર્ફે ભૂરીનો આતંક મચાવતો વધુ એક વિડિઓ બહાર આવ્યોપ છે  એક દિવસ પહેલા એક વાયરલ વીડિયોના સંદર્ભમાં પોલીસ તેની અને તેના સાગરીતની ધરપકડ કરી છે. હવે ભૂરીનો વધુ એક વીડિયો સામે આવ્યો છે વીડિયોમાં તે પોતાના સાગરીત સાથે આતંક મચાવી રહી છે.

    લેડી ડોનનો જે વીડિયો સામે આવ્યો છે તે 21મી મેના રોજનો છે. વીડિયોમાં ભૂરી તેના સાગરીત સાથે નજરે પડી રહી છે. ભૂરીના સાગરીતે મોઢા પર રૂમાલ બાંધી રાખ્યો છે. વીડિયોમાં ભૂરીનો સાગરીત કારખાનામાં તોડફોડ કરતો નજરે પડી રહ્યો છે. તેના હાથમાં રહેલી તલવારથી તે કારખાનામાં તોડફોડ કરી રહ્યો છે. ભૂરી પણ તેનો સાથ આપતી નજરે પડી રહી છે.

  એવી વાત પણ સામે આવી છે કે ભૂરી અને તેના સાગરીતે કારખાનાના કારીગરોને પણ ધમકાવ્યા હતા. વીડિયોમાં ભૂરીનો સાગરીત એક કારીગર સાથે ગેરવર્તન કરતો પણ નજરે પડી રહ્યો છે.ભૂરી અને તેના સાગરીતે કારખાનમાં મચાવેલા આતંકની ઘટના સીસીટીવી કેમેરામાં કેદ થઈ ગઈ છે. ઘટના વહેલી સવારે બની હોય તેવું સીસીટીવી ફૂટેજમાં નોંધાયેલા સમય પરથી લાગી રહ્યું છે.

   અત્રે ઉલ્લેખનીય છે કે ગુરુવારે ખુલ્લી તલવાર સાથે પાનના ગલ્લાવાળાને ધમકાવવાના તેમજ લૂંટના ગુનામાં પોલીસે ભૂરીની ધરપકડ કરી છે.

 અસ્મિતા મકવાણા ઉર્ફે ભૂરી તરીકે નામચીન સુરતની લેડી ડોનના એક સાગરીત પર હુમલો કરવામાં આવ્યો છે. ભૂરીના સાગરીતનું નામ અલ્પેશ બીજલ ભાલીયાન છે. અલ્પેશે થોડા દિવસ પહેલા ભૂરી સાથે મળીને એક બાઇકની ચોરી કરી  હતી.વરાછા વિસ્તારમાંથી ચોરી કરવામાં આવી હતી. અલ્પેશ કેસમાં આરોપી છે. બુધવારે રાત્રે અલ્પેશ કડોદરા જવા માટે નીકળ્યો હતો. અલ્પેશ પુણા પાટિયા પાસે ઉભો હતો ત્યારે ચાર જેટલા અજાણ્યા શખ્સો બળજબરી પૂર્વક અપહરણ કરીને ઉપાડી ગયા હતા.અપહરણ બાદ અલ્પેશને ઢોર માર મારવામાં આવ્યો હતો. બાદમાં અપહરણકારોએ દેવધગામ નજીક તેને ફેંકી દીધો હતો. મારા મારવાને કારણે અલ્પેશને સારવાર માટે હોસ્પિટલમાં ખસેડવામાં આવ્યો છે.

(12:39 am IST)
  • નોટબંધીનું પુરજોર સમર્થન કરનારા બિહારનાં મુખ્યમંત્રી નીતીશ કુમારે યૂ ટર્ન લેતા તેનાં પર સવાલો ઉભા કર્યા છે. એક નિવેદનમાં તેમણે કહ્યું કે, નોટબંધીનો લાભ જેટલો મળવો જોઇએ તેટલો નથી મળ્યો. લાભ કેમ નથી મળ્યો તેનું કારણ તેમણે જણાવ્યુ હતું. નોટબંધીની નિષ્ફળતા માટે તેમણે બેંકોને જવાબદાર ઠેરવી હતી. તેમણે કહ્યું કે દેશની પ્રગતીમાં બેંકોની ઘણી મોટી ભુમિકા છે. મુખ્યમંત્રીએ કહ્યું કે, બેંકોને જમા અને પૈસા ઉપાડવા તથા લોન આપવાનું જ કામ નથી કરવાનું, પરંતુ દરેકે દરેક સરકારી યોજનામાં પણ બેંકોની ઘણી મોટી ભુમિકા હોય છે. access_time 1:22 am IST

  • મુંબઈની તરતી રેસ્ટોરન્ટ સમુદ્રમાં ડૂબી : મુંબઈના માહિમ ખાતે બાંદરા-વરલી સી લિંક પાસે સમુદ્રમાં તરતી રેસ્ટોરન્ટ ડૂબી જતા 15 લોકો ડૂબ્યા હતા. જો કે સદનસીબે આ તમામ લોકોને બચાવી લેવાયા હતા. એક મોટી શિપને તરતી રેસ્ટોરન્ટમાં ફેરવવામાં આવી હતી. આ આર્ક ડેક બાર રેસ્ટોરન્ટ સમુદ્રના કિનારાથી લગભગ દોઢ કિલોમીટર અંદર હતી. જહાજમાં પાણી ભરાવાથી દુર્ઘટના સર્જાય હતી. પોલીસ દ્વારા આ ઘટનાની વધુ તપાસ હાથ ધરાય છે. access_time 2:09 pm IST

  • ડોક્ટર્સ વિધાઉટ બોડર્સે શનિવારે જણાવ્યું હતું કે, માનવ તસ્કરો દ્વારા બંધક બનાવીને રાખવામાં આવેલા 100થી વધુ પ્રવાસીઓ અને શરણાર્થીઓને ઉત્તર પશ્ચિમ લીબિયાની ગુપ્ત જેલમાંથી ભાગવા દરમિયાન ગોળી મારવામાં આવી હતી. આ ઘટનામાં ઘણા લોકોને ઈજા પહોંચી છે. વિશ્વ સ્વાસ્થ્ય સંગઠ WHOને કહ્યું છે કે, બુધવારે (23 મે) રાત્રે થયેલી આ ઘટનામાં બચેલા લોકોએ જણાવ્યું હતું કે આ ઘટનામાં ઓછામાં ઓછા 15 લોકોના મોત થયા છે અને 40 લોકોને ઈજા પહોંચી છે. આ ઘટનામાં મહિલાઓ વધુ ભોગ બની છે. access_time 1:22 am IST