Gujarati News

Gujarati News

News of Wednesday, 26th February 2020

ભીલડી રેલ્વે સ્ટેશન પાસે રેલવે કર્મચારીની ગળું કપાયેલી હાલતમાં લાશ મળતા ચકચાર

રેલ્વેના સત્તાધિશો સહિત લોકોના ટોળેટોળાં ઉમટી પડ્યા

 

ડીસાના ભીલડી રેલ્વે સ્ટેશન પાસે કર્મચારીની લાશ મળી આવતા ચકચાર મચી ગઇ છે. ઘટનાની જાણ થતાં રેલ્વેના સત્તાધિશો સહિત લોકોના ટોળેટોળાં ઉમટી પડ્યા હતા. રેલ્વે કર્મીનો શિરચ્છેદ થયેલો મૃતદેહ મળી આવતા રહસ્યમય સંજોગોમાં મોત થયા હોવાના અનેક તર્ક-વિતર્ક સર્જાયા છે. સમગ્ર મામલે સ્થાનિક પોલીસે મૃતક કર્મચારીની લાશને પોસ્ટમોર્ટમ માટે મોકલી આપી વધુ તપાસ હાથ ધરી છે. ઘટનાને લઇ પરિવારજનો ઉપર આભ ફાટી પડ્યુ હતુ.

બનાસકાંઠા જીલ્લાના ડીસા તાલુકાના ભીલડી રેલ્વે સ્ટેશન નજીકથી લાશ મળી આવી છે. પ્રાથમિક તપાસમાં ટ્રેન નીચે કચડાઇ જવાથી મોત થયુ હોવાનું માનવામાં આવી રહ્યુ છે. જોકે ઘટનાને લઇ એનક તર્ક-વિતર્કો સર્જાયા છે. રેલ્વે કર્મચારી જભલસિંહ ડાભીની ગળું કપાયેલી હાલતમાં લાશ મળી આવી હોવાની વાત વાયુવેગે ફેલાઇ જતાં લોકોના ટોળેટોળાં ઉમટી પડ્યા હતા.

(1:16 am IST)
  • નોર્થ ઇસ્ટ દિલ્હીના સીલામ્પુર વિસ્તારમાં એક મહિના માટે 144 મી કલમ લાગુ : દુકાનો બંધ કરાવવા અને કાયદાનો અમલ કરાવવા પોલીસ પેટ્રોલિંગ : અત્યારે શાંતિપૂર્વક વિનંતી કરીએ છીએ પણ જો કાયદાનું પાલન નહીં થાય તો કડક પગલાં લેવાશે : ભાગીરથી વિહાર ગોકુલપુરીમાં ફ્લેગ માર્ચ access_time 7:49 pm IST

  • દિલ્હીના બેકાબૂ તોફાનો સંદર્ભે 3 કલાકમાં 3 વખત ઉચ્ચ કક્ષાની બેઠક બોલાવતા ગૃહમંત્રી અમિતભાઈ શાહ : બેઠકમાં દિલ્હીનાં ઉપરાજ્યપાલ અનિલ બૈજલ અને મુખ્યમંત્રી અરવિંદ કેજરીવાલ સહિત અનેક વરિષ્ઠ અધિકારી અને રાજકીયદળોનાં પ્રતિનિધિ પણ હાજર access_time 12:31 am IST

  • દિલ્લીમાં પાંચમા દિવસે પણ હિંસા શા માટે ચાલુ છે? દુકાનો સળગાવી : મૃત્‍યુઆંક ૨૦ : ટાઈમ્‍સ નાઉના મેઘા પ્રસાદે ટ્‍વીટ કરી જણાવ્‍યુ છે કે સ્‍થિતિ અંકુશમાં લેતા હજુ કેટલો સમય લાગશે? શા માટે દુકાનો આજે સવારે પણ સળગાવવામાં આવી : આજે હિંસક ઘટનાનો ૫મો દિવસ છે અને હજુ પણ? access_time 12:01 pm IST