Gujarati News

Gujarati News

News of Friday, 26th February 2021

હાઇકોર્ટની એડવોકેટ જનરલને ટકોર : કહ્યું -હવે ફરીવાર માસ્ક પહેરવાના નિયમોનું સખ્તપણે પાલન કરવું પડશે

જે દિવસે ચૂંટણીની ઉજવણીનો અંત આવી જશે, ત્યારે જ તમે સ્થિતિ પર કાબુ મેળવી શકશો

અમદાવાદ : ગુજરાત હાઈકોર્ટે કોરોનાને લગતી સુઓ મોટો જાહેરહિતની અરજીની સુનાવણી દરમિયાન એડવોકેટ જનરલને કહ્યું હતું કે થોડાક દિવસ પહેલા આપણે કેસો પર નિયંત્રણ મેળવી શક્યા હતા અને તેને લીધે કેસની સંખ્યાં પણ ઓછી થઈ હતી જોકે હવે ફરિવાર માસ્ક પહેરવાના નિયમોનું સખ્તપણે પાલન કરવું પડશે.

એડવોકેટ જનરલે હાઈકોર્ટમાં કહ્યું કે અમે વિચારી રહ્યાં છીએ કે અન્ય રાજ્યોમાંથી પ્રવેશ પર પ્રતિબંધ મૂકી દઈએ. ગુજરાત હાઈકોર્ટે એડવોકેટ જનરલને જવાબમાં કહ્યું કે આનાથી તમારી સમસ્યાનો ઉકેલ નહિ આવે. જે દિવસે તમારી ચૂંટણીની ઉજવણીનો અંત આવી જશે, ત્યારે જ તમે સ્થિતિ પર કાબુ મેળવી શકશો. સરકારે ખૂબ જ સતર્ક રહેવાની જરૂર છે.

ગુજરાતના ચીફ જસ્ટિસ વિક્રમનાથે સુનાવણી દરમિયાન હળવા અંદાજમાં કહ્યું હતું કે જો ચૂંટણીના પરિણામ અને ઉજવણીને લીધે કોરોનાના કેસમાં વધારો થયો તો તમામ પાર્ટીના રજીસ્ટર્ડ કાર્યકર્તાઓને કમ્યુનિટી સર્વિસમાં મોકલવામાં આવશે. એડવોકેટ જનરલે જવાબમાં કહ્યું કે આ લોકો રક્ષણ રાખે

જસ્ટિસ જે.બી. પારડીવાલા સુનાવણી દરમિયાન કહ્યું કે કોઈ માસ્ક પહેરતું નથી. સોશ્યલ ડિસ્ટનસિંગ પણ તેટલો જ જરૂરી છે, જો માસ્ક પહેરવામાં તો કેટલીક હદ સુધી તો રક્ષણ મળે. એડવોકેટ જનરલે કહ્યું કે અમે આ બાબતનું પાલન કરાવવાનો પ્રયાસ કરશું. આ કેસની સુનાવણી 6 સપ્તાહ પછી હાથ ધરવામાં આવશે, તેવી શકયતા

(8:59 pm IST)
  • સુરતમાં આમ આદમી પાર્ટીના કોર્પોરેટરો પગાર નહી લેઃ લોકહિતમાં મહત્વની જાહેરાત access_time 4:24 pm IST

  • હવે શિવરાજસિંહ ચૌહાણે પણ આપી ચેતવણી : કહ્યું કોરોના સંકટ ટળ્યું નથી : સુરક્ષાના ઉપાયો અપનાવો નહીંતર લોકોડાઉન જેવા પગલાં લેવા પડશે :મધ્યપ્રદેશના મુખ્યમંત્રીએ કોરોના સંક્રમણ ફેલાતું અટકવવા લોકોને સહયોગ આપવા અને સાવધાની રાખવા અપીલ કરી access_time 1:10 am IST

  • ભારતીય ટીમના બોલર યુસુફ પઠાણે ક્રિકેટના તમામ ફોર્મેટમાંથી લીધી નિવૃતિ : આજે યુસુફે ઍકાઍક જાહેરાત કરતાં જણાવેલ કે તેઓઍ ક્રિકેટના તમામ ફોર્મેટમાંથી નિવૃતિ લઈ લીધી છે : યુસુફ પઠાણે તેમની કારકિર્દીમાં ૫૭ વન ડે અને ૨૨ આંતરરાષ્ટ્રીય ક્રિકેટ મેચ રમી છે : તેઓની કારકિર્દીમાં અનેક સિમાચિન્હરૂપ ઈનિંગ્સનો સમાવેશ થાય છે : યુસુફઍ ઍક ફાંકડા ફટકાબાજ તરીકે પણ લોકચાહના મેળવેલ access_time 5:23 pm IST