Gujarati News

Gujarati News

News of Tuesday, 26th January 2021

પ્રજાસત્તાક દિનની ઉજવણી, મણિનગરમાં શ્રી સ્વામિનારાયણ ગાદીના આચાર્યશ્રીએ કર્યું ધ્વજવંદન: શ્રી મુક્તજીવન ડિઝાસ્ટર મેનેજમેન્ટ દ્વારા પરેડ

દેશ આખો આજે 72મો પ્રજાસત્તાક દિન (Republic Day) ઉજવી રહ્યો છે. દેશમાં પ્રજાસત્તાક દિનને લઇને ઉજવણી થઈ રહી છે. ગુજરાત (Gujarat)માં પણ ખાસ રીતે પ્રજાસત્તાક દિવસની ઉજવણી થઈ રહી છે. આજે ભૂમંડળ સ્થિત તીર્થોત્તમ ધામ શ્રી સ્વામિનારાયણ મંદિર મણિનગર અમદાવાદમાં  72મા પ્રજાસત્તાક દિવસની ઉત્સાહભેર ઉજવણી કરવામાં આવી હતી. રાજ્યમાં વિવિધ સ્થળોએ આગવા અંદાજમાં પ્રજાસત્તાક દિવસની ઉજવણી કરવામાં આવી હતી. આજે કોરોના કાળ અને માસ્ક સોશિયલ ડિસ્ટન્સના નિયમ સરકારી ગાઈડ લાઈનનું પાલન કરી શ્રી સ્વામિનારાયણ ગાદીના આચાર્ય શ્રી જિતેન્દ્રિયપ્રિયદાસજી સ્વામીશ્રીએ તિરંગો લહેરાવ્યો હતો. જો કે આજે વહેલી સવારે કડકડતી ઠંડી હોવા છતાં સૌએ દેશભક્તિ પ્રત્યે લાગણીની અનુભૂતિ કરાવી હતીઘ્વજ વંદન નિહાળતા લોકોએ અદ્ભુત અનુભૂતિ માણી હતી.

નોંધનીય છે કે, વર્ષે કોરોના વાયરસની મહામારીને કારણે પ્રજાસત્તાક પર્વમાં મર્યાદિત લોકોની હાજરીમાં પર્વની ઉજવણી થઈ રહી છે.

72 મા પ્રજાસત્તાક પર્વ નિમિત્તે પૂજનીય સંતો, ભકતોએ ધ્વજવંદન બાદ ઉદ્દબોધન પણ કર્યુ હતું.

પ્રજાસત્તાક દિન નિમિત્તે ધ્વજવંદન, પરેડ, યોગશિબિર, રમત-ગમત સહિતના કાર્યક્રમ યોજાયા હતા. પ્રજાસત્તાક દિન પર્વમાં સારે જહાં સે અચ્છા હિન્દુસ્તા હમારા... સહિતના દેશભકિતના ગીતોથી વાતાવરણ ગૂંજી ઉઠ્યું હતું. કોરોનાના પગલે પ્રજાસત્તાક દિનના કાર્યક્રમમાં લોકોની ભીડ થાય તેનું ધ્યાન રાખવામાં આવ્યું હતું અને સામાજીક અંતર, માસ્ક વગેરે નિયમનું પાલન કર્યું હતું.

(10:20 pm IST)
  • આજે સવારે પ્રજાસત્તાક દિન નિમિત્તે વડાપ્રધાન શ્રી નરેન્દ્રભાઈ મોદીએ ગયા વર્ષે જ નવસર્જિત અને તેમના વરદ હસ્તે ખુલ્લા મુકાયેલા નેશનલ વોર મેમોરીયલ ખાતે જઈને ભારત-પાક યુદ્ધમાં શાહી થયેલા જવાનોને શ્રદ્ધા સુમન અર્પણ કર્યા હતા, સાથે રાજનાથસિંહ જોડાયા હતા. ઇન્ડિયા ગેટ ખાતે અમર જવાન જ્યોતિ ખાતે જવાને બદલે ગયા વર્ષે ખુલ્લા મુકાયેલ નેશનલ વોર મેમોરીયલ ખાતે તેમણે જવાનું પસંદ કર્યું હતું. access_time 12:45 pm IST

  • નવું વકફ બોર્ડ બનાવવા આદેશ :ચૂંટણી યોજી નવું વકફ બોર્ડ બનાવવા ઉત્તર પ્રદેશ હાઇકોર્ટે હુકમ કર્યો છે. access_time 11:00 am IST

  • લાઇન ઓફ કન્ટ્રોલ ઉપર ચીન-ભારતના સૈનિકો વચ્ચે અથડામણ થયાના અહેવાલો મળે છે. ભારતીય જવાનોએ ફરી ચીનાઓને મૂહતોડ જવાબ આપી તગેડી મૂક્યા access_time 10:21 am IST