Gujarati News

Gujarati News

News of Friday, 26th February 2021

મોડાસા-હિંમતનગર માર્ગ નજીક કુવામાંથી પરપ્રાંતીય યુવકની લાશ મળી આવતા ચકચાર મચી જવા પામ્યો

મોડાસા:મોડાસા - હિમંતનગર માર્ગે આવેલમા દુધેશ્વરીના મંદિર પાછળના કૂવામાંથી એક પરપ્રાંતીય યુવકની લાશ મળી આવતાં ચકચાર મચી હતી. આ શ્રમિકના મોતનું કારણ જાણી શકાયું ન હતું. પરંતુ ટાઉન પોલીસે લાશનો કબ્જો મેળવી કાયદેસરની કાર્યવાહી હાથ ધરી છે. ત્યારે આ મોતને લઈ રહસ્ય સર્જાયું હતું.

જિલ્લામાં પરપ્રાંતિય શ્રમિકો કોરોના કાળની સ્થિતિ થાળે પડતાં કામ પર પરત આવ્યા છે. હાલ બટાટા કાઢવાથી માંડી કોલ્ડ સ્ટોરેજ પહોંચાડવાની જ કામગીરી મોટા પ્રમાણમાં હાથ ધરાઈ છે. ત્યારે પરપ્રાંતિય શ્રમિકો મોટાપ્રમાણમાં જિલ્લામાં જોવા મળી રહયા છે. ગુરુવારના રોજ મોડાસા-હિંમતનગર માર્ગે આવેલ દુધેશ્વરી માતાજીના મંદિર પાછળના કૂવામાંથી એક યુવકની લાશ મળી આવતાં પંથકમાં ચકચાર મચી હતી.

(5:07 pm IST)
  • આંદામાન સાગરમાં ભટકતી બોટની શોધ : રોહીંગ્યા શરણાર્થીઓની ગૂમ થયેલી બોટને શોધવામાં ભારતીય તટરક્ષક દળ મદદ કરી રહયું છે. આ નૌકા ૧પ દિ' પહેલા બાંગ્લાદેશથી રવાના થયા પછી ખરાબ થઇ ગયેલ. આ નૌકામાં ૯૦ લોકો છે. જેમની હાલત ખરાબ છે અને તે પૈકી ૮ના મોત થયાની આશંકા છે. જો કે આ નૌકા કયાં છે તે જાણવા મળતુ નથી. આ બોટમાં સવાર રપ વર્ષીય યુવાનની માતા નસીમા ખાતુન કહે છેકે પોતાનો પુત્ર ૪ લીટર પાણી માત્ર સાથે લઇને ગયો છે અને આ લોકો ભુખથી તડપી રહયા છે અને માર્ગ ભુલી ગયા છે. access_time 12:52 pm IST

  • ચીનમાં માનવાધિકારની સ્થિતિ પર સંયુક્ત રાષ્ટ્ર સંઘે વ્યક્ત કરી ચિંતા : કહ્યું કે સમીક્ષા કરવી જરૂરી :સંયુક્ત રાષ્ટ્રસંઘના પ્રમુખે કહ્યું કે ચીનના શિનજિયાંગ ક્ષેત્રમાં માનવાધિકારની સ્થિતિની સમીક્ષા કરવી જરૂરી છે : એમ પણ કહ્યું કે ચીનમાં કાર્યકર્તાઓ,વકીલો અબે માનવાધિકારના રક્ષકો પર જુઠા કેસ ચલાવી બંદી બનાવ્યા છે access_time 12:53 am IST

  • દેશમાં ફરીવાર કોરોનાના સતત વધતા કેસ :રાત્રે 12 વાગ્યા સુધીમાં કોરોનાના નવા 16,562 કેસ નોંધાયા :કુલ કેસની સંખ્યા 1,10,63,038 થઇ :એક્ટિવ કેસ 1,53,849 થયા: વધુ 12,203 દર્દીઓ સ્વસ્થ થતા કુલ 1,07,48,759 થયા :વધુ 119 લોકોના મોત સાથે કુલ મૃત્યુઆંક 1,56, 861 થયા access_time 1:31 am IST