Gujarati News

Gujarati News

News of Friday, 26th April 2019

રામોલની ગેંગરેપ પીડિતાનું સારવાર દરમ્યાન મોત થયું

કિડની પર ગંભીર અસર થતાં સારવાર હેઠળ હતી :બીકોમની વિદ્યાર્થિની પર એટીકેટીનું ફોર્મ ભરવાના બહાને ગેસ્ટ હાઉસમાં ગેંગરેપ થયો હતો : આઘાતનું મોજુ ફેલાયું

અમદાવાદ,તા. ૨૬ : શહેરના રામોલ વિસ્તારમાં રહેતી એક યુવતી પર ચાર શખ્સો દ્વારા થોડા સમય પહેલાં ગેંગરેપ કરી તેને ભોગ બનાવવાના ચકચારભર્યા કેસમાં આજે એક નવો વળાંક આવ્યો હતો. ભોગ બનનાર પીડિતાને કિડની પર ગંભીર અસર થતાં તેને કેટલાક સમયથી હોસ્પિટલમાં સારવાર માટે દાખલ કરાઇ હતી, જયાં તેનું કરૂણ મોત નીપજતાં આ કેસમાં નવો વળાંક આવ્યો છે. બીજીબાજુ, ઘટનાને લાંબો સમય વીતી જવા છતાં રામોલ પોલીસ હજુ સુધી આ કેસના આરોપીઓને પકડી શકી નથી. જેને લઇ હવે રામોલ પોલીસની ભૂમિકા સામે ગંભીર સવાલો ઉઠી રહ્યા છે. શહેરના રામોલ વિસ્તારમાં રહેતી યુવતીને થોડા સમય પહેલાં ચાર  શખ્સોએ સામૂહિક દુષ્કર્મનો ભોગ બનાવી હતી. જેને પગલે યુવતીને સારવાર માટે હોસ્પિટલમાં ખસેડાઈ હતી. કિડની પર ગંભીર અસર થતાં તેને હોસ્પિટલમાં ખસેડાઈ હતી. ૨૦ વર્ષીય યુવતી ગર્ભવતી બનતા ગેંગરેપની ઘટના સામે આવી હતી. બીકોમમાં અભ્યાસ કરતી એટીકેટીનું ફોર્મ ભરવાની લાલચ આપીને ગેસ્ટહાઉસમાં લઈ ગયા હતા અને તેના પર દુષ્કર્મ આચર્યું હતું. આ મામલે યુવતીએ રામોલ પોલીસ સ્ટેશનમાં ફરિયાદ નોંધાવી હતી. જો કે, યુવતીને કિડની પર ગંભીર અસર થતાં તેને હોસ્પિટલમાં ખસેડાઇ હતી. યુવતીને મૃત બાળક અવતરતા સમગ્ર મામલો પ્રકાશમાં આવ્યો હતો.

હોસ્પિટલમાં જ પીડિતા યુવતીએ ચાર લોકોએ દુષ્કર્મ આચર્યાનું નિવેદન આપ્યું હતું. આજે પીડિતાને કિડની પર ગંભીર અસર થતા મોત થયું હતુ. જેને પગલે ભારે અરેરાટી અને શોકની લાગણી પ્રસરી ગઇ હતી. બીજીબાજુ, રામોલ પોલીસની નિષ્ફળતા સામે ગંભીર સવાલો ઉઠી રહ્યા છે.

(8:24 pm IST)
  • દુષ્કર્મ કેસમાં આસારામ પુત્ર નારાયણ સાંઈ દોષિત જાહેર : ૩૦મીએ સજાનુ એલાન થશે : સુરતની કોર્ટે સંભળાવ્યો ચુકાદો access_time 1:22 pm IST

  • ત્રિપુરાના મુખ્યમંત્રી વિપ્લવ દેવ ઉપર પત્નીને માર મારવાનો આરોપઃ દિલ્હીની કોર્ટમાં છુટાછેડાનો કેસ દાખલ : ત્રિપુરાના મુખ્યમંત્રી વિપ્લવ દેવ મુશ્કેલીમાં: પત્ની નીતિએ દિલ્હી હાઇકોર્ટમાં છુટાછેડાની અરજી દાખલ કરીઃ માર મારવા તથા હેરાનગતિના આરોપઃ ૨૦૧૮માં વિપ્લવ દેવ CM બન્યા હતાં. access_time 4:06 pm IST

  • જામનગર- ખંભાળિયા રોડ વચ્ચે વાડીનાર નજીક આવેલ એક મહાકાય કંપનીમાં કોલસા કૌભાંડ અંગે કરોડો રૂપિયાની ફરિયાદ નોંધાવવા તજવીજ ;જોકે વાડીનાર પોલીસ આ વિષે મૌન સેવી રહયું છે access_time 11:11 pm IST