Gujarati News

Gujarati News

News of Thursday, 25th April 2019

પાલનપુરના ગાઢ પાસે પુત્રને ટ્યુશનમાં મૂકી પરત ફરતા બાઇકસવાર પિતાને કાળ ભેટ્યો :વાનની અડેફેટ કરૂણમોત

 

પાલનપુર તાલુકાના ગઢ પાસે પુત્રને ટ્યુશન મૂકી પરત ફરી રહેલા પિતાને અકસ્માત નડતા કરૂણમોત નીપજ્યું હતું વાન અને બાઇક વચ્ચે થયેલા અકસ્માતમાં બાઇક સવાર પિતાનુ મોત નિપજયુ હતું.

  અંગેની મળતી વિગત મુજબ પાલનપુર તાલુકાના ટાકરવાડા ગામના વતની અને ભાવીસણા પ્રાથમિક શાળા મા મધ્યાહન ભોજન સંચાલક તરીકે ફરજ બજાવતા 45 વર્ષીય પ્રકાશચંદ્ર કરશનભાઇ વાણીયા ગુરુવારની સવારે પોતાના પુત્રને ગઢ ખાતે ટ્યુશનમા મુકી ને બાઇક પર પરત ટાકરવાડા આવી રહ્યા હતા.

  દરમિયાન ગઢ નજીક સામેથી પુરઝડપે આવી રહેલ વાન ના ચાલકે બાઇકને જોરદાર ટક્કર મારતા અકસ્માત સર્જાયો હતો. જેમા બાઇક સવાર પ્રકાશચંદ્રને ગંભીર ઇજાઓ થતા તેમનુ મોત નિપજ્યુ હતુ. બનાવ અંગે ગઢ પોલીસે ગુનો નોંધી વધુ તપાસ હાથ ધરી છે

(12:31 am IST)