Gujarati News

Gujarati News

News of Friday, 26th February 2021

હિરાનગરી સુરતમાં અરવિંદ કેજરીવાલઃ ભવ્ય રોડ શો

સુરત મહાનગર પાલીકામાં ર૭ બેઠકો ઉપર જીત મેળવતા મતદારોનો આભાર માનવા : સવારે એરપોર્ટ પર ઉષ્માભર્યુ સ્વાગતઃ સરકીટ હાઉસ ખાતે કાર્યકરો-વિવિધ સંગઠનોના આગેવાનો સાથે બેઠકોનો દૌર શરૃઃ આમ આદમી પાર્ટીના કાર્યકરોમાં ઉત્સાહ

રાજકોટ, તા., ૨૬: હિરાનગરી સુરતમાં મહાનગર પાલીકાની ચુંટણીમાં આમ આદમી પાર્ટીએ કરેલો ઉત્કૃષ્ઠ દેખાવ અને ર૭ બેઠક ઉપર ઝળહળતો વિજય મેળવ્યો છે. ગુજરાત રાજયમાં નવા પક્ષના ઉદય અને ભાજપનો વિકલ્પ તરીકે લોકોએ મત આપતા દિલ્હીના મુખ્યમંત્રી આજે મતદારોનો આભાર માનવા સુરત આવી પહોંચ્યા છે.

આપના સંયોજક અને દિલ્હીના મુખ્યમંત્રી અરવિંદ કેજરીવાલ સવારે ૮ કલાકે સુરત એરપોર્ટ પર પહોંચતા તથા તેમનું આમ આદમી પાર્ટીના કાર્યકરો અને વિવિધ ક્ષેત્રના આગેવાનો જ્ઞાતિ મંડળોએ આવકાર્યા હતા.

દિલ્હીના મુખ્યમંત્રી અરવિંદ કેજરીવાલ એરપોર્ટ પરથી સીધા જ સરકીટ હાઉસ ખાતે પહોંચ્યા હતા ત્યાં આમ આદમી પાર્ટીના આગેવાનો કાર્યકરો અને સમર્થકો તેમજ પાટીદાર આગેવાનો ઉપરાંત ભાજપ-કોંગ્રેસથી નારાજ ઉદ્યોગકાર-વેપારીઓ પણ મળશે.

બપોરે ૩ કલાકે સુરતના વરાછાના મીનીબજાર, માનગઢ ચોકથી રોડ શો શરૂ થશે જે મીનીબજાર, હીરાબાગ, રચના સર્કલ, કારગીલ ચોક, ક્રિષ્ના ચોક, યોગી ચોક, સીમાડાનાકા સરથાણા જકાતનાકા થઇને જનસભામાં પરીવર્તીત થશે.

ગુજરાતમાં સ્થાનીક સ્વરાજયની ચુંટણીમાં આમ આદમી પાર્ટીને મતદારોનું મળેલ સમર્થન બાદ કેજરીવાલ આગામી વિધાનસભાની ચુંટણીનો રોડ મેપ તૈયાર કરે તેવી ચર્ચા ચાલે છે.

(11:38 am IST)
  • ચીનમાં માનવાધિકારની સ્થિતિ પર સંયુક્ત રાષ્ટ્ર સંઘે વ્યક્ત કરી ચિંતા : કહ્યું કે સમીક્ષા કરવી જરૂરી :સંયુક્ત રાષ્ટ્રસંઘના પ્રમુખે કહ્યું કે ચીનના શિનજિયાંગ ક્ષેત્રમાં માનવાધિકારની સ્થિતિની સમીક્ષા કરવી જરૂરી છે : એમ પણ કહ્યું કે ચીનમાં કાર્યકર્તાઓ,વકીલો અબે માનવાધિકારના રક્ષકો પર જુઠા કેસ ચલાવી બંદી બનાવ્યા છે access_time 12:53 am IST

  • ભારતીય ટીમના બોલર યુસુફ પઠાણે ક્રિકેટના તમામ ફોર્મેટમાંથી લીધી નિવૃતિ : આજે યુસુફે ઍકાઍક જાહેરાત કરતાં જણાવેલ કે તેઓઍ ક્રિકેટના તમામ ફોર્મેટમાંથી નિવૃતિ લઈ લીધી છે : યુસુફ પઠાણે તેમની કારકિર્દીમાં ૫૭ વન ડે અને ૨૨ આંતરરાષ્ટ્રીય ક્રિકેટ મેચ રમી છે : તેઓની કારકિર્દીમાં અનેક સિમાચિન્હરૂપ ઈનિંગ્સનો સમાવેશ થાય છે : યુસુફઍ ઍક ફાંકડા ફટકાબાજ તરીકે પણ લોકચાહના મેળવેલ access_time 5:23 pm IST

  • દેશમાં ફરીવાર કોરોનાના સતત વધતા કેસ :રાત્રે 12 વાગ્યા સુધીમાં કોરોનાના નવા 16,562 કેસ નોંધાયા :કુલ કેસની સંખ્યા 1,10,63,038 થઇ :એક્ટિવ કેસ 1,53,849 થયા: વધુ 12,203 દર્દીઓ સ્વસ્થ થતા કુલ 1,07,48,759 થયા :વધુ 119 લોકોના મોત સાથે કુલ મૃત્યુઆંક 1,56, 861 થયા access_time 1:31 am IST