Gujarati News

ગુજરાતમાં વિજળીનાં વપરાશકારમો માટે રાહતનાં સમાચાર આવ્યા છે. તેમજ ગુજરાતમાં ઘરેલુ વપરાશનાં વિજળી કનેકશન માટે રાજય સરકારે યુનિટમાં ભાવ ઘટાડીને રાહત આપવાનો નિર્ણય કર્યો છે.

રાજય સરકાર હસ્તકની ૪ વીજ કંપનીઓના વીજદરમાં ઘટાડો કરીને ગ્રાહકોને રાહત અપાઇ છે. આ સાથે વર્ષ ૨૦૧૯-૨૦માં ચાર વીજ કંપનીઓએ ગ્રાહક વીજબિલના દરમાં વધારો નહીં કરવાનું નક્કી કર્યુ છે. રહેણાંક ગ્રાહક માટે એનર્જી ચાર્જમાં ૫ સ્લેબમાંથી ૧ સ્લેબનો ઘટાડો કરાયો છે. જેમાં ૧૦૧-૨૦૦ ત્યારબાદ ૨૦૧-૨૫૦ અને યુનિટને બદલીને ૧૦૧-૨૫૦ યુનિટનો સ્લેબ કરાયો છે. જેથી ૨૦૧-૨૫૦ યુનિટનો વપરાશ કરનારા ગ્રાહકોને ૧૦ પૈસાની બચત થશે. એક અંદાજ મુજબ આ બચત કુલ ૫.૩૧ કરોડની થશે. જયારે કે ઓપન માર્કેટમાંથી વીજળી ખરીદનારા ગ્રાહકોને પ્રતિ યુનિટ દીઠ રૂ. ૧.૪૭ને બદલે રૂ. ૧.૩૬ ચૂકવવા પડશે.