Gujarati News

Gujarati News

News of Friday, 26th February 2021

તાલુકા પંચાયતની ચૂંટણીમાં ભાજપમાંથી સૌથી નાની ઉંમરના ઉમેદવાર નેહા રબારી

22 વર્ષના નેહા રબારીએ કોલેજ પૂર્ણ કરી ઝંપલાવ્યુ રાજકારણમાં: મહુવાની કુંભણ બેઠક પરથી લડશે ચૂંટણી :રાજકારણમાં કોઈ બેકગ્રાઉન્ડ કે ગોડફાધર નથી.

અમદાવાદ : સ્થાનિક સ્વરાજ્યની ચૂંટણીમાં યુવા ઉમેદવાર મેદાને છે. સૌથી નાની વયની નેહા રબારી તાલુકા પંચાયતની ચૂંટણી લડશે. મહુવા તાલુકાની કુંભણ બેઠક પરથી નેહા રબારીએ ઉમેદવારી નોંધાવી છે. ભાજપે 22 વર્ષની નેહા રબારીને કુંભણ બેઠક પરથી ટિકિટ આપી છે.

22 વર્ષના નેહા રબારીએ કોલેજનો અભ્યાસ પૂર્ણ કરી રાજકારણમાં ઝંપલાવી દીધુ છે. યુવા નેહા રબારીનું રાજકારણમાં કોઈ બેકગ્રાઉન્ડ કે ગોડફાધર નથી.

તાજેતરમાં ભાજપે 60 વર્ષથી ઉપરનાને ટિકિટ નહીં આપવાની જાહેરાત કરી અને યુવા પેઢી પણ લીડર બની શકે છે. તેમ કહેતા જ ગામડામાં પણ આ વાતની પ્રતિતી જોવા મળી છે. ભાજપે તાજેતરમાં મહુવા તાલુકા પંચાયતની ચૂંટણીમાં કુંભણ સીટ પરથી સૌથી નાની વયની યુવતી નેહા રબારીને ટિકિટ આપીને યુવા પેઢીને સુકાન સોંપવાની દિશામાં પ્રગતિ કરી છે

ભાવનગરના પાલીતાણામાં આવેલા સી.આર પાટીલ દ્વારા આ યુવતીનું સન્માન પણ કરાયું હતું. મહુવાના કુંભણ ગામની 22 વર્ષીય નેહા રબારીએ હજુ તાજેતરમાં જ કોલેજનો અભ્યાસ પૂર્ણ કર્યો છે. અને સેવાની ભાવના સાથે સ્થાનિક સ્વરાજની ચૂંટણીમાં ઝાપલાવ્યું છે

(9:28 am IST)
  • રાજકોટ સહિત ગુજરાતભરમાં ટ્રાન્સપોર્ટનો વ્યવસાય ચાલુ : પેટ્રોલ- ડીઝલના ભાવવધારા અને મોંઘવારીના વિરોધમાં ટ્રાન્સપોર્ટના ધંધાર્થીઓએ પણ હડતાલનું એલાન જાહેર કરાયું હતું. પરંતુ ટ્રાન્સપોર્ટના વેપારીઓ સાથે વાત કરતાં તેઓએ જણાવેલ હડતાલનું કોઈ એલાન કરાયું જ નથીઃ માત્ર અફવા છેઃ રાબેતા મુજબ જ ટ્રાન્સપોર્ટનો વ્યવસાય ચાલુ જ છે access_time 12:51 pm IST

  • કોરોનાનો કહેર વધતા આંતરરાષ્ટ્રીય યાત્રી ઉડાનો પર 31મી માર્ચ સુધી પ્રતિબંધ લંબાવાયો : DGCAએ ભારત આવનારી અને અહીંથી જનાર વાણિજ્યીક આંતરરાષ્ટ્રીય ઉદયન પર પ્રતિબંધ 31 માર્ચ સુધી વધારી દીધો access_time 12:48 am IST

  • હવે શિવરાજસિંહ ચૌહાણે પણ આપી ચેતવણી : કહ્યું કોરોના સંકટ ટળ્યું નથી : સુરક્ષાના ઉપાયો અપનાવો નહીંતર લોકોડાઉન જેવા પગલાં લેવા પડશે :મધ્યપ્રદેશના મુખ્યમંત્રીએ કોરોના સંક્રમણ ફેલાતું અટકવવા લોકોને સહયોગ આપવા અને સાવધાની રાખવા અપીલ કરી access_time 1:10 am IST